الموضوع: ده مبقاش منتدى يا جماعة ......

المشاركة الأصلية كتبت بواسطة aif

الحمد لله
الردود بتأكد ان الشعور ده شعور عام في المنتدى ..... قصدي في البيت الكبير
الأمر الاكيد ان نايل موتورز فعلا ...... يضم نخبة قلما تجدها في مكان آخر
ربنا يبارك فيكم جميعا
بخصوص فكرة عمل تبرع خيري ووهب ثوابه لروح محمد الله يرحمه
فيه طريقتين
1 - اننا نجمع مع بعض لشراء جهاز او كراسي متحركة او كولدير مياه او ماشابة
2- ان كل واحد يعمل اللي يقدر عليه مع نفسه او عن طريق جهه موثوق فيها مثل نقابة الاطباء
...
الحل الاول ح يتطلب تنظيم جماعي وشخص يكون مسئول عن الوضوع
انا شايف الحل التاني اسهل ( واعتقد ان فيه زملاء عملو كدة فعلا ) وفي نفس الوقت يبقى كل واحد يعمل اللي يقدر عليه بدون اشهار وبدون احراج لمن لا يستطيع
وربنا يتقبل مننا جميعا
همسة في الأذن :
فيه ناس كتييييير اوي بيمرو بنفس ظروف مرض محمد الله يرحمه ويمكن ظروفها اصعب كمان
ياريت اللي يقدر يتبرع بالدم او بنفقات علاج يتبرع .... بظهر الغيب ..... يتبرع لمن لا يعرفهم ...... يمكن موضوع محمد الله يرحمه يكون سبب لنتذكر اخواننا المرضي الذين لا يجدون العلاج ولا يجدون الدم ولا يجدون النفقة
....
ياريت نعتبر دي زكاة عن صحتنا وابداننا واموالنا ...... واكيد دي اجرها عند الله كبير .... اللي بيطلع زكاة وصدقة من ماله اكيد اجره كبير عند الله ..... لكن اللي بيعطي من دمه اكيد بيعطي شيء اكبر من المال
ياريت اللي يقدر يتبرع بالدم بشكل دوري كل 3 شهور او 6 شهور .... ياريت ما يترددش ابدا ..... يمكن الدم ده يكون سبب في شفاء مريض
وربنا يتقبل من جميعا

و الله يا استاذ احمد انا فكرت فى ان كلنا نشترك فى جهاز لان المبلغ اللى ممكن نجمعه حايجيب جهاز ممكن يفيد الناس اكتر من التبرع لجامع او التبرع منفردين لان مهما اتبرعنا منفردين المبلغ مش حايكون بالحجم اللى ممكن نجمعه من الاخوة اللى عاوزة تشارك .. و موضوع التبرع ده مافيش اسهل منه .. بالضبط زى الاشتراكات بتاعة المقابلات .. و علشان نرفع الحرج عن الناس ممكن نوحد المبلغ ( مثلا نقول المطلوب مبلغ 20 جنيه من كل عضو ) و احسبها لو 1000 واحد اتبرع حايبقوا 20000 جنيه فما بالك ب 10000 عضو فى الحالة دى حايبقى حوالى 200000 جنيه .. و ده ممكن يجيب حاجات كتير .. اما موضوع اننا ما بنعرفش فى الاجهزة انا كنت اقترحت ان واحد زى الدكتور احمد عبد الغنى و بعض الاعضاء اللى عندهم خبرة طبية يروحوا المستشفى اللى كان بيتعالج فيها المرحوم و يسألو ممكن تكون المستشفى محتاجة جهاز ايه .. و الدكتور احمد نظرا لخبرته ممكن يتولى الموضوع شراء الجهاز ده .. و لو فاض مبلغ الدكتور احمد و الاعضاء اللى معاه حايكونوا اقدر مننا على معرفة ممكن يجيبوا ايه تانى ينفع المستشفى و المرضى اللى فيها نظرا لخبرتهم الطبية .. الفكرة ان الثواب اللى حانعمله يتعمل بحيث يكون صدقة جارية و فى نفس الوقت نفيد بيه حد محتاج .. و دى فكرة توحيد الجهود و جمع مبلغ كبير .. انا تليفونى 0123279988 اتفقوا ازاى حانجمع المبلغ و انا جاهز علشان اعطيه للعضو اللى حايتولى جمعه .. بس ياريت التحرك يكون سريع علشان بعد فترة الموضوع حايعدى و مش حايبقى ليه نفس التأثير زى اى حاجة حزينة او مفرحة بتعدى فى حياتنا

المشاركة الأصلية كتبت بواسطة mrsailor

و الله يا استاذ احمد انا فكرت فى ان كلنا نشترك فى جهاز لان المبلغ اللى ممكن نجمعه حايجيب جهاز ممكن يفيد الناس اكتر من التبرع لجامع او التبرع منفردين لان مهما اتبرعنا منفردين المبلغ مش حايكون بالحجم اللى ممكن نجمعه من الاخوة اللى عاوزة تشارك .. و موضوع التبرع ده مافيش اسهل منه .. بالضبط زى الاشتراكات بتاعة المقابلات .. و علشان نرفع الحرج عن الناس ممكن نوحد المبلغ ( مثلا نقول المطلوب مبلغ 20 جنيه من كل عضو ) و احسبها لو 1000 واحد اتبرع حايبقوا 20000 جنيه فما بالك ب 10000 عضو فى الحالة دى حايبقى حوالى 200000 جنيه .. و ده ممكن يجيب حاجات كتير .. اما موضوع اننا ما بنعرفش فى الاجهزة انا كنت اقترحت ان واحد زى الدكتور احمد و بعض الاعضاء اللى عندهم خبرة طبية يروحوا المستشفى اللى كان بيتعالج فيها المرحوم و يسألو ممكن تكون المستشفى محتاجة جهاز ايه .. و الدكتور احمد نظرا لخبرته ممكن يتولى الموضوع شراء الجهاز ده .. و لو فاض مبلغ الدكتور احمد و الاعضاء اللى معاه حايكونوا اقدر مننا على معرفة ممكن يجيبوا ايه تانى ينفع المستشفى و المرضى اللى فيها نظرا لخبرتهم الطبية .. الفكرة ان الثواب اللى حانعمله يتعمل بحيث يكون صدقة جارية و فى نفس الوقت نفيد بيه حد محتاج .. و دى فكرة توحيد الجهود و جمع مبلغ كبير .. انا تليفونى فى بياناتى اتفقوا ازاى حانجمع المبلغ و انا جاهز علشان اعطيه للعضو اللى حايتولى جمعه .. بس ياريت التحرك يكون سريع علشان بعد فترة الموضوع حايعدى و مش حايبقى ليه نفس التأثير زى اى حاجة حزينة او مفرحة بتعدى فى حياتنا

فكرة هايلة يا باشا
و إن شاء الله إن كنتم ناووين انا معاكم باذن الله