ترضى تتجوز انسانه بتحبها وحماتك طبعها وحش اوي ؟؟

**osoliman88** · 10-05-2010 06:05 PM

المشاركة الأصلية كتبت بواسطة misoalex

ايوه طبعا يا باشا انا بتكلم من واقع تجارب عيشتها مش كلام من دماغى
زى منت قولت البنت والام وجهان لعمله واحده مع اختلاف بعض الطباع فى بعض الحلات

أنا متأكد أنك بتتكلم من واقع تجربة ، في مثل بيقول من عاشر القوم 40 يوم صار منهم ، وإحنا لسه بنسأل هي البنت ممكن تطلع مختلفة عن امها .... طيب أزاي !!!! ... والله أعلم

**ConDoR** · 10-05-2010 06:11 PM

المشاركة الأصلية كتبت بواسطة osoliman88

أنا متأكد أنك بتتكلم من واقع تجربة ، في مثل بيقول من عاشر القوم 40 يوم صار منهم ، وإحنا لسه بنسأل هي البنت ممكن تطلع مختلفة عن امها .... طيب أزاي !!!! ... والله أعلم

والدتي دايما تقولي مثل جميل اوي

" ياريت اللي قبلي نصحوني واللي بعدي شاروني "

طيب بما ان فيه اجماع ان فيه مشكله وهي الحما حد من واقع التجارب الي بتشير لان الحما مرض طيب حد فكر في اسباب المشكله ؟ او حتى العلاج للمشكلة ؟ ولا الامر بقا واقع لا مفر منه ومرض ملوش علاج

**ConDoR** · 10-05-2010 06:15 PM

المشاركة الأصلية كتبت بواسطة zkralla

122 مشاركه والموضوع بقاله تقريبا 18 ساعه

هو حضرتك واضح ان الموضوع كبير اوي وانا مكنتش واخد بالي من ابعاده

واضح ان الجواز يتخلص في رمزين قبل الجواز

وبعد الجواز

**zkralla** · 10-05-2010 06:23 PM

المشاركة الأصلية كتبت بواسطة keemvip

هو حضرتك واضح ان الموضوع كبير اوي وانا مكنتش واخد بالي من ابعاده

واضح ان الجواز يتخلص في رمزين قبل الجواز

وبعد الجواز

طيب اديك عرفت
هتعمل أيه يا باشا
هتتجوز عشان الجواز استكراد
اقصد استقرار

**shaddadfalcon1** · 10-05-2010 07:11 PM

المشاركة الأصلية كتبت بواسطة أحمد كمال

عشان كده انا باشجع الزواج من الريفيات

بس تبقى ريفية بجد مش عين في الجنة و عين في النار (ريفية مودرن)

فلاحة و امها فلاحة

و الله تعيشك برنس ..... هي دي الستات اللي عارفة قيمة الراجل .... و لو جيت تقول لها نعمل ايه تقول لك الشورة شورتك و الكلمة كلمتك ...... مش اقنعني زفتني هببني نيلني

.....

هو ده بالظبط ياباشا اللي انا عملته
فلاحه بنت فلاحه وقبل مرحلة الخام بشويه عمرها ماكلمت ولد ولا كان ليه اي علاقه باي حد
في البيت امها ست ملهاش حل - لما بروح هناك بتزغط - لسه البارح والله اكل بط

احلي حاجه لما تبقي فلاحه ومتعلمه ومثقفه عشان متبقاش طين خالص

والله احلي حاجه في الدنيا

وبالنسبه لموضوع انك تودي مراتك عند اهلها شويه فانا شخصيا عملتها بس كانت اسبوع او 10 ايام ودي كانت اطول فتره مراتي قعدتها بره البيت وفي اول 4 ايام كانو مطنشين وبعد كده حسو اني بايع خالص كانو هيبوسو ايدي عشان اروح اخدها ومفيش واحد ولا واحده هناك مكلمش مراتي علي انها متكسرلييش كلمه

**shaddadfalcon1** · 10-05-2010 07:50 PM

في ساعات حموات بيبقو جهنم بس لما الزوجه بتبقي مديه ودنها لامها

انا خالي حماته كانت مطلعه عينه وهو كان يادوب عايش وكانت سيادتها كل يوم والتاني تشتري حاجه وتدفعه تمنها لدرجه انها لما بنتها خلفت كانت كل يوم والتاني رايحه بتاكسي وجايه بتاكسي وتدفع خالي

