الموضوع: رابطة حائزى الفلوينس

المشاركة الأصلية كتبت بواسطة bukla

الشكر لله يا باشا وعقبال ما تستلم على خير ان شاء الله

المشاركة الأصلية كتبت بواسطة dr dido

يا جميل ولا تعب ولا حاجة انت تأمر بس و دى روح منتدانا الجميل و عقبالك لما تستلم على خير ان شاء الله

ألف شكر يا جماعة على الروح الجميلة ،ربنا يستر طريقكم و يحافظ عليكم.

المشاركة الأصلية كتبت بواسطة adfarouk

تسلم يا دكتور على الصور و المعلومات الجميلة دي

ربنا يحفظك و يحفظنا جميعاً من العين و من كل شر

اللهم آمين و ربنا يحفظك و يكرمك و تستلم على خير

فى معلومة كده عرفتها النهارده مش عارف حتعجبكم ولا لأ
كلمت الاستاذ عبد الحليم النهارده علشان كنت عايز أحجز اختبار قيادة لواحد صاحبى فقاللى ان العربية بقالها يومين فى مجلس الدفاع الوطنى ( المخابرات العامة المصرية ) شكلها عاجباهم و حياخدوا منها كم عربية
علشان بس الناس اللى بتشكك فى الفلوانس تبطل تجادل

المشاركة الأصلية كتبت بواسطة dr dido

و دى شوية صور كمان بس معلش الصور نقائها مش حلو اوى

ألف شكر على الصور ، ربنا يباركلك فيها إن شاء الله

حابب اشارككم تطورات الفلوينس معايا انا كنت استلمت العربيه من حوالى سته ايام و راكنها فى الجراج لحين استلام اوراق العربيه المهم اخيرا استلمت الاوراق امبارح و جريت النهارده رخصت العربيه لكن كان فى شىء مضايقنى لما استلمت العربيه لقيت نور الفلاشر منور على طول و اعتقد فى حد تانى معانا فى المنتدى كان عنده نفس الموضوع و راح التوكيل و ظبطوا له العربيه لكن الحقيقه الامر ده كان مضايقنى ازاى عربيه باسم رينو تخرج من المصنع فيها عيب واضح كده المهم خلصت المرور و قلت اطلع على التوكيل و كلمتهم على التليفون و انا فى الطريق الاوبريتور راحت محوالانى على مدير صيانه العبور ولقيته بيقولى ما تجيش اركن لو سمحت على جنب و اطفى العربيه و بعدين قال لى نزل الدراع اللى بيشغل المساحات و دراع الانوار لاخر مشوارهم لتحت وبعدين قال لى شغل العربيه و رجع الدراعات تانى مكانها و المشكله راحت المهم انا استغربت جدا وقلت له ممكن افهم ايه الموضوع بالظبط فقال لى دى موود للعربيه علشان و هى فى الشحن مسافره البطاريه ما تفضاش و تهرب الشحنه انا استغربت الامر و حبيت اعرضه عليكم لكن فى قمه السعاده لان ظنى طلع غلط و ظلمت المصنع فى شىء افتكرته مشكله

المشاركة الأصلية كتبت بواسطة bukla

فعلا تجربة مثيرة مش الكروز اللى معظم اللى استلموها اول حاجة بيعملوها انهم بيروحوا التوكيل علشان يغير لهم البطارية البايظة
الواحد كل يوم اعجابة بيزيد بالعربية و بحمد ربنا انة وفقنى فى اختيار العربية دى
ربنا يباركلك فيها و يكفيك شرها

اشكرك يا استاذ bukla وربنا يبارك لك فى عربيتك و يحفظها لك يارب الحقيقه اختيارنا للفلوينس اختيار اكثر من رائع العربيه محترمه انا كان لى اكثر من خمس شهور محتار اشترى ايه مابين الجيتا و الاوكتافيا و التويوتا وكنت مش مستريح لاى واحده فيهم سواء مقارنه السيارات او التوكيل لكن بصراحه الفلوينس اخدت قرارها فى خمس دقائق بالظبط بعد ما عملت تست دريف للعربيه حجزتها فورا سياره اكثر من رائعه و هتغير خريطه السيارات فى نفس الفئه دى فى مصر

المشاركة الأصلية كتبت بواسطة samy2010

حابب اشارككم تطورات الفلوينس معايا انا كنت استلمت العربيه من حوالى سته ايام و راكنها فى الجراج لحين استلام اوراق العربيه المهم اخيرا استلمت الاوراق امبارح و جريت النهارده رخصت العربيه لكن كان فى شىء مضايقنى لما استلمت العربيه لقيت نور الفلاشر منور على طول و اعتقد فى حد تانى معانا فى المنتدى كان عنده نفس الموضوع و راح التوكيل و ظبطوا له العربيه لكن الحقيقه الامر ده كان مضايقنى ازاى عربيه باسم رينو تخرج من المصنع فيها عيب واضح كده المهم خلصت المرور و قلت اطلع على التوكيل و كلمتهم على التليفون و انا فى الطريق الاوبريتور راحت محوالانى على مدير صيانه العبور ولقيته بيقولى ما تجيش اركن لو سمحت على جنب و اطفى العربيه و بعدين قال لى نزل الدراع اللى بيشغل المساحات و دراع الانوار لاخر مشوارهم لتحت وبعدين قال لى شغل العربيه و رجع الدراعات تانى مكانها و المشكله راحت المهم انا استغربت جدا وقلت له ممكن افهم ايه الموضوع بالظبط فقال لى دى موود للعربيه علشان و هى فى الشحن مسافره البطاريه ما تفضاش و تهرب الشحنه انا استغربت الامر و حبيت اعرضه عليكم لكن فى قمه السعاده لان ظنى طلع غلط و ظلمت المصنع فى شىء افتكرته مشكله

ألف مبروك يا باشا على العربية و الترخيص و ربنا يديلك خيرها و يكفيك شرها

هيا فكرة جامدة جداااا ...... بس معني كدة الواحد ممكن يظبط العربية على المود ده لو كان هيركنها لفترة طويلة

صراحة أول مرة أسمع عن حاجة زي كدة