السلام عليكم ...
روحت زى الشاطر حجزت عربية من عند غبور يوم 10 إبريل و دفعت ألف جنيه .. بعديها بخمسة أيام كلمونى تعالى إدفع الباقى ..
دفعت المتبقى يوم 15 إبريل ..
طيب والإستلام هيكون إمتى يا جماعة؟
حضرتك إسبوع .. عشرة أيام على أقصى تقدير ..
عدى الأسبوع ولا حاجة .. معلش علشان فى أجازات
عدو الـ 10 أيام .. معلش علشان باقى الاجازات .. و كل سنة وأنت طيب :(
عدو الــ 17 يوم .. معلش أصل فى مشكلة تأخير فى الكاسيت والإنذار اللى جاى من كوريا وهوا مش موجود حالياً.. و الموضوع ده هياخد 10 أيام كمان ؟؟
أو فى حل بديل ... حضرتك تستلم العربية من غير كاسيت ولا إنذار .. و لما تروح صيانة الألف ويكونو جم .. هيركبوهم لحضرتك عالطول ..
بالله عليكوا ده كلام .. دى مصداقية فى التعامل ..
انا فعلاً حاسس إنى بتعامل مع شركة تحت السلم .. مفيش إحترام للوعود تماماً ..
شويه كلام كويس على التليفون و شويه
customer service without any kind of support, really you forced me to believe that you've no credibility at all
أنا كلمت المهندس عاطف و شرحتله الموقف و قالى أنه هيشوفى القصه دى الصبح الأحد 3 مايو إن شاء الله ..
و بكده اكون دخلت فى اليوم الــ 18 ...
هابقا أقولكوا إيه اللى بيحصل ..
أنا جايب عربية من التوكيل علشان أستريح مش علشان أتكدر بوعود وكلام ... فعلاً انا بدات أقلق من العربية..
دا من الأول بيحصل أومال لما يحصلى مشكلة فى العربية أو فى الصيانة الدورية هيعملوا معايا إيه .. ربنا يستر ..
واضح إنها ثقافة شعب و إتجاه للتعامل من الوكلاء للعملا بتوعهم ..
لازم تتقرف و تصاب بوعكة .. علشان أكيد ورا ده عطل بشرى مش فنى ..
المفضلات