عربيتى الجديدة اتخربشت الحقونى!!!!!!!!

**Ahmed Samy** · 31-01-2008 04:06 PM

المشاركة الأصلية كتبت بواسطة Ghaly

بس انا عندى مشكله..انا قلت انى زى الغبى رحت جبت قلم دوكو و استخدمته فى مكان الخرابيش..هل خطر انى استخدم الكومباوند بعد كده على اساس انه ممكن يطلع لون القلم الدوكو على اللون الاصلى؟؟

الكومباوند لو استعملته صح هيسيح اللونين في بعض ........ بس نصيحة كفاية عليك لحد كده ووديها لواحد بوهيجي (البوهيجي في اللغة هو بتاع البوية) :)

و روق كده و لا يهمك لسة ياما هيتكتب عليها :D
أنا ماعدتش بابص على الخرابيش علشان مادايقش

**tayson54** · 21-05-2008 01:32 PM

هو فيه نوع من اقلام الدوكو ممكن تتفك وتتغسل وتتملا تاني باللون اللي يناسبك ؟؟ لاني رحت مكتبه سمير وعلي لقيت عنده اقلام دوكو لكن مش بتتفك والألوان هناك مش مناسبه للون عربيتي النبيتي .
يا ريت لو حد عنده معلومه يقول لنا بدل ما نستني المرواح للتوكيل ممكن نداري الخدوش دي بالقلم لان شكلها فعلا سخيف

**ezzatzakary** · 21-05-2008 02:01 PM

انا راي برضة تروج لواحد بتاع دوكو يلم الموضوع

**chicobon** · 22-05-2008 12:06 AM

هي في عربية مصر مش بتتخربش

**Dr.SherifMansy** · 23-05-2008 02:34 AM

يا باشا ولا تزعل نفسك و الحمد لله انها على قد الخرابيش و اهى تاخد العين و قضا اخف من قضا.

هي في عربية مصر مش بتتخربش

و بعدين فعلا السلوكيات عندنا فى البلد تحرق الدم ، و تحس ان الناس بتعتبر ان اللى عنده عربية جديدة ده شيطان كافر ملعون لابد من معاقبته و حرق دمه
و كلنا عارفين المسامير و المفاتيح و اللى العيال نازلين بهدلة بيها فى العربيات

والله ربنه يكون في عونك برضه من يومين نزلت اشوف عربيتي bmw سودا لقيت واخد كاتب اسمه عليها بموسمار وسيبه فوق الكبوت (انا حاسس بيك والله)

و انا كمان حاسس بيك :arghh::embarrassed2:، ده انا عربيتى عمرها شهرين بس و النهاردة نزلت الصبح لقيت اماكن تنقير فى الرفرف الورانى كأن حد كان معاه خشبة ببوز و عمال يلعب بيها

، و مرة لقيت 128 مافيهاش حتة سليمة ساب كل الأماكن اللى فى الشارع و قفل مدخل مسجد (تخيل الرخامة)

و حشر نفسه جنب عربيتى (الأسبوع اللى فات) و حك لى الرفرف اليمين الورانى :boxing_smiley:، و ربنا كريم كان معظم الحكة البوية الزبالة الرديئة اللى داهن بيها عربيته و الحمد لله شةية كومباوند و بولش ضبطوا الشكل و الحمد لله انها على قد كده.
ان جت فى الريش بقشيش .. ولا ايه :)