استفسار بخصوص المشايات الكهربائية

**shamtah** · 26-08-2010 05:21 AM

السلام عليكم اخي العزيز ميكي كل عام وانت بخير و صحه
اولا اشكرك على اجاباتك المفيده جدا في مجال المشايات واردت ان اسال سيادتك سؤال بخصوص مشايه قمت بشرائها مستعمله واتضح لي انها لا تعمل وهي ماركه weslo المشايه لها مفتاح امان لا تعمل الا بادخاله في مكان مخصص له في المشايه ولكن عند ادخالي لهذا المفتاح في المشايه تحدث فرقعه و تطفئ المفتاح الكهربائى الخاص بالغرفه التي توجد بها المشايه قمت برفع الغطاء الذي يغطي الموتور والبورده ظنا مني ان هناك سلك في غير مكانه او شئ من هذا القبيل فلم اجد شيئا
ارجوا من سيادتكم اخباري بحكم خبرتك بتوقعك لمكان المشكله لاني اخشى ان اذهب بها لمن يقومون بالصيانه فاخدع مره اخرى بعد ان انخدعت في المشايه
وشكرا جزيلا لك لتعاونك مع الجميع

**FunnyMickey** · 26-08-2010 01:09 PM

ماركه ويسلو ماركه كانت امريكاني ودلوقتي بقت صيني وتوكيلها شركه ويدر
ما زالت امريكاني بس في الاحجام الكبيره علي ما اعتقد
حاجه الجيم بس

اطلب نمرتهم من الدليل واطلب مهندس صيانه حيجيلك يقولك المشكله متقلقش
غالبا المشكله قفله في بورده المشايه
لان السيفتي ده وظيفته انه يوصل الدائره بس بين البورده والشاشه عشان المشايه تشتغل

لو فعلا ويسلو كلم ويدر حيفيدوك اكتر مني لانها مشايتهم وعندهم قطع غيارها

ومتشغلش المشايه خالص لحد ما يجولك
وابقي طمني عملوا ايه

**Dr.Karim Emam** · 27-08-2010 03:06 AM

بصراحة مجهود جبار يا ميكي

ممكن تقول لي على اسعار الأوربترك عشان عاوز اشتري واحده
أنا وزني 85 كيلو
و هل هي بتفرق على حسب الوزن ولا لأ؟

**manalove** · 27-08-2010 03:35 AM

انا تعبت بجد كتير لانى بدور على مشاية حلوة وبعد ما عرفت كل الكلام دة على المشاية انا نفسى اعرف حاجات اكتر بكتير لان فى شركات كتير وفى شركى اسمها تكنو لايف هى صينى بردو ولة اية ممكن الرد يا ميكى معلش

**manalove** · 27-08-2010 03:38 AM

معلش انا شكلى هتقل عليكم يا جماعة بس ممكن استفسار تانى انا لو رحت الشركة بتاعت الجوخ دى بجد هى حلوة لانى انا ببيع دهبى علشان اخس

**FunnyMickey** · 27-08-2010 11:40 AM

المشاركة الأصلية كتبت بواسطة shamtah

اشكرك شكرا جزيلا اخي العزيز على سرعه ردك وسوف اقوم بالاتصال بهم واخبرك بما حصل ولكن هل سعر البورده غالي

علي حسب موديل الجهاز وموجود لسه عندهم ولا خلص

**FunnyMickey** · 27-08-2010 11:43 AM

المشاركة الأصلية كتبت بواسطة dr.karim emam

بصراحة مجهود جبار يا ميكي

ممكن تقول لي على اسعار الأوربترك عشان عاوز اشتري واحده
أنا وزني 85 كيلو
و هل هي بتفرق على حسب الوزن ولا لأ؟

عندك من اول 500 جنيه وده الوحش
ممكن تجيب اوربت بس طبعا بيفرق في الخامات
اهم حاجه متجيبش الحاجات بتاعت القصر العيني لاننا جربنا كل حاجه في الخامات دي وفعلا بيقرفك في الصيانه لو الكواليتي بتاعه تعبان واي كلام

عندنا الاوربت يعتبر غالي ومش موجود حاليا لسه مجاش
بس الفكره بقي انه تقيل والجلب بتاعته محترمه
وطبعا قطع غياره موجوده ومتوفره
اهم حاجه قطع الغيار

اهم ا

**FunnyMickey** · 27-08-2010 11:54 AM

المشاركة الأصلية كتبت بواسطة manalove

انا تعبت بجد كتير لانى بدور على مشاية حلوة وبعد ما عرفت كل الكلام دة على المشاية انا نفسى اعرف حاجات اكتر بكتير لان فى شركات كتير وفى شركى اسمها تكنو لايف هى صينى بردو ولة اية ممكن الرد يا ميكى معلش

المشاركة الأصلية كتبت بواسطة manalove

معلش انا شكلى هتقل عليكو يا جماعة بس ممكن استفسار تانى انا لو رحت الشركة بتاعت الجوخ دى بجد هى حلوة لانى انا ثبيع دهبى علشان اخس:_alshmokh08[1]:

حرد عالاولاني
والتاني حسيبه للناس هنا

تكنو لايف دي مكانها فين ؟؟؟

وبعدين حنروح بعيد ليه
ماحنا اتفقنا اصلا ان مفيش صيني حلو في مصر
وكل اللي بيجيب بيجيب حاجات زي الموبايلات الصيني
ميهموش الجوده علي اد ما يهمه رخص السعر

طب انا ليه احط نفسي في المواجهه دي واخسر فلوسي وتروح عليا
والله العظيم لسه واحد معرفه رامي مشايه صيني اضحك عليه فيها
صاحبه كان شاريها
وعجباه
نصحه يشتري واحده
وراح اشتري

المشايه قعدت 3 شهور
وضربت في كل حاجه
السير باظ والبورده والموتور اتحرق
طب محرام الكلام ده
دي فلوس

عامله زي البطيخه ياتطلع حمرا ياتطلع قرعه

قبل ما تبيعي الدهب قوليلي الاول وزنك اد ايه وشوفي ايه سبب زياده الوزن اصلا
اكل ولا ايه بالظبط

وبعدين نشوف ايه المناسب