رابطة حائزى الفلوينس

**Alaa A.Khair** · 13-04-2013 04:12 AM

المشاركة الأصلية كتبت بواسطة gamal2000

الف الف مبروك وربنا يباركلك فيها ويكفيك شرها ويعطيك خيرها

تسلم ياا أستاذ جمال ز ربنا يبارك فيك

**ahmadm** · 13-04-2013 11:36 AM

المشاركة الأصلية كتبت بواسطة alaa a.khair

الحمد لله استلمت العربية النهاردة من المصرية للسيارات فرع الغردقة و هي فئة ال e2 الشكل الجديد face lift و لونها كريمي اللي هو off-white و بصراحة انا في منتهي الرضا عن العربية و لسه باكتشف امكانياتها و التجهيزات اللي فيها اللي انا ما كنتش أعرفها قبل اول تجربة قيادة ليها:
1) نور بالابواب من الداخل
2) شماسات بمرايات عليه غطاء منزلق و لما تفتحه نور السقف الامامي ينور لوحده
3) ستارة شمس خلفية علي البربريز الخلفي ممتازة - و ان كنت زعلت انهم لغوا ستائر الشمس اللي كانت بالابواب الخلفية

معلش باعتذر اني مش قادر اكتب أكتر المرة دي لأني اليوم كان مرهق بالنسبة لي .. لكن ان شاء الله هاكتب تاني في اقرب فرصة لظروف الشغل و السفر و كمان موال الترخيص ان شاء الله

تجربة القيادة : رائعة طبعا و انا كنت متاخد شوية الاول لكن ما كنتش اتخيل ان العربية بالفخامة دي من جوة و لا الاحساس بالارتياح اللي كنتن لامسه اثناء القيادة ..
ان شاء الله هانزل صور بالعربية

الف مليون مبروك ربنة يباركلك فيها لية سؤال مهم جدا اخبار الفتيس ال cvt اية معاك ؟ العربية بتسحب معاك ولا بتاخد راحتها على ما تاخد السرعة ؟ يا ريت وصف دقيق للموضوع دة
حاجة تانية هو حضرتك حجزت اد اية وقت ؟

**shifo** · 14-04-2013 02:21 AM

انا حاجز e3 من فبراير بتوكيل اسكندريه يارب استلم قريب واكون عضو عامل بالرابطه انا عشقت السيارة من خلالكم

**ايمن وجيه** · 14-04-2013 02:52 PM

المشاركة الأصلية كتبت بواسطة ايمن وجيه

صباح الفل يا وحوش الرينو الفلونسية سؤال من فضلكم aux ينفع توصل بكابل معين وفى اخر الكابل مكان للـ usb لان فى سيارتى الجميلة الشكل القديم لايوجد مكان للـ usb وللاسف اشتريت جهاز توصيل الفلاشة بولاعة السجائر اشتغلت مرتين وبعد ذلك فيوز الولاعة ضرب وعايز اعرف كمان مكان ال 12 فولت الخلفى ينفع اوصل به الجهاز اللى بيركب عليه الفلاشة. اسف للاطالة .

**ahmedelfeky** · 15-04-2013 12:52 AM

الحمد لله تم استلام جميله الجميلات فلوينس 2013 الشكل الجديد e3 من التوكيل اليوم فرع مصر الجديده وبجد في انسان يستحق كل تقدير واحترامه هو أ/عبد الحليم سندمدير مبيعات رينو مصر الجديده لمتباعته الممتازه معايا واحترافيه التعامل مع الناس من يوم ماحجزت العربيه 17 يناير في معرض اتوماك لحد انهارده اليوم اللي استلمت فيه بجد انسان قمه في الذوق والاحترام والاهم من كده مصداقيه التعامل

وطبعا عمري ماانسي الاب الروحي لكل الفلوانسيه بوكلا من غيرك مكناش هنعرف حاجه عن العربيه الجميله دي شكرا يابوكلا ربنا يجازيك خير عنا

بالمناسبه انا سقت العربيه انهارده 100 كيلو لحد البيت انطبعاتي الاوليه كالتالي:

1-قعده العربيه مريحه جدا وبجد متعه ف السواقه
2-مفيش فرق حسيته ف الثبات بينها بين الباسات اللي معايا ثبات فوق الممتاز وقدره ع المناوره رائعه
3-السحب بقي بما اني معايا باسات مانيوال الفلوينس بالنسبالها طياره في السحب وخصوصا مع الفتيس الجديد والموتور الاقوي.
4-عاجبني اوي شويه التكنولوجيا بتوع الكاسيت والكروز كنترول حاجه فخيمه
5-شكل الجنوط الجديده مرعب مع اللون الفضي للعربيه والشبكه الجديده السوده حاجه كده تلطش الدماغ

انا طبعا لسه ماخدتش ع العربيه وماجربتهاش كفايه عشان اقدر احكم بدقه علي كل حاجه دي الحاجات اللي خدت بالي منها انهارده

تحياتي

**ahmedelfeky** · 15-04-2013 04:42 PM

المشاركة الأصلية كتبت بواسطة ahmadm

الف مبروك ربنة يباركلك فيها
ممكن نعرف انطباعك اية عن السحب فى حالة التحرك من الثبات و المشي فى الزحمة ؟

والله ماشاء الله زي الفل يمكن الفتيس الجديد السبب بس اهم حاجه الناس تستنضف البنزينات اللي بتمون منها انت عارف في بنزينات مايعلم بيها الا ربنا ان كنت باخد بالي من الموضوع ده عشان الباسات اللي معايا لو كان ال 92 مش تمام ماكنتش بتسحب خالص

**Alaa A.Khair** · 16-04-2013 03:01 AM

المشاركة الأصلية كتبت بواسطة alaa a.khair

العربية سحبها ممتاز حتي بشهادة أصدقاء ليا جربوا العربية بعد ما استلمتها
بالنسبة للحجز أنا ما كنتش حاجز مع التوكيل لكن كنت باتابع نزول الشكل الجديد مع الموزعين و. و المعارض لغاية لما قدرت الاقئ اللون المطلوب مع المصرية للسيارات

الله يبارك فيك و عقبال يارب لما تركب أعلي فئة فيها عن قريب. أنا استلمت يوم الخميس اللي فات و ان شاء الله أرخص بعد بكرة

**ahmed ghazy** · 17-04-2013 01:54 AM

زملائي الأعزاء .. أنا كان ليا استفسار عن استهلاك البنزين ودا طبعاً طبقاً لتكنولوجيا العربية بيتقاس من خلال العربية نفسها وممكن تقراه على التابلوه وبالتالي فمن المفروض ان احتمال الخطأ فيه غير وارد !
سؤالي .. هل استهلاك العربية دي فعلاً في حدود 7 كيلو لكل لتر بنزين .. ولا دا عشان العربية لسه مجابتش أول ألف كيلو معايا ؟؟