غبور وكونتاكت بين الحقيقه والخيال
احنا حجزنا فيرنا اتوماتيكgls 2008 بتاريخ 27 فبراير 2008 عن طريق كونتاكت وللاسف بعد قراءات كتير فى المنتدى طلعت منها ان كونتاكت شركة محترمة وقلنا ندفع قرش زيادة نلاقى خدمة كويسة
قالوا الاستلام بعد 3 ايام ولم نستلم قالوا بعد اسبوع ولم نستلم قالوا بعد 10 ايام ولم نستلم وبعدها نتصل بالمسئول معانا من كونتاكت بيتهرب مننا ع االتليفون يعنى تلات مواعيد غير صادقة ودى النقطة الاولى ع كونتاكت هما لو قالو من الاول الاستلام بعد سنة.. حتى.. بس يصدقوا فى كلامهم كان احسن لهم عشان الاسم والسمعه والمصداقيه
التانية ان العربية اللى حجزناها عرفنا من مصدر خارجى انها اصلا مش موجودة ولسة بتتجمع فى المصنع معقول الكلام ده ومعلش استنو ليوم 15 فبراير 2008 لو بقى 16 فبراير او 17 استحملوا معلش ينفع كده؟؟
يعنى احنا مضينا عقد ع عربية مش موجوده !!
انا افتكرت الخطأ من كونتاكت بس فى عدم مصداقيتها وشفافيتها والافلام اللى عملتها علينا
ولما دخلت المنتدى تانى ولقيت ان غيرى كمان حجز ولم يستلم وفى نفس التوقيت الزمنى بقت مش حكاية كونتاكت بس لا غبور كمان
اذا كان فى الاستلام حصل كده اما فى الصيانه بقى!! ولو فى مطالبات مع كونتاكت هيعملوا ايه!!
بجد من كتر قلقى ع الجاى بفكر اهد المعبد والغى العقد معاهم بس اللى مخوفنى مش هيدونى الفلوس بسهولة وهيقرفونا
كسب ثقة العميل سهلة والاحتفاظ بيها صعب