استفسار بخصوص المشايات الكهربائية

**أحمد الجندى** · 11-06-2011 09:22 PM

أنت فين يا صبحى باشا ؟

**hanan2** · 11-06-2011 10:18 PM

أستاذ صبحي أنا عايزة أحجز مشاية 08 ، ماذا أفعل هل يكفي حجزي مع حضرتك على المنتدى أم أتصل بحد معين وياريت لو في اتصال تكتب لي رقم التليفون . وجزاك الله خيرا

**FunnyMickey** · 12-06-2011 03:32 AM

المشاركة الأصلية كتبت بواسطة المناور

استاذ صبحى أنا عندى جهاز رياضى زى اللى فى الصورة دى

وعندى مشكلة ان العجل بتاع الكرسى اللى بيروح ويجى فى المجرى صدى وبقى مش مظبوط فهل ممكن الاقى قطع غيار للجهاز ده علشان اغيرها بنفسى أو حتى لو تعرف حد يوفر عليا الوقت ويصلحهالى ؟

اعتذر عن التأخير في الرد بس مكنتش فاضي انهارده خالص اقعد عالجهاز
ارجو منك تشرفني بالعجله اللي حضرتك عاوزها بس اشوفها واحاول اوفق لك حاجه من عندنا تمشي عليها
لان العجل ده مقاسات ولازم حضرتك تجيب القديم عشان نجيب زيها

المشاركة الأصلية كتبت بواسطة sony

استاذ ميكي المحترم
تحية طيبة وبعد ....

انا عايز حضرتك تقولي علي ماشية كويسة لوزن 100 ك عشان انا دوخت من كتر ما دورت
شكرا

قدامنا حاجتين
يااما نستني ال8608 لما تيجي ودي بتشيل وزن 100 ك ومشايه كويسه جدا
يااما لو حضرتك مستعجل انصحك تروح محل سبورت مول في شارع شهاب او امام جنينه مول
وتشوف مشايه اسمها jk exer وزن 100 ك عندهم موديلات ايه
ولو السعر مناسب ليك اشتري وتوكل علي الله وهيا تيواني بردو زي عندنا

شوف حضرتك ايه المناسب ليك
وانا تحت امرك

المشاركة الأصلية كتبت بواسطة المناور

أنت فين يا صبحى باشا ؟

تم الرد

المشاركة الأصلية كتبت بواسطة hanan2

أستاذ صبحي أنا عايزة أحجز مشاية 08 ، ماذا أفعل هل يكفي حجزي مع حضرتك على المنتدى أم أتصل بحد معين وياريت لو في اتصال تكتب لي رقم التليفون . وجزاك الله خيرا

حضرتك كلميني يوم الاتنين بعد صلاه الظهر
حسجل اسم حضرتك في الكشف عندنا واول لما تيجي حكلم حضرتك اقولك انها وصلت
0109779970

**monsun20000** · 13-06-2011 05:26 PM

مشايه كهربئيه اشتريتها 2.5 حصان اسمها fitness طبعا المكان ال بيبيع قال تايواني المهم لما جيت جمعت المشايه وشوفت المتور مكتوب عليه ميد ان تايوان بس كمان شوفت قدره المتور 2hp 180dc بمعني 2 حصان مش 2.5 اول القصيده كذب وغش قريت الجتالوج كويس قال انها تشتغل ساعه وتشيل 120كيلو طبعا اشترينها قبل ما اعرف المنتدي الجميل ده قبل ما اشوف اراء الناس ايه في المشيات المهم ال حصل حصل بس لي استفسار المشايه دي تيواني ولا لا والماركه دي مشهوره ولا مضروبه وكله بيحلف وكله بيقول دي خطيره علي شان الواحد يشتري للاسف السوق المصري بقا لا فيه زمه ولا ضمير المهم يبع وخلاص حسبي الله ونعم الوكيل فيهم علي كذبهم وغشهم ولا يوجد رقيب ولا حسيب في السوق المصري والله حرام عليك يا مصري ان مشايه نستوردها من الخارج انا شفتها لو في رجل اعمال محترم يصنع مشايه محترمه في السوق المصري بدل مبنستورد بلعمله الصعبه حجات عبيطه دي مش معضله فكرتها بسيطه جدا بس عاوزه تشغيل دماغ المهم اشتريتها 2700جنيه من القصر العيني وها حزام مساج وتويست يعني 4في واحد ممكن اعرف اكتر عن الماركه دي وموضوع المتور امشي عليه اد ايه من الوقت لو تايواني او صيني علما ان وزني 80كيلو والمدام وزنها 65 كيلو هل هي ممكن تمشي ساعه كامله ولا نص ساعه بس وكمان عاوز اعرف قدره المتور بطريقه علميه ممكن اقسها ازاي وشكرا جزيلا لسادتكم

**FunnyMickey** · 13-06-2011 06:34 PM

المشاركة الأصلية كتبت بواسطة sony

استاذ ميكي المحترم
اولا:انا جبت سعرها من سبورت مول ب 3300 موديل jkexer 4060
هل السعر دة مناسب
ثانيا:8608 سعرها كام عندكو وهتيجي امتي واحجز ازاي
شكرا

