الموضوع: هل الجولف 1.6 عمرها الإفتراضي أطول من 1.4 tsi ?

المشاركة الأصلية كتبت بواسطة ahmed_nubira

سيبك انت
اخبار الحته الباسات ايه
(ربنا يباركلك فيها)

أحمد باشا
والله زي الفل و الحمدلله
بس موضوع ناقل الحركة اللي باظ عند زميلنا عامل لي شوية هسس
ربنا يسترها يرزقك بمثلها و احسن منها و يجزيك خير

المشاركة الأصلية كتبت بواسطة mshamy

أحمد باشا
والله زي الفل و الحمدلله
بس موضوع ناقل الحركة اللي باظ عند زميلنا عامل لي شوية هسس
ربنا يسترها يرزقك بمثلها و احسن منها و يجزيك خير

لا ان شاء الله تبقى المشكله فرديه
وخير متقلقش

المشاركة الأصلية كتبت بواسطة delpo

انا متفق معاك بس السؤال برضو هل فعلاً التربو بيسبب جهد اكبر عالموتور ولا لأ ؟؟ لأن معظم الي سألتهم وبيفهموا قالولي اي عربية في العام مهما كانت التربو بيأثر على عمرها الإفتراضي, وده مش معناه انها يعني هتبوظ لا قدر الله بعد 10 سنين لا يعني بدل ما العادي مدته 25 سنة ممكن دي تكون 20 سنة والله اعلم.

والله انا سألت السؤال ده قبل شراء الباسات
وكان فيه إجابات مختلفة
في ناس قالت ان التربو بيقصر من عمر الموتور
وفي ناس قالت ان الكلام ده كان زمان و طالما الصيانة بتتعمل في مواعيدها يبقى لايوجد داعي للقلق
والحاجة اللي طمئنتي الى حد كبير هي ضمان الوكيل (سنتين بدون حد أقصى للكيلومتر)
يعنى الواحد ممكن "يفحت العربية و يردمها" و لسه في الضمان
و بالمنطق شركة زي فولكس عمرها ما حتجازف بسمعتها في إختراع ملوش لازمة أو ممكن يأثر على سمعتهم
الناس دي سابقينا بسنوات طويلة (ضوئية مش عادية)
انا كان ليا شرف زيارة المصنع في مدينة السيارات بولفسبرج بالمانيا سنة 2002
وشفت بنفسي المستوى التكنولوجي .....فعلا سنين ضوئية

المشاركة الأصلية كتبت بواسطة delpo

هو الطبيعي ان التربو بيقصر عمر الموتور ده شيء عادي, وبيرفع صوت الموتور, وبيزيد عدد لفات الموتور, ده الطبيعي طالما فولكس ما أعلنتش ان التربو بتاعها في تقنيات خاصة بتمنع كل ده وده محصلش.
الي انا شايفو ان فولكس مش بتجازف ولا حاجة هي حاطة ضمان سنتين بس مش غريبة, مقابل شركة زي كيا تحط ضمان 5 سنين على السيراتو ؟؟
وبعدين الجولف ال1600 ضمانها كم سنة؟
في جميع الأحوال هما بيستهدفوا فئة معينة بالتيربو وهي طبعا فئة الشباب وأعتقد انهم حاطين إن أقصى مدى ممكن يقتني فيها شاب لعربية بالسعر ده مش هتزيد عن خمس الى 6 سنوات, وخلالهم العربية موتورها هيكون لسه بحالته, لكن أنا بتكلم على المدى الطويل, يعني انت ممكن تشوف في الشارع عربية جولف من التمنينات ماشية وتشوف بي ام ومرسيدس وحتى تويوتا بس عمرك ما هتلاقي منهم حاجة تيربو الا لو غيرو الموتور مش كده ؟

والله و بأمانة انا في عربيتي لايوجد اي اثر لموضوع ارتفاع صوت الموتور و لا عدد اللفات
شوف الصورة دي:



السرعة تجاوزت ال 200 كم/س و عدد اللفات 4200 فقط


وشوف منحنى العزم حتلاقية ثابت من 1500 - 4500 تقريبا
مما يدل على قوة أداء السيارة و عدم تأثر الموتور



بالنسبة للعربيات القديمة مش مقياس ان العربية طالما ماشية في الشارع انها تكون مش مغيره موتور و انا اعرف عربيات في اواخر التسعنيات مغيره مواتير
الموضوع في الأول و الأخر طريقة استخدام و صيانة
كان واحد قريبي في كندا بيحكيلي على 2 شباب من الخليج بيدرسوا في كندا اشتروا 2 جاجور جديد و كانوا متراهنين من يفوت المكنة الأول (الكلام ده في التسعينيات)

المشاركة الأصلية كتبت بواسطة delpo

هو الطبيعي ان التربو بيقصر عمر الموتور ده شيء عادي, وبيرفع صوت الموتور, وبيزيد عدد لفات الموتور, ده الطبيعي طالما فولكس ما أعلنتش ان التربو بتاعها في تقنيات خاصة بتمنع كل ده وده محصلش.
الي انا شايفو ان فولكس مش بتجازف ولا حاجة هي حاطة ضمان سنتين بس مش غريبة, مقابل شركة زي كيا تحط ضمان 5 سنين على السيراتو ؟؟
وبعدين الجولف ال1600 ضمانها كم سنة؟
في جميع الأحوال هما بيستهدفوا فئة معينة بالتيربو وهي طبعا فئة الشباب وأعتقد انهم حاطين إن أقصى مدى ممكن يقتني فيها شاب لعربية بالسعر ده مش هتزيد عن خمس الى 6 سنوات, وخلالهم العربية موتورها هيكون لسه بحالته, لكن أنا بتكلم على المدى الطويل, يعني انت ممكن تشوف في الشارع عربية جولف من التمنينات ماشية وتشوف بي ام ومرسيدس وحتى تويوتا بس عمرك ما هتلاقي منهم حاجة تيربو الا لو غيرو الموتور مش كده ؟

السيراتو مديك 5 سنين بحد اقصى 100 الف كيلو متر
لكن فولكس سنتين بدون حد أقصى للكيلومتر
وزى ماقال زمايلى مش هزود ولا نقص معلومه فولكس لما تعمل محرك وتاخد عليه الأول فى المحركات أكيد مش من فراغ واكيد عارفين وفاهمين كويس عمره هيبقى أد أيه ومش هيخاطر بأسمه
وزى مقال بردو بعض زملائى الفاضلين الصيانه والمتابعه الدوريه هى اساس عمر اى محرك
حضرتك ممكن تدينى عربيه زيرو أفوتلك موتورها بعد 10000 ك
ونفس العربيه متسألنيش عنها الا بعد ال 500000ك