انا لسة شايف الموضوع وحاولت اقرأ الردود لكن مش قادر .... النظر في سني له طاقة قصوى يجب الحفاظ عليها
مع احترامي لجميع الزملاء اللي ماقدرتش اقرأ وجهات نظرهم لو كانو بيخالفوني الرأي
...
نصيحتي هيا بلاش ترتبط بالبنت دي ......
مش علشان حماتك اسلوبها وحش معاك وبس
لكن لسببين
1- اهل مراتك ح يكونو اهلك برضاك او بعدم رضاك .... ولو مش اهلك انت ح يبقو اهل اولادك .... والمشاكل بعد الزواج بتزيد مش بتقل زي ما الناس فاكرة
2- وهو الاهم ..... في 95% من الاحوال .... ( وده فقط علشان عدم التعميم ) البنت ح تكون صورة مكررة من أمها بعد ما تزول القشرة المصطنعة اللي بتكون موجودة في الخطوبة واول فترة في الزواج
لو عاوز تشوف زوجتك مستقبلا .... انظر لحماتك
فيه مثل شعبي بيقول
خد المجنونة بنت العاقلة .... وماتاخدش العاقلة بنت المجنونة
انا مش قصدي ان امها مجنونة لكن المثل بيحذر من تأثير الام الفظيع على البنت
علشان كدة بلاش تجازف بان زوجتك تكون بنفس طبع حماتك ..... بنسبة 95%
وبعدين انت لسة صغير وفي الكلية ..... انصحك بان تتريث قليلا في الاختيار وان يكون الفارق العمري بينكما من 5 الى 10 سنوات
يعني لما تتجوز عمرك 28 سنة مثلا يبقى زوجتك 20 - 22
ومسيرك ح تلاقي البنت المناسبة ليك ..... وصدقني الحما لما بتكون عاقلة ومحترمة بتكون افيد ليك من امك ..... فعلا بتكون نعمة من ربنا .... والعكس صحيح .....وعن مشاهدات وتجارب كتيييير
ادعي ربنا وصلي استخارة .... واستفتي قلبك
...
اعتذر لعدم مقدرتي على قراءة معظم الردود علشان عيني مرهقة جدا ... والرود كتير اوي
المفضلات