سبب ارتفاع سعر جتز

**ABDULLAH AHMED** · 08-05-2010 01:16 AM

المشاركة الأصلية كتبت بواسطة hugan

انت متابعني بقي وعارف انا راكب ايه
ايه ياعم انت بتجر شكل ولا ايه
علي العموم التعليق الاخير في الموضوع ده الاسبرانزا عن تجربتي عربيه ممتازه وكفاءه بغض النظر عن انها صيني والكلام ده كله
عربيه ممتازه جميع الكماليات +الحجم الكبير وسع داخلي شاسع بالاجماع عائليه ثبات ممتاز بفضل وزنها عفشه لانسر امامي فوتو كوبي
متانه البودي الخارجي باجماع
انا مازالت معايا الشاهين لكن في رائي الاسبرانزا افضل افضل
انا شايف ان سعرها ممتاز صفقه رابحه دي وجهه نظري ومش با فرضها علي احد ومقتنع بيها

. طبعا منا لازم اعرف اللي بيقولي حرام ادفع 80000الف بجيتز او 90000 بسيريون راكب إيه وبالنسبة لموضوعنا أنا مش حتكلم فيه عشان اولا لو قعدنا من هنا لبكرة بنتكلم مش حنخلص وتاني حاجة عشان أنا داخل أنام وبالنسب. لعربيتك ربنا يكرمك فيها ويبعد عنك شرها مع انك حتلاقي نص الناس او اكتر معارضة الصيني وانا منهم بس اصحاب العربيات الصيني أكيد شافوا العربية صفقة رابحة ومناسبة ليهم فربنا يبارك لكم بعربياتكم والعربيات كلها خير وبركة مش هيا بتقضي الغرض المطلوب منها ومش تعباك وبتلاقيها في اوقات تسوي مليون جنيه. علي العموم أنا مش عاوزك تزعل مني وتصبح علي خيييييييييييييير

**w_abedelhakim** · 09-05-2010 12:53 PM

الجيتز عربية جميلة ومحترمة وروشة
عربية كوري 100 %
سحبها اكتر من ممتاز ( اتوماتيك ) ودي كانت اكبر ميزة لانهم قولوا السحب في الكوري وحش وانا كان معاي ياباني
بس بصراحة سحبها عشرة علي عشرة
في مصر الهاتشباك عموما اغلي من السيدان علي فكرة
زي التيدا وزي افيو
انا مش محتاجة الشنطة بس محتاجة عربية صغيرة ركنتها سهلة في اي مكان سريعة سحبها حلو تكييفيها ثلاجة وبالنسبة لي شكلها جميل
ودي كانت كل احتياجاتي وهي عاملتها واكتر
بالنسبة للسعر ايه الرخيص في بلدك علشان نقول ديه غاليه
البيكانتو اتوماتيك ب 70000 ج و 1100 سي سي وصالونها ضيق جدا من ورا ولو شغلت تكييف يبقي مش هتعرف تمشي
والسبارك بقه نفس الشئ بس صالونها ضيق من ورا وادام صعبة
الجيتز صالونها حلو جدا قاعد براحتك جدا ورا وقدام
بالنسبة للاكسنت هي فارقة 2000 ج للشنطة بين الاتوماتيك ومفيش اي فرق تاني في الماتور او العفشة الشكل الخارجي طبعا اذواق انا بالنسبة ليا الجيتز احلي والشنطة مش محتاجها

للاكسنت انا شوفت اعضاء كتير بيشتكوا منها في قسم الهيونداي في حين مسمعتش شكوي من الجيتز

المتريكس تقفيل هندي وعربية عائلية اكتر كبيرة وضخمة صعب تجري بيها سحبها لايقارن بالجيتز
وفي الاوماتيك هي ب 94000 ج يعني اغلي منها 14000 ج

انا لما اجي اقارن لاما كله مانوال لو كنت هركب مانوال
او كله اتوماتيك لو انا هسوق اوتوماتيك
ولو فول اوبشن يبقي في كله
بلاش ناخد اعلي سعر في الجيتز وبفتحة سقف ونقارن ب اوتوماتيك بدون في الاكسنت و مانوال في الماتركس كده مقارنة مش عادلة

