ترضى تتجوز انسانه بتحبها وحماتك طبعها وحش اوي ؟؟

**أبو_يوسف** · 10-05-2010 12:35 PM

المشاركة الأصلية كتبت بواسطة fouad ezz

عايز تشوف خطيبتك بعد الزواج شكلها ولبسها إية وكلامها إزاي وتفكيرها بأي منطق .... إنظر بتمعن لحماتك!

كلام فوق الممتاز
البنت في السن الصغير ممكن تحس انها مختلفة تماما عن امها وممكن تلاقيها بتنتقد تصرفات امها كمان....انتوا عارفين الاختلاف بين الاجيال..
ومع الوقت بتتحول وتبقى نسخة من امها فعلا..
ولازم اللي بيتجوز يشوف حماته بتعامل زوجها ازاي لأنه هايتعامل بنفس الطريقة

**ahmed_su** · 10-05-2010 12:47 PM

المشاركة الأصلية كتبت بواسطة enas75

كان من الممكن اشجعك لو كانت حماتك ست عاديه بس حاميه عليك انت بالذات شويه .................................................. .................................................. .................. ............طب لما يبتدي الجد والكلام في الجواز اكيد حيكون في مشاكل مع اهلك.........حتعمل ايه ساعتها

الله ينور ....

احييك بشدة ...

**ahmed4000** · 10-05-2010 01:01 PM

المشاركة الأصلية كتبت بواسطة ahmed ismail

انا عارف كمية الضغط النفسى اللى انت فيه دلوقتى و الضغط العاطفى الواقع عليك

لكن الحقيقة المرة ان انت اللى حتطلع للحاج البركة والدها البنت من صغرها اتربت على ان الحاج الوالد راجل طيب و بركة و مبيحبش وجع الدماغ و ان الام هى اللى بتمشى البيت
و بالتالى فى فترة من فترات سيطرة الزوجة عليك بالاولاد و اقساط الزواج حتقعد جنب الحاج البركة والدها تلعبوا دومنه و مش حتقدر تتكلم و لا حتى ترفض الوضع و الا حياتك تتحول الى جحيم من النكد

تمام البنت بتحاول تطبق نفس النموذج اللى عندها فى البيت
وحتبقى مستغربة انك بتدخل فى امور البيت

وللاسف لما مش حترضى انت بالوضع ده
حيبدا الصراع بينك وبينها والخلافات (فى الاغلب الست هى اللى بتنتصر

خاصة لما يبقى فى اولاد)

**ghareeb** · 10-05-2010 01:08 PM

باشا انا مش عايز أقولك أبعد و كدة زى كل الاخوة ما أقولولك لأنى انا شايف إن مشكلتك مش العلاقة الى بينك و بين حماتك ده ممكن تتحل لو خطيبتك مش مقتنعة بجد من معاملة حماتك ليك و لو رايها من رأيك و مش هاقولك لو بتحبك لأن بعد الجواز الموضوع بيتغير الموضوع مش بيبقى حب أد إن هو بيت و إستقرار فلو خطيبتك مش عاجبها الوضع بجد و ليها موقف مع والدتها و بتقدر تتعامل مع والدتها بحنكة بحيث إنها متزعلهاش و فى النفس الوقت تمتص غضبها و تعرف تتعامل معاه يبقى كدة إنت مشكلتك محلولة إن شاء الله.
لكن المشكلة الحقيقة الة هاتقبلها هى علاقتك حماتك بحماك لكن تتدرس كويس قوى العلاقة ده و تشوف مين الى كلمتة بتمشى فى البيت و مين الى لية الكلمة العليا و لو لقيت الكلمة لحماتك يبقى للاسف إتوكل على الله و دور على بنت الحلال لأن المشكلة ده مش هاتتحل أبدا و هتلاقى دايما مراتك بعد كدة بتقارن بين تصرفاتك و تصرفات أبوها الطيب الحنون الى مش بيعمل مشاكل فى البيت لكن إنت عايز تمشى رأيك و تبقى إنت الى مش طيب و مش حنون و ساعتها مراتك هاتكون اقرب لحماتك عشان هاتكون مقتنعة إن إمها عندها الحل الى يخليك تبقى زى حماك و ساعتها يا معلم هاتكون فى الجحيم ,
عايز أقول نصيحة للأخ الى ليه نجربة 8 سنين لنفس المشكلة و كان قال إنه على وشك الطلاق عايز أقوله نصيحة مجربة من ناس كانوا فى نفس مشاكلك أوعى تطلق و الحل الأكيد إنك تاخد زوجتك و توديها بيت أبوها و تسيبها هناك قيمة شهور متعدش و تبقى مفهمهم إنك خلاص زهقت و هاتطلق بس ده تهديد و تخليهوم بس يجربوا لما بنتهم تبقى عندهم بالشهور شبة مطلقة و تخليهم يعيشوا التجربة و إنت المهم إنك تجمد و لا تقول العيال وحشونى و لا بتاع أفتكر دايما إنك بتعمل كدة عشان خاطرهم و سيب زوجتك تعيش التجربة ده فترة طويلة بس أوعى أوعى أوعى الأمور تطور لطلاق لازم تتعامل مع الأمر بحنكة و صدقنى بعد فترة هتلاقى تغير طول الحياه لأنهم هايحسو إنك مش باقى على حاجة و ساعتها هايخافو يديقوك تانى ده تجربة حقيقة يمكن الظروف تكون مختلفة بس إنت ممكن تجرب و ربنا يوفق إن شاء الله

