الموضوع: بلى العجل يا رجاله

بالنسبه للبلي الأمامي

1- skf اسباني , سعر الواحده 110 جنيه
2- FAG الماني , سعر الواحده 95 جنيه
3- كوري أصلي (لكن مضروب) سعر الواحده 80 جنيه
4- nsk ياباني , سعر الواحده 75 جنيه
5- إيطالي مضروب , سعر الواحده 45 جنيه

نصيحه الـ skf الأسباني هو الأفضل والأحسن وانا مركبه عندي , وطبعا ده بعد ما سألت الخبراء في المنتدى هنا عن أفضل نوع

بالنسبه للبلي الخلفي
النوع اللي ماشي كويس اسمه vaico اسباني , وبصراحه مش عارف سعره اوي , لكن هو في رنج الأربعينات تقريباً للبليه الواحده

http://www.nilemotors.net/Nile/143379-a.html

حماده حبيبى والله كنت حاسس انك اول واحد حترد انا بشكرك جدا يعنى افهم من الكلام انى مجبش الاصلى واجيب الاسبانى او الالمانى تمام

البلي الاصلي بتاع الدايو ياباني
اما الكوري فده مضروب
هات اي حاجة تانيه و الافضل skf

المشاركة الأصلية كتبت بواسطة zaza2002

حماده حبيبى والله كنت حاسس انك اول واحد حترد انا بشكرك جدا يعنى افهم من الكلام انى مجبش الاصلى واجيب الاسبانى او الالمانى تمام

لا شكر على واجب يا بوب

نصيحه والله ياباشا خليك في الـ skf وهتركبه وتنساه ان شاء الله
انا جبته من عند واحد في شارع رمسيس جنب جريده الجمهوريه , اسمها شركه العنتيبي , وبجد كل الناس في التوفيقيه وشارع شامبليون بيقولوا الراجل ده بتاع الأصلي وبس

هي البليه غاليه شويه لكن بجد تمنها فيها

وطبعا اهم حاجه البليه تركب على مكبس مش بالدق , لان الدق بيبوظ اي بليه في الدنيا

خلي بالك صحيح هتسمع كلام كتييييييييير بخصوص البلي ال skf

هتلاقي واحد يقنعك ان البليه الإيطالي هي هي نفسها الأسباني , وهيقولك ان مصنع skf ليه فروع في بلجيكا و اسبانيا و فرنسا و ايطاليا و و و , الكلام ده صح , لكن في مصر المضمون والأصلي هو الإسباني , يعني خليك مصمم على البليه الأسباني

وهتلاقي ناس بتتكلم معاك في اسعار عجيبه , 125 جنيه , ده سعر هتسمعه كتير , وانا سمعت لغايه 195 جنيه وانا بشتري , بس الحمد لله من كتر السؤال وصلت للراجل بتاع شارع رمسيس وتمن البليه عنده زي ما قولتلك 110 جنيه وبس , وبكل امانه فعلا البليه نااااااااعمه جدا وتحس انها بجد قطعه غيار محترمه شكلاً ومضموناً

المشاركة الأصلية كتبت بواسطة Moh_Zaher

البلي الاصلي بتاع الدايو ياباني
اما الكوري فده مضروب
هات اي حاجة تانيه و الافضل skf

كلامك صح , وكمان في تجار كتير بيشكروا في الـ nsk الياباني

طيب يا محمد هو سعر البليه 110للامامى ونفس السعر للخلفى والسعر ده بعد الفصال ولا هو فعلا كده سعره عنده والعنتبى انا تقريبا كده عارفه هو على نفس صف الجمهوريه بعدها بحاجه بسيطه تمام

طيب ةالبلية الخلفية... تعمل كام.. لانى هغيرها قريب.. وياريت كمان يا محمد باشا تقولى مفتاح كام المشرشر اللى يفك الصرة بتاعتها علشان انا ناوى انى اللى اغيره بنفسى ان شاء الله