للناس اللى غيرت فلتر الهوا وحصل مشاكل

**Mshawky** · 09-05-2010 09:15 PM

وانا بتصفح النهارده كده قطع غيار كيا والحاجات المسئوله عن الاداء الرياضى وهكذا لقيت مواقع بتبيع الفلتر الخاص بموديلات كيا فورتى كلها وبفئتها كمان وفعلا لقيت شكل الفلتر الرياضى من K&n المعروفه هو نفس حجم وشكل الفلتر الفابريكا بتاع العربيه فقولت فعلا هو ده انسب فلتر يركب للموديل بتاعنا عكس الاشكال التانيه اللى شبه القمع ديه ومحتاجه مواسير وبتاع ولقيت سعره مش غالى تقريبا قريب من سعره فى مصر وشكله اهو

K&N 33-2960 Replacement Air Filter

**M.almaghraby** · 09-05-2010 09:17 PM

ممكن تلاقيه عند طوكيو فشارع دمشق او تطلبه يجيلك :)

بس ايه نوع المشاكل الي ظهرت ؟؟؟؟

**Mshawky** · 09-05-2010 09:57 PM

المشاركة الأصلية كتبت بواسطة dr.almaghraby

ممكن تلاقيه عند طوكيو فشارع دمشق او تطلبه يجيلك :)

بس ايه نوع المشاكل الي ظهرت ؟؟؟؟

المشاكل اللى ظهرت هى استهلاك عالى فى البنزين وعدم اتزان العربيه

**Romeo26222** · 09-05-2010 10:08 PM

المشاركة الأصلية كتبت بواسطة mshawky

المشاكل اللى ظهرت هى استهلاك عالى فى البنزين وعدم اتزان العربيه

اول مرة اسمع عن ان فلتر الهواء بيسبب عدم اتزان العربية!!!

**Mshawky** · 09-05-2010 10:10 PM

المشاركة الأصلية كتبت بواسطة romeo26222

اول مرة اسمع عن ان فلتر الهواء بيسبب عدم اتزان العربية!!!

انا مشوفتش بعنيا بصراحه لكن العضو اللى كنت اعرفه وركب فلتر حصل استهلاك عالى فى البنزين وكان الفتر مش مربوط كويس فى عمود خرج الهوا بتاعه فسرب والعربيه بطلت وحاجات كده ده اللى اتحكالى والله اعلم

لكن سوالى انا عايز افهم لو جبت فلتر زي ده ايه الفرق بينه وبين الى راكب ؟

**Romeo26222** · 09-05-2010 10:19 PM

دائما الفلاتر السبورت زي k&n بتعتمد علي اعلي تقنيات في تنقية الهواء وكمان تبريدة علشان كثافتة تكون اعلي وبالتالي كمية الهواء الداخلة للمحرك بتكون اكبر وانقي..

**alzwawy** · 10-05-2010 01:15 AM

المشاركة الأصلية كتبت بواسطة Mshawky

انا مشوفتش بعنيا بصراحه لكن العضو اللى كنت اعرفه وركب فلتر حصل استهلاك عالى فى البنزين وكان الفتر مش مربوط كويس فى عمود خرج الهوا بتاعه فسرب والعربيه بطلت وحاجات كده ده اللى اتحكالى والله اعلم

لكن سوالى انا عايز افهم لو جبت فلتر زي ده ايه الفرق بينه وبين الى راكب ؟

أنا الي حصلي المشكله دي يا رجاله بس انا مقلتش يا محمد عدم اتزان ولا حاجه انا كل الي قلتهولك استهلاك بنزين عالي بس والي فاهم في حوارات الفلاتر هيفهم كلامي انا لما ركبت الفلتر منفعش يتركب cold air intake فأضطريت اركبه hot والمحل بتاع جو اقنعني انه كده عادي و مش هيحصل حاجه ومش هيسحب هواء سخن بس فعلا زي ما كنت متوقع انه هيسحب هواء سخن سحب فعلا هواء سخن و استهلاك البنزين زاد فعلا علشان الهواء السخن مش اكتر وحوار الفلتر الي وقع ده علشان بس مكانش مربوط كويس الي كان مركبه مربطوش كويس بس والي انا ركبته مكانش الفلتر الي في الصوره ده لأ الي انا ركبته كان فلتر مخروطي
انما الفلتر الي في الصوره ده يختلف اختلاف كلي عن الي انا ركبته ده علشان تركبه بتفك العمه وتشيل الفلتر الاصلي و تركب ده مكانه و تحط العمه انما الي انا ركبته العمه بتتشال خالص ومبتركبش انما الفلتر الي في الصوره ده مبيديش اداء عالي ولا صوت رياضي زي الفلتر المخروطي ده من الاخر فلتر عادي زيه زي الي راكب لا بيعمل صوت ولا بيحسن اداء
يارب اكون قدرت اوضح

**arafahafez** · 10-05-2010 01:22 AM

شكرا لكل عضو بالمنتدى يضيف شئ جديد او معلومة مفيدة ... ولمن لايعرف فان هذه الفلاتر نوعية خاصة وغالية الثمن تعمل على زيادة الهورس بور للسيارة بالاضافة الى ارتفاع نسبة تنقية الهواء الداخل الى الموتور وبالتالى تحصل على اقصى امكانيات الموتور ... السعر لايقل عن 50 يورو ... الشكل الذى ارفقه الزميل خاص بالسول ويلاحظ ان جميع الفلاتر خاصة بمواتير 2000 او 2400 وهى المواتير المتوفرة فى الدول الاوربية والسؤال ... هل يمكن استخدام هذه النوعية من الفلاتر فى السيارات عندنا فى مصر لان مواتيرها 1600 ؟؟؟ ... من عنده رد ياريت يفيدنا به ... الشكل التالى خاص بالسيراتو

**alzwawy** · 10-05-2010 01:38 AM

يركب علي 1600 عادي ياباشا في فلاتر تركب علي 1600 و فلاتر لل 2000 و فلاتر لل فوق 2000

**Mshawky** · 10-05-2010 10:53 AM

شكرا يازواوى على توضيحك انا مرضتش اذكر اسمك بس فى الموضوع مش اكتر لكن موضوع عدم الاتزان انا كنت اقصد بيه لما قولتلى العربيه بطلت وانا ماشى وانت قولتلى كده فعلا ده اللى انا اقصده