اتنصب عليا ودي حكايتي عشان الناس تستفيد

**AAAH** · 11-05-2010 01:47 AM

المشاركة الأصلية كتبت بواسطة amr_lamor

طبعا قلت للي بعتلو العربيه على اللي فيها كله حتى لو كان حد بيجي يشوفها وميعرفش اللي فيها والله كنت بوريلو اللي فيها ومكانش بيشتريها بس انا ميرضنيش ان حد يجرالو اللي جرالي وطبعا عشان حرام.....ياريت يا سامح تبعتلي رقمك عشان عايز اكلمك ...ابعتهولي عالخاص وقولي الخاص ده بيتفتح منين.. لو مش هيضايقك يعني

كده تمام يا باشا
وربنا يباركلك

**misoalex** · 11-05-2010 03:00 AM

طب وانت بعتها ليه
هو عيب كبير اوى كده انها مرشوشه !!!

**powerofhelll** · 11-05-2010 02:21 PM

خليك متفائل انشاء الله تخدهم منه يوم الحساب و خليهم ينفعوه في الدنيا

**astra** · 12-05-2010 12:41 PM

الميكانيكية والسمكرية فى مصر محترفين فلو عايز تشترى مستعمل الاحسن انه يكون فابريكة برة وجوة كده تضمن ان الشاسية سليم واى واحد بتاع دوكو يقدر يعرف ان كانت رشة ولا لأ وده المهم بعد كده اذا كان فية مشكلة فى الميكانيكا فدى مقدور عليها
وربنا يعوض عليك وما تزعلشى ممكن تكون ماشى بيها ولا قدر الله وتخسر فى تصليحها اكثر من كدة

**rabbat5** · 13-05-2010 03:34 AM

اللى يكشف يكشف فى التوكيل البنزينة مالهاش داعي الا مجرد فكرة مبدئية عن حالة السيارة.

**dramir1** · 15-05-2010 01:07 PM

ربنا يعوض عليك ولكن انصحك بعد كده لوهاتشتري عربيه ليها توكيل في مصر
لازم تكشف عليها في التوكيل..... لان مهما كان تمن الكشف هايكون ارخص من خسارتك فيها لو لقيت فيها مشكله......
وانصحك الان بان تكثر من قول (إنا لله وانا اليه راجعون ..الهم اجرني في مصيبتي واخلف لي خيرا منها)
وان شاء الله ربنا هايعوضك بعربية افضل منها والفلوس اللي خسرتها هاترجعلك اكتر منها.

**MEDO84EG** · 16-05-2010 09:07 AM

يا سلام علي الحنيه
و الله مش عارف ازاي الواحد يقبل انه يخدع حد و الله العظيم بتترد
اصبر و احتسب و متخفش الفلوس اللي اتنصب عليك فيها في ميزان حسناتك ان شاء الله

**MEDO84EG** · 16-05-2010 09:08 AM

و مش هقولك متزعلش و سيبك و كلام خايب لا
من حقك طبعا تزعل و ده شعور طبيعي بس الحمد لله انك بخير و ان شاء الله اصبر و هتشوف ان الله هيعوضك ان شاء الله
يمفي انك لما جيت تبيعها مخدعتش اللي بيشتري