**magdytamer** · 10-05-2010 03:54 AM

يا أستاذ mr abood & hugan فى قاعدة فى علم الاقتصاد بتقول ( لولا تضارب الاذواق لبارت السلع) و الناس اذواق على العموم أنا معايا اكسنت

**orangemerc** · 10-05-2010 09:42 AM

الهيونداي جيتز ممكن تكون هندي أو كوري أو مصري !!!!!! و ده على حسب موقع ويكيبيديا Hyundai Click - Wikipedia, the free encyclopedia

**lily_graphics** · 10-05-2010 12:49 PM

محدش يعرف ايه اخبار i30

**lily_graphics** · 10-05-2010 12:50 PM

ارجوكم محتاجه رد سريع النى بفكر اشتريها

**n_i_t_e** · 10-05-2010 02:05 PM

المشاركة الأصلية كتبت بواسطة heshaaam

بصراحة الاكسنت
افضل كتير شكل خارجى وداخلى خامات داخلية وموتور وألوان جميلة وحجمها مناسب مش كبير أوى عن الهاتشباك لالا الفارق شاسع

حضرتك متأكد؟ أصلى محتار بين الجيتز و الأكسنت. الجيتز ميال ليها سنة و أسهل فى الركنة و الأكسنت فيها ميزة الأنتشار الأقوي و الشنطة.
الحق أنا مش محتاج شنطة أغلب مشاويري هتبقى وسط البلد مش سفر بس بقول مش هنخسر حاجة خصوصا انهم نفس السعر و يمكن تحصل ظروف أحتاج شنطة.
أنا مبفهمش أوي فى موضوع الخامات الداخلية و ركبت الاتنين فى المعرض مميزتش الموضوع ده. عشان كده سألت...هى فعلا أنضف كخامات داخلية بحيث تبقى نقطة لصالح الأكسنت؟ :)

**johnnaguib** · 11-05-2010 09:53 AM

المشاركة الأصلية كتبت بواسطة n_i_t_e

حضرتك متأكد؟ أصلى محتار بين الجيتز و الأكسنت. الجيتز ميال ليها سنة و أسهل فى الركنة و الأكسنت فيها ميزة الأنتشار الأقوي و الشنطة.
الحق أنا مش محتاج شنطة أغلب مشاويري هتبقى وسط البلد مش سفر بس بقول مش هنخسر حاجة خصوصا انهم نفس السعر و يمكن تحصل ظروف أحتاج شنطة.
أنا مبفهمش أوي فى موضوع الخامات الداخلية و ركبت الاتنين فى المعرض مميزتش الموضوع ده. عشان كده سألت...هى فعلا أنضف كخامات داخلية بحيث تبقى نقطة لصالح الأكسنت؟ :)

الاثنين عربيات كويسة جداااا
بس الاكسنت ماتورها 112 حصان و تقنية الماتور cvvt و الجيتز 106 حصان
بس انا من راى الاكسنت احسن و كلها ازواق

**meshmesh_egypt** · 12-05-2010 09:52 AM

طبعا الاكسنت افضل وسحبها اقوى من الجيتز واوسع وسعرها على قد امكانيتها انما الجيتز سعرها مبالغ فيه وامكانيتها لا تستاهل سعرها

**shouk_1987** · 12-05-2010 10:23 AM

أنا سوقت الجيتز و الأكسنت
الجيتز بتاعة زوجة أخى, من الآخر عربية مفترية (الأوتوماتيك ما بالك من المانوال) و الخامات الداخلية محترمة جدا بصراحة من تابلوه و فرش وخلافه و هى زى ما الأعضاء قالوا حسب استخداماتك .

الأكسنت بتاعة صاحبى ماعجبتنيش قوى حسيت إنها فقيرة على سعرها بس هى برده صفقة رابحة عربية بلد و تسافر و بشنطة و الماتور مش سافل قوى ياعنى و سيبكوا من الأرقام لأن الجيتز المية و كام حصان ديه تدلع أى عربية 1600 داخل المدينة
والسلام عليكم