شكراً جداً يا أستاذ عاطف على ردك وانا حجزت العربية يوم 26/3 من غبور عمارات العبور انا عارف انى لسة مكملتش اسبوع بس انا محتاج العربية ضرورى فحستنى اكمل الاسبوع و لو طولت هكلم حضرتك و شكرا جدا مرة اخرى
شكراً جداً يا أستاذ عاطف على ردك وانا حجزت العربية يوم 26/3 من غبور عمارات العبور انا عارف انى لسة مكملتش اسبوع بس انا محتاج العربية ضرورى فحستنى اكمل الاسبوع و لو طولت هكلم حضرتك و شكرا جدا مرة اخرى
أستاذ عاطف / مش حقدر أقول غير أنى لسة مستلمتش و مش عارف حستلم يوم اية !! كل اللى عارفة من اللى يكلمنى من غبور أنة يأجل وخلاص ؟؟؟ فعلا حاجة تضايق جدا ؟؟؟؟؟ مش من الطبيعى أنى أجرى وراء موظفين غبور و الح عليهم !!!! المفروض الألتزام بتحديد ميعاد الأستلام .... أو التأجيل مرة ! أو التأجيل لميعاد محدد ......شكرا
أحب أشكر م / عاطف ،،،
حيث توجهت يوم الثلاثاء الماضي لعمل صيانة ال 15000
و استقبلني الراجل في مكتبه الحقيقة بمنتهي الحفاوة ،،،
و الحمد لله ،،
كل شئ كنت باشتكي منه في العربية تم حله ،،
و قاموا بالواجب و زيادة ،،، بفضل توصياته ،،،
رغم ان الحاجات دي كنت بشتكي منها في الصيانة اللي قبلها ،، و معملوش حاجة
و ده يدل إن في مشكلة عند الفنيين و المهندسين في غبور ،،
بالإضافة إنه عملي خصم
من 680 جنية ،، دفعت 600 جنيه فقط ،،
عشان الصيانة دي كان فيها تغيير تيل فرامل ،،
بس طبعا العربية خدت يوم كامل رغم اني جيت من الساعة تسعة الصبح ،،
بس العربية كان فيها شغل كتير ،،
و م / عاطف الصراحة بيهتم بأعضاء نايل موتورز خاصة اهتمام غير عادي ،،
و بيحاول قدر طاقته انه يرضيهم و يرضي أي عميل عموما ،،
يا ريت يكون كل الناس اللي شغاله في غبور علي نفس مستواه
تحياتي ،،
انا أستلمت العربية يوم 31/3 الحمد لله شكرا ًجداً يا م/ عاطف
اضافة جميلة جدا من موقعنا المتميز، أستاذ عاطف انا عندي شكوى ياريت أجد عند حضرتك ليها حل:
انا عندي النترا 2007 مانيوال، المهم انا متأكد 100% ان لمبة Check Engine البرتقالي كانت بتنور و المفتاح على وضع ON و بعد كده تطفي بعد السيارة تشتغل المهم بعد صيانة 10000 اللمبة مش بتنور خالص اتصلت بالصيانة قالولي كل الالنتر مش بتنور هتنور لو حصلت مشكلة بس، المهم يافندم انا أكدتلهم اني كنت بشوفها قالولي حضرتك ممكن تكون ماخدتش بالك!!!!!!!!!!!!!!
انا خايف يافندم انه يكون فيه مشكلة في ال Ecu و حضرتك ده نص منقول من مانيوال السيارة صفحة 44 باب 4 "تعرف على سيارتك":
"سيضيء هذا المصباح عند إدارة مفتاح الإشعال الى وضع التشغيل On وسينطفيء في غضون ثوان قليلة بعد بدء تشغيل المحرك. إذا أضاء هذا المصباح أثناء القيادة أو لم يضيء عند إدارة مفتاح الإشعال علو وضع التشغيل On ، فاذهب بسيارتك إلى أقرب موزع هيونداي معتمد وافحص النظام ".
منتظر ردك يافندم وتقولي أعمل ايه؟
تحية طيبة و بعد ،،
لمبة الـ Check Engine ليها أسباب كتيرة و مش بالضرورة تعني ضياع الـ ECU و هي أختصار للـ Electronic Control Unit .. الأجراء أننا بنوصل الـ ECU بالسكانر و بعدين نعرف فين المشكلة.
لازم تزور أقرب مركز خدمة و هما هايقوموا بالواجب ... ما تقلقش ... حاجة بسيطة أن شاء الله.
يا استاذ عاطف
مش صح ابدا اللى يكلمك تحلل له المشكلة طب واللى ميعرفكش ولا يعرف تليفونك
هما عملاء هيونداى كلهم من نايل موتورز بس؟؟
ارجو ان تكون سياسة شركتكم واحدة :)
كلامك لا جدال فيه .. و أنا مع رأيك ..
على فكرة انا عندى النترا مانيوال 2008 و لمبة ال check engine مش بتنور خالص ؟؟؟ يبقى كدة فى مشكلة ؟؟
متشكر جدا جدا جدا ياأستاذ عاطف على ردك السريع، أستأذن حضرتك في حاجه ، ممكن أعمل ايه لو وانا في صيانة ال 15000 قالولي نفس الكلام بتاع مش بتنور الا لو في مشكلة وحضرتك مش فاكر والكلام ده اتصل بحضرتك ساعتها؟؟؟ ، انا أسف بس والله انا جربت الاتنين ابورواش وقليوب وزي ماحضرتك شايف الواحد بيحاول يمسك أعصابه عشان ماحدش يزعل منه....