لما خالاتي قعدو مع مرات خالي وخلوها تبعد خالص عن امها بقت ما شاء الله عليها وخالي حالو اتصلح

**SeiffoZ** · 10-05-2010 07:50 PM

المشاركة الأصلية كتبت بواسطة أحمد كمال

ا

انا حاسس انه فعلا هيكمل

بس ارجو انه يقتنع بكلامنا لان كلنا اكبر منه و مننا كتير مجربين و عايزين مصلحته

عشان للاسف كل واحد بيبقى فاكر انه هو و عروسته ناس غير خالص و مفيش اتنين في الدنيا بيحبوا بعض زيهم و ان الحب هيتغلب عالعوائق و المصاعب و و و و و

لحد ما مفعول البنج يروح و يحس بالمقلب اللي شربه و هو نازل في المرئ متجه للمعدة !

أبو كمال ...

كلنا هنقع فى نفس الحفره ...

لأن الإنسان فى الموضوع ده مبيتعلمش

..

أول ما الهانم تستحوذ عليك ... بتبقى خاتم فى صباعها

**Fouad Ezz** · 10-05-2010 08:16 PM

[/QUOTE]
حضرتك من اكتر الناس اللي اتأثرت بموضوعها فعلا بس انا حضرتك ارضى بواقع حياتك وربنا دايما موجود وحافظ على بيتك واولادك ومتديش للشيطان مجال انه يدخل ويوقع بينكم واكيد لنهايه كل يوم مظلم اكيد الشمس حتطلع وحياتك حتكون كويسه بس وقتها حتلاقي جمبك انسانه بتحبك وبتحبها احسن من ناس كتير صدقني رغم اني حاسس بانك واقع عليك ظلم كبير من حياتك بس من كلام اخوانا في المنتدى ان دي سنه الحياه وانت واحد من ضمن ناااس كتير وانا منهم اكيد دي سنه الحياه من اول ما اتخلقت الحما تبقا زي العما يبقا على حضرتك بالصبر طالما ان دي حاله عامه وحاول تقرب من زوجتك شويه وتهتم بيها علشان متديش فرصه لحماتك تخرب حياتكم وربنا يوفقك ويسعدك[/QUOTE]

أشكرك جدا ... وأتمنى ربنا يوفقك لزواج سعيد مع البنت دي ... لإنك طالما بتعامل ربنا ... لن يخذلك أبدا وستكون لك نعم الزوجة إن شاء الله
ونصحيتك بتاعة الشيطان ... أشكرك عليها جدا .. وهاحاول أعملها

**Fouad Ezz** · 10-05-2010 08:19 PM

المشاركة الأصلية كتبت بواسطة keemvip

"

طيب بما ان فيه اجماع ان فيه مشكله وهي الحما حد من واقع التجارب الي بتشير لان الحما مرض طيب حد فكر في اسباب المشكله ؟ او حتى العلاج للمشكلة ؟ ولا الامر بقا واقع لا مفر منه ومرض ملوش علاج

أؤيدك بشدة ...
يأ يها الرجال إتحدوا

لأ بجد عايزين نتشاور في حلول نبعد بيها النكد عن حياتنا ,,, وياريت تكون أفكار مفتكسة مفيهايش شر ... لإني عمري ... عمري ... ماهشتري سم مثلا أو أجيب مضرب حشرات طائرة :b4_237:

-

الموضوع: ترضى تتجوز انسانه بتحبها وحماتك طبعها وحش اوي ؟؟

LinkBack

أدوات الموضوع

عرض

-

-

-

-

-

المواضيع المتشابهه

نوارة نجم : يا ترضى بحكم الشعب يا ترضى بحكم الجيش يا تقعد ساكت

ترضى تتجوز واحدة كدة ........؟؟؟؟؟؟؟؟؟؟؟؟ظ

ديه معيده عندنا في الكليه...انسانه في قمة الرقه والتواضع ..انا لله وانا اليه راجعون

عربيات مش محبوبة....انت بتحبها

الكلمات الدلالية لهذا الموضوع

المفضلات

المفضلات

ضوابط المشاركة