ترضى تتجوز انسانه بتحبها وحماتك طبعها وحش اوي ؟؟

**ahmed ismail** · 10-05-2010 12:43 AM

المشاركة الأصلية كتبت بواسطة keemvip

والله اول حاجه فكرت فيها بس هي كلها طالعه لباباها وباباها انسان طيب جدا جدا جدا لابعد الحدود وبعدين حضرتك المثل اتغير وبقا اقبل القدره على فهما يقع الفول منها

انا عارف كمية الضغط النفسى اللى انت فيه دلوقتى و الضغط العاطفى الواقع عليك

لكن الحقيقة المرة ان انت اللى حتطلع للحاج البركة والدها البنت من صغرها اتربت على ان الحاج الوالد راجل طيب و بركة و مبيحبش وجع الدماغ و ان الام هى اللى بتمشى البيت
و بالتالى فى فترة من فترات سيطرة الزوجة عليك بالاولاد و اقساط الزواج حتقعد جنب الحاج البركة والدها تلعبوا دومنه و مش حتقدر تتكلم و لا حتى ترفض الوضع و الا حياتك تتحول الى جحيم من النكد

**ConDoR** · 10-05-2010 12:47 AM

المشاركة الأصلية كتبت بواسطة ahmedbasto

كيمو ازيك يا معلم اية اخبارك بص انا لو مكانك وبحب البنت كدة وهى بتحبنى اووى مش هفرط فيها مهما حصل لن انا مش هشوف حماتى اساسا غير يوم الفرح والمناسبات والاعياد لو انت بتحب البنت اووى خلاص توكل على الله ولا يهمك حد .

ازيك يا ميدو انا معاك قلبا وقالبا بس كل المشكله اني خايف افضل في مشاكل طول عمري وانا بس بدور على الاستقرار والحياه الكويسه بس ربنا يهدي

**heshamzaky** · 10-05-2010 12:47 AM

المشاركة الأصلية كتبت بواسطة ahmed ismail

انا عارف كمية الضغط النفسى اللى انت فيه دلوقتى و الضغط العاطفى الواقع عليك

لكن الحقيقة المرة ان انت اللى حتطلع للحاج البركة والدها البنت من صغرها اتربت على ان الحاج الوالد راجل طيب و بركة و مبيحبش وجع الدماغ و ان الام هى اللى بتمشى البيت
و بالتالى فى فترة من فترات سيطرة الزوجة عليك بالاولاد و اقساط الزواج حتقعد جنب الحاج البركة والدها تلعبوا دومنه و مش حتقدر تتكلم و لا حتى ترفض الوضع و الا حياتك تتحول الى جحيم من النكد

يا أستاذ احمد انت وقعت قلب الراجل فى رجلية احنا عاوزين نهدى النفوس انت كدة حتخلية يموت حماتة وبدل ما يدخل الكوشة يدخل ابو زعبل

**ConDoR** · 10-05-2010 12:50 AM

المشاركة الأصلية كتبت بواسطة heshamzaky

لا طبعا البنت ممكن طبعا تكون كويسة على رأى المثل يخلق من ظهر الفاسد عالم وعلى فكرة انت تحب البنت بشدة اى أنسان عاقل سيستشف ذلك من اول الكلام وبالمناسبة انت انسان رومانسى شوية الاخوة معنا فى المنتدى من هواة السرعة يا باشا ممكن ان يتفق النعض معك والبعض الاخر لا توكل على الله بس أرجو ان تكون البنت تحبك قدر ما تحبها انت

شكرا على الاطراء الجميل انا بس حبيت اتكلم مع حد وافضفض علشان انا مستحمل من زمان وحصلت حاجات كتير والله ربنا اللي يعلم وانا مستحمل علشان عارف ان شاء الله ان حييجي يوم كويس

