الموضوع: ترضى تتجوز انسانه بتحبها وحماتك طبعها وحش اوي ؟؟

الزواج من بنت يتيمة الأم ممكن يكون حل كويس للمشكلة دي..

انا متشكر جدا لكل انسان ادلى بتجربه او نصيحة اخوية انا قريت كل الردود بتمعن جدا اكتشفت ان مشكله الحما مشكله شبه عامه يعني نصيبك لازم يصيبك وانا ان شاء الله مش حتخلى عن الانسانه دي لاني متاكد جدا من اعتراضها الشديد على اسلوب والدتها انا عارف ان كل انسان ليه ظروفه الخاصه بيه اللي بتختلف من انسان لاخر بس انا بجد مقتنع ان مفيش انسانه بجد ممكن تسعدني اكتر منها انا مش بقول كدا لدافع الحب بس علشان انا عارف كويس طباعها وتفكيرها واستعداها للتضحيه دايما واهم حاجه انها عمرها ما فكرت في نفسها يمكن ظروف البنات اللي حضرتكم بتتكلموا عنها غير ظروف البنت دي لان الموضوع انها اصلا عاوزاني احميها من والدتها ودايما عاوزانا نبعد لانها عارفه كل حاجه اكتر مني وعايشه مع والدتها من زمان واكيد الضرر طالها في فترة من الفترات بس اتمنى ان ربنا يهدي والدتها ويوفق كل انسان دخل وقال تجربه مؤثره بس لازم نفضفض انا مقدرش اتخلى عن انسانه هي ذات نفسها واقع عليها ضرر والدتها وشايفه اني حكون سبب في سعادتها مقدر جدا التجارب مع اختلاف الاشخاص بس اكيد مش دي القاعده العامه انا بكل بساطه شايفها ضحيه ومحتاجه حد يخلصها لانها اصلا مش قابله والدتها

المشاركة الأصلية كتبت بواسطة Fouad Ezz

وبعدين هتعمل أيه ، ماهو ما خلاص بقى في أولاد
الحاجة التانية الله يسامح اللى قبلي وما نصاحنيش

يعني مافيش حل!!!!
عارف ... أحيانا لما الأمور بتزيد قوي و أقول لازم أشوف حل ما بلاقيش غير الحل ده ... هو إللي هايريح
وساعات بأقعد مع إبني الكبير (6 سنين) وأتخيل هايبقي حالة إزاي لو الواحد راح ... وأقولو ... هاتعمل إية يا "بوبظ" لو بابا مات .... قالي: "هيه! هيه! هاخذ الاب توب بتاعك ألعب علية ومش هاروح المدرسة تاني أبدا!!!!!"
ساعتها أقعد أضحك وأقول لازم تصبر عشان الأطفال البريئة دى [/QUOTE]
حضرتك من اكتر الناس اللي اتأثرت بموضوعها فعلا بس انا حضرتك ارضى بواقع حياتك وربنا دايما موجود وحافظ على بيتك واولادك ومتديش للشيطان مجال انه يدخل ويوقع بينكم واكيد لنهايه كل يوم مظلم اكيد الشمس حتطلع وحياتك حتكون كويسه بس وقتها حتلاقي جمبك انسانه بتحبك وبتحبها احسن من ناس كتير صدقني رغم اني حاسس بانك واقع عليك ظلم كبير من حياتك بس من كلام اخوانا في المنتدى ان دي سنه الحياه وانت واحد من ضمن ناااس كتير وانا منهم اكيد دي سنه الحياه من اول ما اتخلقت الحما تبقا زي العما يبقا على حضرتك بالصبر طالما ان دي حاله عامه وحاول تقرب من زوجتك شويه وتهتم بيها علشان متديش فرصه لحماتك تخرب حياتكم وربنا يوفقك ويسعدك

المشاركة الأصلية كتبت بواسطة dr.amr

حيث كده طالما انت مصر علي رأيك

طبعا الله اعلم بالظروف

ممكن يكون في شيء مختلف فعلا وعندك حق

لازم تعمل استخاره

وصدقني الخير هيحصل

لا تنسي

صلاة الاستخاره

اكيد يا دكتور عمرو صلاه الاستخاره قبل كل شئ بس انا اكتشفت ان فيه ناس كتير متتضررة من موضوع الحما وصدقني حضرتك الظروف بتختلف من اسره لاسرة والمشاكل بتختلف يعني ممكن مشاكل انسان مع حماته تبقا مش مشاكل مع واحد تاني مش عاوز الموضوع ياثر على اي انسان مرتبط وشايف ان الانسانه اللي مرتبط بيها جزء لا يتجزء من حماته وياخد تجارب اعضاء ظروفهم ممكن يكون مختلف تماما مع ظروفه