المشاركة الأصلية كتبت بواسطة temoo_110
السلام عليكم ورحمة الله وبركاتوه
اولا بشكر المهندس عاطف على اهتماموه بمشكلتى
واعرفك بنفسى علشان اكيد حضرتك نستنى
انا مهندس تامر صاحب السيارة الفيرنا اللى بتاكل الزيت
واتصل بيا المهندس عادل وقالى انى اتابع معاه المشكلة كل الف كيلو
وفعلا بعد ما غيرت الزيت روحت اول الف كيلو وتانى الف العربية وقفت خالص ومابقتش تدور
ورحت بالعربية وغيرولى طرومبة البنزين ومشيت بالعربية
وروحت النهارده علشان كملت الاف التالتة علشان نشوف موضوع الزيت وفعلا كان ناقص
وقالولى احنا هنشوف المشكلة
قولتلهم تمام
قالولى لازم تعمل صيانة ال25000 مع انى لسه عامل صيانة من 3000 كيلو
وتغيير زيت وفلتر قولتلهم يا جماعة مش الزيت ده بيقعد 50000 كيلو قالولى لا ده بيقعد 3000 بس
مع انهم بيقولو انه بيقعد 5000 وانهم كل الف لغاية ال5000 يكشفو عليه الكلام بيتغير على طوول معاهم
وبقيت مش عارف اعمل ايه علشان كمان التكييف مش شغال
وقالى المهندس عادل استنى لما نشوف موضوع التكييف واستنيت وبعد كده قالى لسه مش عارفيين المشكلة بتاعت التكييف
وسيبت العربية وقالولى بكره هنتصل بيك
وانا بصراحة تعبت من العربية دىمن كتر المشاكل اللى فيها
ومفيش اى مصدقية فى الكلام فى شىء هما احسن حاجة عملوها اول ما دخلت العربية انهم استلمو العربية كويس من الخربيش والحاجات اللى فيها
على العموم انا مستنى رد حضرتك يا استاذ عاطف علشان مشكلة الموتور والزيت
واكون مشكور جدا