الموضوع: استفسار بخصوص المشايات الكهربائية

والله ما عارف اقولك ايه ياباشا
بس انا حاسس انك مش مقتنع بالمشايه بعد ما قريت الموضوع
مش عاوزك تاخد كلامي علي انه قانون
او شئ مسلم بيه
يمكن انا اكون غلطان وفيه مشايات صيني حلوه

بدليل ان بيجيلي زباين بيقولولي فيه مشايات صيني عايشه عندهم بقالها سنين
ممكن يكونوا مبيلعبوش بيها اصلا
وممكن يكونوا بيستخدموها

المقصود ان ماركتنا مش احلي ماركه في العالم
والمشايات الصيني مش اوحش مشايات في العالم

عاوزك تتوكل علي الله وتلعب بالمشايه عادي جدا
لا جي ناحيه المسامير ولا ناحيه الصواميل
العب وعيش حياتك وفيه شركه تكلمها لو حصل اي حاجه

لو انتا حاسس ان المشايه دي وحشه
يبقي مهما اقعد اتكلم عليها واقولك فيها شعر
انتا مش حتقتنع
كلمهم وقولهم علي كل اللي انتا حاسس بيه
ولو هما مقدروش يقنعوك ان ده عادي
يبقي رجع المشايه واسترد فلوسك
لو لاحظت انهم بيلاوعوا ومش عاوزين ييجوا كلمهم وخد اجراءاتك
ده حقك
انتا دفعت فلوس ومن حقك تاخد حاجه كويسه
صيني بقي هندي
دي مش مشكلتك
هما جابوا حاجه ومن حقك لو مش مريحاك يشوفوا حل ويخلوك مبسوط
واهي فرصه تشوف موضوع الضمان والصيانه
عندهم حد ولا لا
وده رقمي
0109779970
لو فيه اي حاجه كلمني
وانا معاك
ياانا يالمشايه دي :)

المشاركة الأصلية كتبت بواسطة ddo

شكرا استاذ صبحى على كلامك الجميل هى المشاية زى الفل ومتينة بس المشكلة فى السير بيروح بعد الاستعمال ناحية الشمال وبعد الاستخدام بيرجع السير يبعد عن المسامير بس القلق من الوبر اللى فى السير من الناحية الشمال ده دليل انها بتحك فى المسامير هل ده ممكن يبوظ السير والافضل ان انا ما استخدمهاش لغاية بتوع الصيانة يشوفها ولا ايه رايك

المشاركة الأصلية كتبت بواسطة ddo

سؤال استاذ صبحى هو كده اتجاه السير ناحية الشمال طبيعى ولا لا انا كلمت الصيانة على المشكلة وقالو حا يبعثو فنى يشوفها
ممكن حضرتك توضحلى لو فيه مشكلة فعلا فى السير يبقى ده عيب فى السير ولا فى المحاور اللى راكب عليها السير

المشاركة الأصلية كتبت بواسطة ddo

معلش استاذ صبحى بتعبك معايا اتحملنى لان انا من النوعية اللى بتحب حاجتها تبقى مظبوطة زى مابيقولو الحاجة تبقى على الشعرة مافيهاش غلطة فالحتة ديه الوحيدة فى المشاية عامللى قلق فا استحملنى واشكرك جدا على سرعة ردك واهتمامك

مفيش تعب ولا حاجه
انا تحت امرك
بالنسبه للمشكله اللي عند حضرتك دي
سهله جدا جدا جدا
مجرد ان الفني بتاع الشركه حييجي
يظبط البكره اللي ورا من الرجلاش بتاعها
بس كده
وان شاء الله ميبقاش في المشايه حاجه اكتر من كده
ولحد ما ييجوا متلعبش عليها طالما ملاحظ وبر
ولما يبقي الفني عندك
بعد ما يظبط المشايه
خليه يقعد كده يشرب حاجه ساقعه بتاع ربع ساعه كده
وجرب المشايه وخللي اي حد يجرب كذا مره
وعلي فتره طويله
عشان لو فيها عيب يبان

المشاركة الأصلية كتبت بواسطة spikex7

السلام عليكم ورحمه الله وبركاته
ميكي انا خلاص استقريت على 8625


وان شا الله هجيبها من عندكم
كنت عوزاك تقولي العنوان بالضبط لاني معرفش في القاهرة اوي
وبتبقى موجود من امتى وايام ايه ؟
وكمان هي المشايه اد ايه يعني مقاسها ينفع اشيلها في العربيه ولا هتتشحن ؟؟؟
وهل الموديل دة متوفر دلوقت عندكم ؟
ويااتراا لما اشتريها انا الي هركبها ولا ايه حد هيركبهاالي ولا ايه :$
كفايه كدة

العنوان بعتته عالخاص
واحنا فاتحين من 10 ص - ل 7 م
ماعدا الاحد

اما مواعيدي انا شخصيا فمش ضامن نفسي انتي عارفه انا بجهز
كلميني قبل ما تيجي وان شاء الله اكون موجود

المشايه مبتجيش في عربيه ملاكي الا لو كانت ماتريكس او جيب عشان شنطتها بتتفتح لفوق
وفتحتها واسعه
انما العربيات السيدان العاديه لا
فطبعا يااما تجيبي شبكه يااما تتشحن بقي

والمشايه بتاخديها راكبه مش محتاجه تركيب
بنعلمك عليها كل حاجه وتتشرح

والموديل متوفر ان شاء الله