ربنا يوفقك ...
تحياتي
ربنا يوفقك ...
تحياتي
ازيك يا باشمهندس عاطف
ان شاء الرحمن اليمومين اللى جاين حعمل صيانة ال 30,000
*** كنت عايز اعرف
- سعر تيل فرامل امامى النترا 2007
- تكاليف الصيانة
- هل من الأفضل اغير البوجيهات كمان ولا لأ وتكلفتها كام ؟؟؟
- عايز اغير جهاز الأنذار هل لازم اشتريه من عند عشم ولا ممكن اشتريه من بره وهو يركبه ..؟
اسف على الأطالة وشكرا على الرد
عزيزى المهندس عاطف :
باعتذر اذا كنت كلمت حضرتك يوم الاحد الصبح بس الصراحة كنت مستعجل اعرف رايك بخصوص الالنترا 98 لانى عايز اشتريها لكن واضح ان حضرتك افتكرتنى شخص تانى لان رد حضرتك موصلنيش و على اى حال دى الاسئلة اللى عايز حضرتك تجاوبنى عليها و اللى انا منتظر رد حضرتك عليها بفارغ الصبر
الالنترا 98
قطع غيارها موجوده و لا لاء&استيراد و لا جديد&
-فى عيوب معينة لاحظتها فى الموديل ده ؟
-الاوتوماتيك على العربية قوى و لا ضعيف و هل ينفع اكشف على الفيتيس فى التوكيل ؟
-و اخيرا سعرها لو حالتها كويسة تبقى بكام ؟
واخيرا شاكر جدا لحضرتك اهتمامك و تعبك معايا
أحمد أبوالسعود -القاهرة
الأستاذ / أحمد أبو السعود
آسف جدا لو كنت لم أستقبل مكالمتك بشكل جيد ... مش عارف ممكن كنت في أجتماع أو مع حد تاني ... بس و الله انا بهتم بأي مكالمة لأي حد ... و سامحني علي الهفوة.
بالنسبة لأي موديل قديم من الهيونداي ... من زمن البوني و الستيلر ... كلها كانت موديلات ساهمت بجودتها في تأسيس أسم هيونداي في الزمن القصير ده ... خلونا نقول أن هيونداي اتولدت 1967 يعني عمرها من عمري تقريبا ... و ده عمر صغير قوي لشركة أحتلت المركز الخامس عالميا ... مما يدل علي قدرة الشركة في خلق سمعة و مصداقية بأنتاجها ... و ده اللي ساعدها للـ Market share اللي حاصل الآن ... الألنترا اللي معاك هايلة بس طبعا لازم نكشف عن حالتها ... لا تنسي ان عمرها تجاوز العشر سنوات و ده طبعا يدينا مؤشر بتهالك أجزاء كتيرة فيها يقلل من آدائها... لازم تكشف و بعدين نقيم حالتها و سعرها ... الفتيس الأتوماتيك ليه عمر تشغيلي و ليس عمر مطلق لأن حالة الكلتشات و الكوابح بتاعته أكيد بتتقادم ... ممكن يكون شغال معاك كويس و نقله كويس و لكن عندما تقارنه بفتيس جديد بتلاقيه ني شوية أي تقيل معاك و حساسيته أقل ... و لكن بالنسبة للتقنية ما تغيرتش كتير هو هو الأساس و النظام الهندسي ... كلمني علي التليفون و أشرحلك التفاصيل أفضل ( لمعلموماتك و بحيادية ... فتسيات هيونداي الأتوماتيك رائعة و معمرة)
تحياتي
الفرامل:
تقنياتها واحدة في أغلب العربيات ... و هي من الخطوط الحمرا لأنها مرتبطة بأرواح ناس ... ما فيهاش هزار ... آدائها مرتبط بالتالي :
نوع الطريق
سرعة العربية
حمولة العربية
ميول العربية
سلوكيات السائق
تم أدخال تقنيات علي الفرامل مثل الـ Abs و الـ Ebd للتعامل مع نوع الطريق و سرعة و حمولة ميول العربية ..
الفيرنا طبعا ليس فيها التقنيات دي و هي فراملها عادية جدا فلازم نحس بفرق فرامل لما يكون الطريق ناعم أو خشن ... العربية مليانة أو فاضية ... ميول العربية كمان ... مش بالضرورة عربية حصل معاها كذا ... فده لازم يتكرر في نفس العربية ... كل حالة و ليها ظروفها ... و لأن موضوع الفرامل مافهوش هزار ... فأي عربية نشك في فراملها حتي و لو متأكدين أنه من الطريق ... من الأفضل نروح أقرب مركز خدمة و مش هانخسر حاجة نعمل تشك ...
و تحياتي للجميع
المهندس عاطف شكراً جزيلاً على المجهود الرائع المقدم من حضرتك و انا معيا عربية النترا 2008 عاملة 23000 كيلو متر روحت عمالت صيانة ال20000 من اسبوع فى كرافان الرحاب و كان عندى مشكلة ان العربية موش مضبوطة فى السلانسية ، كشافوا على العربية قالولى ده حساس اسمة tps عاوز يتغير فارجوك قول لى اية الحل
الـ TPS أو الـ Throttle Position Sensor ليه طبعا تأثير علي السلانسيه ... و كمبيوتر التشخيص بيعرفه بسرعة ... لازم تجيب العربية لمركز الخدمة ... سواء أبو رواش أو قليوب أيهما أقرب ليك و هم هايقوموا باللازم .
تحياتي .......
أستاذ / محمد الطويل - أسكندرية
اما تكلم 16101 أو موبيلي أو موبيل عادل فوزي ... علشان تحجز و تعرف كل أستفساراتك.
تحياتي ..
منورنا والله يا استاذ عاطف