مواصفات ال8608 اعلي من الموديل ده
وحتيجي كمان 15 يوم بأذن الله
والحجز بتسجل اسمك عندنا ولما تيجي بنكلمك

المشاركة الأصلية كتبت بواسطة monsun20000

مشايه كهربئيه اشتريتها 2.5 حصان اسمها fitness طبعا المكان ال بيبيع قال تايواني المهم لما جيت جمعت المشايه وشوفت المتور مكتوب عليه ميد ان تايوان بس كمان شوفت قدره المتور 2hp 180dc بمعني 2 حصان مش 2.5 اول القصيده كذب وغش قريت الجتالوج كويس قال انها تشتغل ساعه وتشيل 120كيلو طبعا اشترينها قبل ما اعرف المنتدي الجميل ده قبل ما اشوف اراء الناس ايه في المشيات المهم ال حصل حصل بس لي استفسار المشايه دي تيواني ولا لا والماركه دي مشهوره ولا مضروبه وكله بيحلف وكله بيقول دي خطيره علي شان الواحد يشتري للاسف السوق المصري بقا لا فيه زمه ولا ضمير المهم يبع وخلاص حسبي الله ونعم الوكيل فيهم علي كذبهم وغشهم ولا يوجد رقيب ولا حسيب في السوق المصري والله حرام عليك يا مصري ان مشايه نستوردها من الخارج انا شفتها لو في رجل اعمال محترم يصنع مشايه محترمه في السوق المصري بدل مبنستورد بلعمله الصعبه حجات عبيطه دي مش معضله فكرتها بسيطه جدا بس عاوزه تشغيل دماغ المهم اشتريتها 2700جنيه من القصر العيني وها حزام مساج وتويست يعني 4في واحد ممكن اعرف اكتر عن الماركه دي وموضوع المتور امشي عليه اد ايه من الوقت لو تايواني او صيني علما ان وزني 80كيلو والمدام وزنها 65 كيلو هل هي ممكن تمشي ساعه كامله ولا نص ساعه بس وكمان عاوز اعرف قدره المتور بطريقه علميه ممكن اقسها ازاي وشكرا جزيلا لسادتكم

طبعا في الغالب المشايه صيني لان مفيش ماركه اسمها فيتنس او ده براند مخترع
ستيكر وخلاص يعني
ومن القصر العيني كما فصعب تكون تيواني

اما بخصوص التصنيع هنا فللاسف قدامك وقت كتير عشان تصنع هنا
ولازم يكون اولي الامر في البلد عاوزين يتقدموا عشان يفكروا ازاي ينهضوا بصناعه البلد
انما طول ما بيفكروا ازاي يسرقوا وينهبوا الثروات يبقي عمرنا ما حنتحرك

بخصوص المشايه اللي عندك نشتغل عليها نصف ساعه ونريحها ساعه او ساعتين بين كل نص ونص
عشان نديها اقصي قدر من الراحه بدون اجهاد للموتور

وبخصوص قياس الموتور بطريقه علميه بصراحه معرفش ومش عاوز افتي
بما ان المعلومات اللي علي الموتور مضروبه اصلا فمش حتعرف توصل للحصان الاساسي
انا بعرف الموتور من حجمه بيبان عليه
معروف حجم ال1 حصان وال1 ونص وال 2 وال3
مختلفين في الحجم تماما
كقطر للفات النحاس بتاعت البوبينه
وكطول كمان

**zago** · 13-06-2011 07:38 PM

عمو صبحي
هاو ار يو يا مان ؟
بخصوص المشايه اللي قلتلك عليها عالقهوه
اللي هي امشي عليها بالعكس اتخن مش اخس
حتوصل سنه كام ؟؟؟؟
علشان عايزها ضروري

**MDSK** · 21-06-2011 02:39 AM

أ. صبحي جزاك الله كل خير علي المعلومات القيمة اللي بتقدمهالنا
عندي استفسار
أنا وزني 110 ك
ياتري 08-a
اللي معروضة في موقع شركة الجوخ تناسبني
أنا شوفت مكتوب عليها
max 120 k
دي نوع تاني من 08 ولو تناسبني ممكن تقولي سعرها كام ومتوفرة حاليا عندكم ولالا؟؟؟
سؤال أخير... هل ليكم وكيل بيع في طنطا.........وشكرااااااااااا

**sasoolove** · 21-06-2011 03:34 AM

من فضلك ياستاذ صبحى انا لما فتحت المشاية 08 لقيت مع الكالتوج علبة بيضة دة زيت واعمل بية اية دة غير الاسبراى ولا دة بيتحط زى الاسبراى وياريت تقولى ازاى اشغل ال6 برامج انا مش عارفة انا لسة اول مهفتحها من يومين وكمان ليا سؤال معلش هيا فيجا ماكس دة صينى ولا نوعها اية بالظبط انا شوفتها كبيرة وتتحمل اوزان لحد 130 وقريبة فى السعر من المشاية 08