**husseinodeba** · 10-05-2010 12:52 AM

اخى الفاضل
اولا
الجأ الى الله وصلى صلاه الاستخاره
ثانيا
الزواج قسمه ونصيب
انا عن نفسى كل ما ابص لحالى ايقن معنى هذه العباره.... وبصراحه حماتى برضو صعبه جدا جدا وانا مقاطعها نهائيا لكن لا ولن امنع زوجتى من صله رحمها فهى تزورها فى اى وقت تريده
ولى صديق حماته شيلاه من على الارض شيل وبتظغطه كل مايزورها
بس مراته مكعبلاله حياته شويه
صديق ثانى مراته وحماته مكعبلينله حياته
صديق ثالث ربا يسعده ويديم رضاه عليه... مراته وحماته ما شاء الله
بس هو اللى صعب
فتوكل على الله واستخره وكن حسن النوايا واجعل زواجك ابتغاء مرضات الله يصلح لك الله الاحوال

**ConDoR** · 10-05-2010 12:53 AM

المشاركة الأصلية كتبت بواسطة ahmed ismail

انا عارف كمية الضغط النفسى اللى انت فيه دلوقتى و الضغط العاطفى الواقع عليك

لكن الحقيقة المرة ان انت اللى حتطلع للحاج البركة والدها البنت من صغرها اتربت على ان الحاج الوالد راجل طيب و بركة و مبيحبش وجع الدماغ و ان الام هى اللى بتمشى البيت
و بالتالى فى فترة من فترات سيطرة الزوجة عليك بالاولاد و اقساط الزواج حتقعد جنب الحاج البركة والدها تلعبوا دومنه و مش حتقدر تتكلم و لا حتى ترفض الوضع و الا حياتك تتحول الى جحيم من النكد

هههه هو حضرتك متجوز ؟

يا فندم ربنا يكرمك ويطمن قلبك

**heshamzaky** · 10-05-2010 12:53 AM

المشاركة الأصلية كتبت بواسطة keemvip

شكرا على الاطراء الجميل انا بس حبيت اتكلم مع حد وافضفض علشان انا مستحمل من زمان وحصلت حاجات كتير والله ربنا اللي يعلم وانا مستحمل علشان عارف ان شاء الله ان حييجي يوم كويس

لعلم حضرتك اذا ربنا اراد سوف تفتكر المواضيع دى وتضحك وتقول ياة كل دة حصل و نصيحتى لك لا يحكى الموضوع لواحد قريب حتى لا تحس بأى نوع من الضعف او الحرج لو الامور بقت عال العال

**ConDoR** · 10-05-2010 12:55 AM

المشاركة الأصلية كتبت بواسطة husseinodeba

اخى الفاضل
اولا
الجأ الى الله وصلى صلاه الاستخاره
ثانيا
الزواج قسمه ونصيب
انا عن نفسى كل ما ابص لحالى ايقن معنى هذه العباره.... وبصراحه حماتى برضو صعبه جدا جدا وانا مقاطعها نهائيا لكن لا ولن امنع زوجتى من صله رحمها فهى تزورها فى اى وقت تريده
ولى صديق حماته شيلاه من على الارض شيل وبتظغطه كل مايزورها
بس مراته مكعبلاله حياته شويه
صديق ثانى مراته وحماته مكعبلينله حياته
صديق ثالث ربا يسعده ويديم رضاه عليه... مراته وحماته ما شاء الله
بس هو اللى صعب
فتوكل على الله واستخره وكن حسن النوايا واجعل زواجك ابتغاء مرضات الله يصلح لك الله الاحوال

والله كلام حضرتك عاقل وسليم جدا جدا وكل واحد بياخد نصيبه بس هو حضرتك تفتكر ان حماتك بتسيبك في حالك بعد الجواز

**Fouad Ezz** · 10-05-2010 12:57 AM

المشاركة الأصلية كتبت بواسطة keemvip

بسم الله الرحمن الرحيم

انا فكرت كتير قبل ما اكتب الموضوع دا بصراحه , بس دايما الانسان محتاج نصايح النا[OVERLINE]س اللي اكبر منه وعندهم خبره في الحياه[/OVERLINE] , ولان المنتدى دا بيت عيله كبير للكل حبيت ابدا اتكلم بعد صمت دام اكثر من سنتين منذ اشتراكي بالمنتدى حيث اكتفيت بالمشاهده فقط والبعد عن الفتي لاني مش بحب اقول نصيحه غير عن تجربه فقط فقط ....

