طريقه تغيير مياه الريداتير بنفسك

**عصام غنايم** · 10-05-2010 01:45 AM

بس هل معلومة ان الميه لازم تتغير فى حدود السنتين دى مؤكده ؟ ولا الحكم حسب حالة ولون الميه الخضراء ؟

الكاتلوج بيقول تتغير على 40000 الف كيلو وممكن قبل حسب طبيعة الاستخدام وعلى العموم الموضوع مش مكلف اوى وفى نفس الوقت حيوى جداٌ للموتور نقدر نقول انه بأهمية تغيير زيت الموتور

فللأمان نغيره وقت ما نلاقى لون الميه غير من الاخضر او اللون الرايق الى الوان اخرى

**عصام غنايم** · 10-05-2010 01:49 AM

ربنا يحفظك

لو عربية زوجتك متعوده من زمان على ميه الحنفيه هنعمل نفس الخطوات ونكررها مرتين تلاته لحد ما الميه يبقى لونها رايق ونملاها مية حنفيه تانى
لو حطيت ميه خضرا حط بتركيز خفيف زى ما قولتلكم الجركن ( الايديا ) الاسبانى وكده انت بتغامر

كده انا بأغامر؟؟؟؟
طب ليه

لان اكيد مية الحنفيه عملت صداء كتير فى اجزاء دورة التبريد ولما تحطت الميه الخضرا فالمذيب اللى فيها هياكل الصداء ده
صح
طيب لو الصداء ده سادد فتحات او اخرام فى الدوره لما نشيله ايه اللى يجرى ؟
اكيد الدوره هتبدأ تسرب
صح
علشان كده قولتلك انك كده بتغامر

**عصام غنايم** · 10-05-2010 01:50 AM

بسم الله ماشاء الله ربنا يباركلك فيها

مجهود رائع
بارك الله فيك

اللهم بارك لكم وفيكم

**عصام غنايم** · 10-05-2010 01:52 AM

ما شاء الله ما شاء الله يا سيدى
اللى اداك يديدنا يا عم عصام

يا باشا دمياط بتلعب

**عصام غنايم** · 10-05-2010 02:16 AM

ممكن طريقة قياس منسوب الزيت لو سمحـــت ؟؟

اى زيت حضرتك تقصد ؟

لو تقصد زيت المكنه

فعندك عمود القياس وده هتلاقيه لما تفتح الكابوت فى وش المكنه
لونه اصفر من فوق هتشده لبره هتلاقيه من تحت عليه تدريج
والتدريج عليه شرطتين min , max
والعربيه مطفيه هنخرج القياس ونمسح طرفه ونزله فى المكنه تانى وبعدين نخرجه ونبص الزيت معلم فين بالنسبه لالعلامتين
الصح انه يبقى بين الاتنين

لو تقصد زيت الفتيس

فده لما تبقى العربيه مرفوعه او على مجره مستويه هتلاقى طبه فى جنب الفتيس عباره عن مسمار 13
هتفكه
لو الزيت سيل من الفتيس يبقى الزيت مظبوط
لو منزلش حاجه يبقى الفتيس ناقص زيت
او ناقص ربايه
تزوده لحد ما ينزل زيت

اما لو قصدك زيت الفرامل

فهتلاقى قربه صغيره فوق ماستر الفرامل عليها علامتين max , min

المفروض الزيت يبقى باين بين الاتنين

وقريب اكتر من max

اما لو قصدك زيت الباور

فهتلاقى قربه واقفه جنب الموتور جواها زيت غامق عليها علامتين max , min

المفروض الزيت يبقى باين بين الاتنين

وقريب اكتر من max

ده طبعاٌ والعربيه طافيه

ارجو ان اكون استطعت الاجابه على سؤالك

سؤالى انا بقى

ايه دخل موضوعنا بالزيت ؟؟؟؟؟؟؟؟؟؟؟

**عصام غنايم** · 10-05-2010 02:21 AM

سؤال في السريع واحد صحبي معاه لانوس موديل 2002 راح يغسل الردياتير الراجل حطله ميه ناروميه من الحنفيه وغسله وبعدين حط مياه خضرا
كده ايه اللي حصل العربيه نضفته ولا خلصت يا تري مياه النار هاتعمل ايه

مية نار !!!!!!!

ليه صاحبك مدفعلوش فلوس ؟

على العموم هما بيحطوا مية النار بنسبه خفيفه علشان ينضفوا دورة التبريد وده غلط طبعاٌ
لانه اكيد فيه نسبه لسه موجوده جوه العربيه واخطلتت بميه التبريد

نصيحه قوله ينزل الميه ويعمل زى ما قولتلكم فى اول الموضوع بالظبط

**عصام غنايم** · 10-05-2010 02:24 AM

شرح ولا أروع.. تسلم ايدك.. طيب العربية بتاعتى وانا بشتريها من بورسعيد.. قالولى متغيرش المياه دى.. دى مياه الفبريكة.. وبصراحة انا علطول بتابعها.. وهية رايقة علطول ولونها زى ماهو. أخضر.. ولا عمرها نقصت.. يبقة كد كله فى التمام ولا برضه لازم أغير

ربنا يبارك ليك ده بس من زوقك

مفيش حاجه اسمها مية الفبريكه

كل حاجه فى العربيه ليها عمر افتراضى ولازم تتغير

فشوف انت مشيت كام كيلو ؟ او برده حالة الميه ايه ؟ ولونها هل غيرولا لسه رايق ؟

لو كله تمام استنى شويه لو فيها حاجه يبقى توكل على الله وغير

**عصام غنايم** · 10-05-2010 02:29 AM

موضوع اكتر من ممتاز
شكرا جزيلا علية
بس انا ليا استفسار بقى
العربية عندى الردياتير المية بتاعتة مصدية اوى
و القربة ملهاش استخدام لانها مخرومة تقريبا!
و الحمد لله مبتاكلش ولا نقطة مية! كل شهر بس بزودها بق مية حبة صغيرين اوى
تفضل انضفة و احط مية خضرا و دى هتحسن كفائة التبريد ولا اية رايك؟ العربية 127

لا شكر على واجب

غير بمية حنفيه او ميه خضرا خفيفه زى الايديا الاسبانى

بس اغسل الدوره كام مره اول بميه مقطره لو امكن ( جمع شويه من تحت فايز اى تكييف )

لحد ما لون الميه اللى نازله من العربيه يبقى رايق وبعدين حط الميه الخضرا

الموضوع: طريقه تغيير مياه الريداتير بنفسك

LinkBack

أدوات الموضوع

عرض

-

-

-

-

-

-

-

-

المواضيع المتشابهه

طريقة تغيير مية الريداتير بنفسك جزء 2 السيارات القديمه بالصور

مياه الريداتير ...

استفسار عن تغيير مياه الريداتير ؟؟؟؟

مياه الريداتير

تغيير مياه الريداتير لبولو موديل (95 حتى 99 ) الأصلى ماده إسمها G12

الكلمات الدلالية لهذا الموضوع

المفضلات

المفضلات

ضوابط المشاركة