ترضى تتجوز انسانه بتحبها وحماتك طبعها وحش اوي ؟؟

**M.almaghraby** · 10-05-2010 03:03 PM

يا ريت يا احمد بك كان زماااان وجبر

على الاقل كان زمانك راكب المتوسيكل بدون قيد ولا شرط

**أحمد كمال** · 10-05-2010 03:05 PM

المشاركة الأصلية كتبت بواسطة ahmed_su

يا ريت يا احمد بك كان زماااان وجبر

على الاقل كان زمانك راكب المتوسيكل بدون قيد ولا شرط

بس برضه تفتكر الواحد هيكون مبسوط ...!!!!؟؟؟

لما تصحى الصبح وتقولك صباح الخير يا سى "حففى"

أيوة طبعا هتبقى مبسوط و كل حاجة بتمنها

مطيعة و خدومة و مخلصة و تشيلك في احلك الظروف

في مقابل شوية جهل او تصرفات غريبة عليك شوية

و لا المثقفة المتعلمة اللي بتشتري مشترياتها بالكريدت كارد من كارفور

و كل حاجة لازم تقنعها هي و اللي خلفوها !!!!!

**ahmed_su** · 10-05-2010 03:10 PM

المشاركة الأصلية كتبت بواسطة أحمد كمال

و لا المثقفة المتعلمة اللي بتشتري مشترياتها بالكريدت كارد من كارفور

و كل حاجة لازم تقنعها هي و اللي خلفوها !!!!!

الله يخرب بيت كارفور على الكريديت كارد على الاقناع فى ساعة واحدة

**ahmed4000** · 10-05-2010 03:18 PM

المشاركة الأصلية كتبت بواسطة ahmed_su

الله يخرب الاقناع فى ساعة واحدة

هو انت فاكرنى كنبة ولا كرسى..مش انسانة ليا عقل وكيان زى زيك..يبقى لازم تقنعنى

**zkralla** · 10-05-2010 03:25 PM

والله طبعها حلو طبعها وحش أنا مستحيل اتجوز تانى ههههههههههه
بص الموضوع نسبى وكلمه طبعها وحش ديه نسبيه ومطاطه جدا لكن غالبا بتبقى الام صوره واضحه من بنتها بمعنى الام غالبا والبنت شبه بعض فى الطباع لكن البنت فى الخطوبه وقبل الجواز بتحاول متظهرش بطباعها على طبيعتها وبتحاول تظهر بالصوره الى أنت عاوز تشوفها عليها بدل من صورتها الحقيقيه

**dr.amr** · 10-05-2010 03:28 PM

المشاركة الأصلية كتبت بواسطة wesam_salom

تعددت الاسباب والموت واحد

مثقفه او جاهله

ريفيه او قاهريه

حلوه ولا وحشه

عارفين موضوع الادويه اللى تحفظ فى درجه حراره الغرفه

مبيحددوش الغرفه دى كام متر

وهى غرفه نوم ولا مطبخ

معناها ان مفيش فرق كله دوا ومر وبتاخده علشان المرض اللى جبته لنفسك

المشكله لما تقول لواحد اعقل وفكر كويس وبلاش

بيبقى فاكرك عايش فى جنه المتزوجون وهو عايش على الارض

وقال يعنى لو هو اتجوز الجنه هتبقى زحمه وهتتخانقوا على ركنه العربيه قدام باب الجنه

ويطلع واحد تانى يقولك انت غلطان وحرام عليك

وغالبا يا اما مش متجوز يا اما مراته عامله اكونت على المنتدى (ربنا يستر) وبتخش تقلب فى مشاركاته زى ما بتقلب فى جيوب بدلته اول ما يروح وتقوله ايه ريحه البرفان دى

طبعا ده ميمنعش ان لكل قاعده شواذ

وفيه ناس كتير فرحانه بجوازها ومعتبره ده نعمه من ربنا

وان اكيد ربنا بيكفر بيه ذنوبه وانه بيموت كده زى المبطون لان الجواز مرض مزمن

وطبعا بعد الجواز والاولاد تنسى بقى ايام سعد زغلو ل وشعارات الاستقلال التام او الموت الزئام (مش عارف ايه زؤام دى بس اكيد حاجه وحشه زى الجواز)

كل اللى عليك انك تستخير ربنا كويس

وتكون صابر على ابتلاؤه وتشكره فى السراء والضراء وتنوى الزواج للتعفف وتصبر وتحتسب

طبعا لو مرديتش تانى متقلقوش

اكيد اول ما هفك الجبس هشارك معاكم تانى

:b4_282::b4_282:

ربنا معاك

**dr.amr** · 10-05-2010 03:30 PM

المشاركة الأصلية كتبت بواسطة ahmed4000

هو انت فاكرنى كنبة ولا كرسى..مش انسانة ليا عقل وكيان زى زيك..يبقى لازم تقنعنى

يا حلاوه

الظاهر ان موضوع الاقناع ده منتشر

**أحمد كمال** · 10-05-2010 03:33 PM

المشاركة الأصلية كتبت بواسطة dr.amr

يا حلاوه

الظاهر ان موضوع الاقناع ده منتشر

طول ما المفسديون (التليفزيون) منتشر في بيوتنا طول ما هينتشر

سبحان الله مرة شفت الشيخ محمد حسين يعقوب بيتكلم على الصفات المحمودة في الرجل مذمومة في المرأة و العكس

يعني قال القوة و الصلابة و المحاورة و غيره محمودة في الرجل

مذمومة في المرأة

اللين و الخضوع بالقول (للزوج يعني مش لأي حد) محمودة في المرأة مذمومة في الرجل

و هكذا

**ahmed_su** · 10-05-2010 03:37 PM

كل اللى بيحصلنا ده .... علشان احنا بعيدا عن ربنا

لوكل واحد تمسك بتعليم دينه وهدى الرسول عليه الصلاة والسلام

(راجل او ست)كان حالنا اختلف ... ربنا يهدينا جميعا ويصلح حالنا

-

الموضوع: ترضى تتجوز انسانه بتحبها وحماتك طبعها وحش اوي ؟؟

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

نوارة نجم : يا ترضى بحكم الشعب يا ترضى بحكم الجيش يا تقعد ساكت

ترضى تتجوز واحدة كدة ........؟؟؟؟؟؟؟؟؟؟؟؟ظ

ديه معيده عندنا في الكليه...انسانه في قمة الرقه والتواضع ..انا لله وانا اليه راجعون

عربيات مش محبوبة....انت بتحبها

الكلمات الدلالية لهذا الموضوع

المفضلات

المفضلات

ضوابط المشاركة