الموضوع: استفسار بخصوص المشايات الكهربائية

المشاركة الأصلية كتبت بواسطة justthink

• االسلام عليكم ورحمه اله وبركاته
• أستاذ ميكي
• معرفش أقولك شكرا لغايه امتي بس بجد أنت انسان محترم وبتنفع غيرك ....... انا استفدت جدا من الموضوع بتاعك
• وكان ليا كام سؤال بعد إذنك
• - أنا عايز مشايه في حدود وزن 90- 100 كجم بالكتير اوي ويكون فيها تويست والمساج ..... وياتري سعلرها كام
• - هو في عندكم أجهزه تانيه غير المشايات ...يعني زي المالتي جيم (استخدام منزلي ) ...وياريت أسعارهاكام
• - بالنسبه لو هاشتري اكتر من مشايه (3 ) تقريبا السعر هيكون مختلف؟
• معلش انا طولت عليك :)

* جزاك الله خيرا ومتقولش حاجه لا شكر علي واجب واسألك الدعاء لي بحسن الخاتمه لنا جميعا
* كان عندنا مشايه تشيل لحد وزن 90 اقصي حاجه وكانت فيها حزام وتويست بس خلصت كان سعرها 2900 جنيه
اما باقي المشايات فهيا تمرين واحد مشايه فقط
*عندي طبعا مالتي جيم 65 ك ب1815 جنيه و100 ك ب3270
* والله لو ال3 مشايات في وقت واحد اكيد ممكن السعر ينزل شويه بس مش كتير زي مانتا فاكر عشان اصلا السعر اللي احنا بنبيع بيه يعتبر سعر جمله
* خد راحتك ياباشا وانا تحت امرك

المشاركة الأصلية كتبت بواسطة mdsk

أ. صبحي جزاك الله كل خير علي المعلومات القيمة اللي بتقدمهالنا
عندي استفسار
أنا وزني 110 ك
ياتري 08-a
اللي معروضة في موقع شركة الجوخ تناسبني
أنا شوفت مكتوب عليها
max 120 k
دي نوع تاني من 08 ولو تناسبني ممكن تقولي سعرها كام ومتوفرة حاليا عندكم ولالا؟؟؟
سؤال أخير... هل ليكم وكيل بيع في طنطا.........وشكرااااااااااا

دي 8608 القديمه وكانوا كاتبين عليها 120 فعلا بس اخر كتالوجات بعتوها قالوا ان الوزن يفضل يكون 100
وطنطا فيها موزعين لينا

د/ احمد رفعت
محل شادي كو

المشاركة الأصلية كتبت بواسطة sasoolove

من فضلك ياستاذ صبحى انا لما فتحت المشاية 08 لقيت مع الكالتوج علبة بيضة دة زيت واعمل بية اية دة غير الاسبراى ولا دة بيتحط زى الاسبراى وياريت تقولى ازاى اشغل ال6 برامج انا مش عارفة انا لسة اول مهفتحها من يومين وكمان ليا سؤال معلش هيا فيجا ماكس دة صينى ولا نوعها اية بالظبط انا شوفتها كبيرة وتتحمل اوزان لحد 130 وقريبة فى السعر من المشاية 08

العلبه البيضاء ده زيت سيليكون مركز بيستخدم لما السبراي يخلص وبكميه قليله عشان ده مركز يعني يدوب تحطي نقط بسيطه تحت السير

اما بخصوص تشغيل البرامج فالشرح موجود بالتفصيل في الكتالوج العربي ولو معرفتيش كلميني من جمب المشايه وانا اشرحلك كل حاجه عملي واخليكي تجربيها بنفسك

فيجا ماكس صيني طبعا والوزن المكتوب عليها لا اعتقد انه حقيقي
علي العموم كل بائع مسؤول عن اللي بيبيعه امام الله اولا وامام العميل ثانيا
واللي بيغش يشيل علي دماغه بقي :)
بس حرام تدفعي فلوس في حاجه صيني وموجود في نفس سعرها تيواني