استفسار بخصوص المشايات الكهربائية

**TheStorm** · 26-06-2011 01:06 PM

السلام عليكم funnyMickey

انا يا سيدي عروسة جديدة من اسماعيلية .. اتجوزت من 3 شهور و مش عاوزة اقول لك ربربت ازاي طبعا :) من كتر الحلويات اللي كانت عندنا و صعوبة طبخ المسلوق لجوزي :) :) :) :) .. عموما انا كنت بدأت اظبط أكلي عشان اقدر اخس بس محتاجة اعمل رياضة .. و لظروف مواعيد جوزي مش هينفع غير اني اشتري مشاية .. فهل بقى ليكم حد تبعكم هنا في اسماعيلية .. و و هل بيعمل فرق في السعر ؟؟ طيب لو مفيش .. الشحن كدة يتكلف حوالي كام .. انا محتاجة بس المشاية اللي أقصى وزن ليها 100 كيلو و ان شاء الله ألحق الدفعة الجاية او اللي بعدها ..

**FunnyMickey** · 27-06-2011 02:33 PM

المشاركة الأصلية كتبت بواسطة samaegypt

انا شاكرة ليك ومقدرة ردك الكريم ...
طب انت بخبرتك فى المجال ده يعنى تنصحنى بانهى نوع موجود بحيث تكون للاوزان التقيله لحد 120 مثلا وتبقى كويسة وتعيش
وشكرا لتعبك :)

اعتقد افضل مشايه مناسبه للوزن ده هيا 8618
ودي الماركه بتاعتنا واحنا مسؤلين عنها

اعتقد كان فيه كذا حد كمان من سبورت مول جالي وقاللي ان عندهم مشايه 120 ك بردو سعرها حوالي 3900
بس مش عارف موديلها ايه
ممكن حضرتك بردو تسألي عنها وتشوفي مين مناسبك اكتر احنا ولا هما وتتوكلي علي الله

المشاركة الأصلية كتبت بواسطة mayaaa

للبيت بس عايزاها تشتغل متواصل ساعتين مثلا انا عايزاها 2حصان con و 3 peek اقصى وزن 120 انا عايزة الموتور يكون قوى وممكن dc بس يكون سير عريض مش اقل من خمسين سم

عندنا مشايه رقمها 8641
3,5 حصان
عرض السير 49سم
بتشيل 150 ك وتشتغل ساعه ونصف متواصل

وفيه واحده تانيه ماركه اسمها spirit
تيواني بردو
ودي ملهاش حل بقي
3 حصان بجد وعرض السير بتاعها بتاع 54 سم
بس سعرها غالي اوي
وفيه بردو واحده تانيه اسمها 8601 ac
دي موتورها 1 حصان ac
وبتشتغل ساعتين متواصل وعرض السير 46 سم
بس دي مش متوفره حاليا ولسه قدامها شويه

وافضل حاجه طبعا تيجي المعرض تشوفي وتجربي بنفسك كل حاجه
لاني مهما اتكلم غير اما تشوفي المشايات قدامك طبعا

المشاركة الأصلية كتبت بواسطة TheStorm

السلام عليكم funnyMickey

انا يا سيدي عروسة جديدة من اسماعيلية .. اتجوزت من 3 شهور و مش عاوزة اقول لك ربربت ازاي طبعا :) من كتر الحلويات اللي كانت عندنا و صعوبة طبخ المسلوق لجوزي :) :) :) :) .. عموما انا كنت بدأت اظبط أكلي عشان اقدر اخس بس محتاجة اعمل رياضة .. و لظروف مواعيد جوزي مش هينفع غير اني اشتري مشاية .. فهل بقى ليكم حد تبعكم هنا في اسماعيلية .. و و هل بيعمل فرق في السعر ؟؟ طيب لو مفيش .. الشحن كدة يتكلف حوالي كام .. انا محتاجة بس المشاية اللي أقصى وزن ليها 100 كيلو و ان شاء الله ألحق الدفعة الجاية او اللي بعدها ..

اهلا بريحه الحبايب
الله يطمنك
انا داخل علي جواز كمان اسبوعين ان شاء الله
وكده شكلي حبقي زبون زيكو واجي اسأل هنا بردو
:)
طباخ السم بيدوقه

عندنا ياستي موزع في اسماعيليه
حكتبلك نمرته بكره ان شاء الله وكلميه واسألي علي سعر ال8608
هيا حتيجي خلال الاسبوع ده
وربنا يتمملك علي خير يارب
وميطلعليش كرش بعد الجواز قولي امييييييين

**samaegypt** · 27-06-2011 06:21 PM

طب انت كنت اديتنى تليفون لحد تبعكوا هنا فى طنطا ... كنت بسال لو تعرف العنوان هيبقى افضل بجيث اقدر اروح واتفرج واخد فكرة
لو تعرف مكان لاى معارض او شركات فى طنطا

**FunnyMickey** · 28-06-2011 01:38 AM

بصي الناس دي بردو متعتبرش معارض اوي يعني
هما موزعين بس معتقدش عندهم عرض
ممكن يكون عندهم صور كتاالوجات
صور عالكمبيوتر
انما معتقدش انهم عندهم اجهزه عرض
خدي بالك بردو المنتج التيواني يعتبر غالي بالنسبه للصيني
ومش اي حد بيطلبه
كله بيدور عالرخيص

**FunnyMickey** · 29-06-2011 02:13 AM

مفيش الكلام ده يافندم
اللي حيجيب ماركه تيواني ومصنعها في الصين
لما تدخلي عالانترنت تجيبي الماركه حتظهرلك اصلها وفصلها في تيوان وفي الصين

حد يقدر يقول علي ماركه life gear وحشه
مع انها ماركه صيني
بس اساسها تيوان
ومش موجوده في مصر
ليه ؟
عشان الصيني بتاعها غالي
مش رخيص واقلب زي اللي عندنا
كوني واثقه ان المنتج الكويس في اي حاجه في بلدنا دي
لازم تتعبي عشان تدوري عليه
وممكن في اخر المشوار
متلاقيهوش اصلا
للاسف
الوضع الاقتصادي في بلدنا يجبر اي حد حتي لو كان محترم
انه يتنازل عن مبادئه وقيمه في سبيل انه ياكل
لما توصل للجوع محدش يسأل عالضمير

**TheStorm** · 29-06-2011 02:10 PM

مسا الخير يا عريسنا :)

اتصلت بيهم سألتهم قالوا لي اغلي :(:(:(:(:(:(

500 جنيه فرق بصراحة .. ربنا يسهل بقى و اجيبها من عندكم .. بس معلش ممكن اعرف فروعكم فين في القاهرة ؟؟؟؟