**ahmed4000** · 10-05-2010 01:09 PM

المشاركة الأصلية كتبت بواسطة m000dy

وعموما انا لو مكانك مش هايأثر معايا الكلام ده لسبب بسيط
ان انا الراجل وانا المتحكم فى حياتى انا وزوجتى وبعدين طول مانت واثق من شخصيتك ماتقلقش اللى انت عاوزه هايكون واللى مش عاجبه يشرب من البحر ( ده فى اسوء الاحوال ) بس انت سايسهم واول ماتدخل باب بيتك ارزعه وراك وقول انا ماعرفش حد ( من النهارده مفيش حكومه... انا الحكومه )

هههه شوفت احمد السقا اتعمل فيه ايه لما قال انا الحكومة
اهو انت حيتعمل فيك اسوأ من كده

الحياة الزوجية مختلفة تماما واول مبيبقى فى عيال بتحط "الجز.." جوا بقك علشان تحافظ على المركب

**Fouad Ezz** · 10-05-2010 01:46 PM

المشاركة الأصلية كتبت بواسطة ghareeb

و الحل الأكيد إنك تاخد زوجتك و توديها بيت أبوها و تسيبها هناك قيمة شهور متعدش و تبقى مفهمهم إنك خلاص زهقت و هاتطلق بس ده تهديد و تخليهوم بس يجربوا لما بنتهم تبقى عندهم بالشهور شبة مطلقة و تخليهم يعيشوا التجربة و إنت المهم إنك تجمد و لا تقول العيال وحشونى و لا بتاع أفتكر دايما إنك بتعمل كدة عشان خاطرهم و سيب زوجتك تعيش التجربة ده فترة طويلة بس أوعى أوعى أوعى الأمور تطور لطلاق لازم تتعامل مع الأمر بحنكة و صدقنى بعد فترة هتلاقى تغير طول الحياه لأنهم هايحسو إنك مش باقى على حاجة و ساعتها هايخافو يديقوك تانى ده تجربة حقيقة يمكن الظروف تكون مختلفة بس إنت ممكن تجرب و ربنا يوفق إن شاء الله

أيوة كدة!!!
انا عايز نصايح لي أنا بقة ... عشان أحل مشكلتي (انا وقعت خلاص)
الحل اللي فوق ده ... هو إللى أنا باحاول أعملة بس مش عارف ... عشان زوجتي الأن بتنفذ تعليمات غرفة القيادة المركزية بإتقان وإحترافية ... "أوعي تسيبى بيتك ... هو إللى يغور ويروح فى .... داهية"

**ahmed_su** · 10-05-2010 01:53 PM

اللى انا ملاحظه من تجارب الاعضاء ....

ان الرجال بقى هما اللى عندهم حرص على بقاء واستدامة الحياة الزوجية خاصة علشان الاطفال

وتحمل المزيد من الصعاب والتجاوز عن الاسائة عكس السيدات ما بقاش فارق معاهم الحرص على

بقاء الاسرة وسعادة الاولاد انما الحرص على طاعة الام التى غالبا ما تكون سبب فى خراب البيت

عكس سنوات مضت كان الراجل ولا فارق معاه حاجة والست هى اللى بتستحمل كتير جدا حرصا على البيت...

دى من متغيرات الزمن المقلوب ولا ايه بالظبط ....!!!!؟؟؟؟

**Ahmed Anwer** · 10-05-2010 02:00 PM

شوفلك واحدة كده تبقي والدتها ست طيبة كده و حنينة

تدلعك تعملك وزة تأكلها

هوا فيه حد غاوي القرف

و بالتالي بنتها برده هتكون طيبة و حنينة

مش تقعد تحارب في الشارع و الحياة و تحارب في البيت كمان

-

-

الموضوع: ترضى تتجوز انسانه بتحبها وحماتك طبعها وحش اوي ؟؟

LinkBack

أدوات الموضوع

عرض

-

-

-

-

-

المواضيع المتشابهه

نوارة نجم : يا ترضى بحكم الشعب يا ترضى بحكم الجيش يا تقعد ساكت

ترضى تتجوز واحدة كدة ........؟؟؟؟؟؟؟؟؟؟؟؟ظ

ديه معيده عندنا في الكليه...انسانه في قمة الرقه والتواضع ..انا لله وانا اليه راجعون

عربيات مش محبوبة....انت بتحبها

الكلمات الدلالية لهذا الموضوع

المفضلات

المفضلات

ضوابط المشاركة