الموضوع: رابطة حائزى الفلوينس

السلام عليكم
احب اولا اوجه تحيه اللى المنتدى الجميل جدااا منتدى نايل موتورز و كل الاعضاء الى فيه
ثانيا احب اوجه تحيه خاصه جدا لاعضاء قسم رينو اللى عاملين شغل جامد جدا جدا جدا بجد انا استفدت حاجات كتير جدا منكم و حبببتونى أوى فى الفلوانس مع انها اول ما نزلت كنت قرفان منها جدااا نخش بقى فى الموضوع

والدى ابتدى حاليا يفكر فى شراء عربيه جديده و احنا عندنا افيو 2007 تقفيل كورى بصراحه العربيه دى مش لاقيلها اى مشاكل خاااالص من اللى الناس بتقول عليها يمكن عشان هى تقفيل كورى مش المصرى
المهم والدى قرر دلوقتى يشترى عربيه تانيه و يسب دى كمان هو كان عامل حسابه على الشارك 2014 الفئه التالته بس انا اقنعته بالرابعه خلاص و تمام هى عامله 165 الف و هو كان اخرة 150 من الاول بس ربنا يسهل فى الباقى و ممكن يحجزها من التوكيل لحد ما ربنا يكرم
دلوقتى بقى انا شوفت الفلوانس و بصراحه تقدروا تقولوا كده ماقدرش اعيش منغيرها (عقبال ما اقنع الحج كمان ) بس فى مشكله الفئه اللى هى e3 دى سعرها الرسمى 169.5 الف و اللى قبلها 155 الف تقريبا هنا بقى المشكله انها عدت الشارك اعلى فئه و انا كنت اقنعت والدى بالعافيه انه يجبها و ممكن ماقدرش اقنعه بال e3 غير الاقناع هو لو شاف الامكانيات و الشكل و الجوده هايقتنع اكيد بس هو عايز يجيبها كاش و المشكله انه خلاص ده كل اللى معاه فلو جبنا الفئه اللى اقل دى ايه الكماليات اللى ممكن تركب و ممكن لا و سعرها ( انا عارف ان فى حاجات كتير ممكن ماتكربش ) و هو الفئه e2 فيها وحدات رفع و المرايات بتقفل مع السنتر ولا لا
انا صراحه دلوقتى مش عارف اعمل ايه اقوله يجيب الشارك اعلى فئه ولا يجيب الفلوانس e2 ولا نستنى شويه حتى و يجيب e3 بس اللى انا خايف منه ان السعر يزيد عن كدة و ساعتها يبقى لا طلنا سما ولا ارض

و انا متأسف جدا على الرغى الكتير ده و دى اول مشاركه ليا فى المنتدى الصراحه قبل كده كنت مجرد قارئ مستمتع
بس بصراحه مش لاقى حد غيركوا افضفض معاه والله انا حاسس انكوا هنا ماشاء الله اسرة مع بعضيكوا
و انا متأكد ان شاء الله انكوا هاتردوا عليا و الاقى حل للحيرة دى و شكرا ليكم جدا

صحيح لاقيت فكرة كمان ممكن نشتريها كسر زيرو ولاقيت دلوقتى عربيه عامله 9000 كيلوا بس صاحبها طالب 164 الف مش عارف السعر ده كده كويس ولا ايه (على موقع كونتاكت)

شباب معايا فلوانس ٢٠١٤ لسه عامل بيها خبطة فى عربية من الامام بس الحمد لله ربنا ستر و جت سليمةبس اولا غطا الكبوت اتزحزح لورا سنه و القفل بتاعه سليم ما علقش والكبوت ما اتطبقش يعنيلو فى سمكرة ممكن تبقا شدة للكبوت تريحه مكانه ما اعرفش ايه ظروها فى التىوكيل دي ... غير كدا عندي بوش او زنه فى الكلاكس قلت برده الخبطة عوجت فرد الكلاكس لجو ه و الاهم بقا اللى قالقنى الفانوسين رغم انهم سلام بس دراعتهم الفبر من عند المسمار اللى ماسكهمم في الشاسيه اتكسرو مش عارف دول ايه ظرفهم حرام يعني اشترى فانوسين على حتتين فبر مش عارف دول بيجوا لواحدهم ولا ايه. ... ارجو الافاده