معلش طولت عليكم ندخل في الموضوع انا اولا اخوكم كريم من طنطا ربنا هداني وقررت اني اخطب , رغم كميه الانتقادات اللي سمعتها والاحباط اللي السمه الغالبه على البشر بس قررت اني اخد القرار واخترت زميله في الكليه ولاكن مع ا[COLOR="rgb(65, 105, 225)"][OVERLINE]لوقت كنت بفوق من كل صدمه وصدمه من مشاكل والدتها اللي كانت دايما بتطاردني من اول الارتباط[/OVERLINE][/COLOR] ب[COLOR="rgb(65, 105, 225)"][OVERLINE]صراحه استحملت كتير اوي والله[/OVERLINE][/COLOR]

ربنا بس اللي يعلم , ربنا يسامحها مش حقدر اتكلم عنها لاني بعتبر دي نميمه ب[OVERLINE]س انا بجد البنت متمسكه ومتعلقه بيا جدا جدا[/OVERLINE] وانا كمان كنت كل ما والدتها تعمل حاجه كنت بتمسك بيها اكتر , والايام بتعدي وان شاء الله ناوي اخطب في الصيف قعبال الجميع والكل معزوم طبعا , بس انا مش عارف من كتر السكوت حاسس اني حنفجر [COLOR="rgb(65, 105, 225)"]محتاج اتكلم مع حد مقدرش اقول لاهلي حاجه علشان ميكروهاش[/COLOR] ومن الاول والله ساكت ومستحمل انا عارف ان فيه ناس كتير حتقول ان للي بيتجوز بنت بيتجوز امها وانا مقدرش اتخلى عن البنت اللي اتحدت الدنيا علشان خاطري انا كدا صح ؟؟؟

ياريت المشوره والنصيحه من اخواتي اللي اكبر مني وشكرا

بسم الله الرحمن الرحيم
أولا ... أشكرك ... لية؟ لإنك ريحتني من كتابة مشكلتي ... نعم كل ما عرضتة بالحرف هو ما مريت به على مدار 8 سنوات زواج الأن ... وقبل الزواج كانت كل المشاكل من تسلط وطول لسان وتجبر حماتي ,,, وقلت لنفسي بعد الزواج لن تملك شيئ في أن تضايقني ولكن لا وألف لا حدث العكس تماما ...
أخي الفاضل الرجل أو المرأة (في مجتمعنا المصري) لا يتزوجن فرد بفرد بل عائلة بعائلة .. ستضطر لتقديم تنازلات كتير فيما بعد عشان تحاول ترضي أهلك أو علي الأقل تجنب المشاكل ... وإنت من دلوقت مش عايز تحكيلهم عشان ما تعملش مشاكل

ثانيا ... نصيحتي لك ... إنفد بجلدك ... والله لو رجع بي الزمن 8 سنين لورا لكنت لغيت الجوازة دي نهائي ... مع العلم إن زوجتي جميلة + محترمة + مصلية + قارئة للقرأن + تحبنى جدا + وكل شيئ مثالي ... ومع ذلك عندنا مشكلة أو خصام بمعدل كل أسبوع أو إثنين ... بعد زياراتها لإمها ... التي مازلت تجاهر بقولتها المأثورة لى ... (أنا مش طايقاك ... لإنك أخذت روحي وبنتي الوحيدة مني)

أسف للتطويل ... ولك طبعا كامل الحرية فى إتخاذك القرار المناسب ....
وشكرا مرة أخرى لكنك قلبت علي المواجع