واخيرا تم تركيب كاست السيراتو الgps

**EhabNoor** · 27-07-2010 01:03 PM

صباح الفل علي أحلي رجالة ، معلش أنا كنت وعدتكم أرفع الصور امبارح بلليل بس كنت راجع مش شايف قدامي .. المهم يا رجالة مش هطول عليكم و أسيبكم مع الصور .. و تحت أمركم في أي استفسارات ..

**alzwawy** · 27-07-2010 01:10 PM

المشاركة الأصلية كتبت بواسطة ehabnoor

صباح الفل علي أحلي رجالة ، معلش أنا كنت وعدتكم أرفع الصور امبارح بلليل بس كنت راجع مش شايف قدامي .. المهم يا رجالة مش هطول عليكم و أسيبكم مع الصور .. و تحت أمركم في أي استفسارات ..

بسم الله ما شاء الله يا باشا ربنا يحميك من العين و يحميهولك
بجد شكله تحفه بسم الله ما شاء الله و الي في المخادع بتاعت الراس كمان شكلهم تحفه بسم الله ما شاء الله
بس ليا سؤال بتوع الراس دول انت غيرت المخدع كله ولا ده بيتحط جوه المخدع الاساسي نفسه

**ahmed_su** · 27-07-2010 01:13 PM

مبروك ياباشا...
شكله جميل فعلا ..
بس ايه جودة الصوت ياترى؟؟!!! ... عاوزين انطباعك عنه بعد التركيب

**EhabNoor** · 27-07-2010 01:19 PM

الله يبارك فيكم يا رجالة ، و عقبالكم كلكم يا رب إن شاء الله ، بالنسبة للدي في دي اللي في مسند الراس في الكرسي ، انت بتغير المسند كله و التوصيلات كلها بتبقي من جوة و مفيش أي سلك بيبان ..

أما بالنسبة لجودة الصوت ، فهي ممتازة الحقيقة لا يقل عن الأصلي بتاعها ، و كمان شديد علي السماعات اللي في العربية ، عاوز سماعات أقوي و بيبان كل لما تعلي الصوت ..

**EhabNoor** · 27-07-2010 01:21 PM

الجهاز القديم و الفريم القديم (الفابريكة بتاع العربية) حطيتهم في الكرتونه مكان الجهاز الجديد .. (-؛

**EhabNoor** · 27-07-2010 01:27 PM

الفكرة يا رجالة اننا بيتم استغلالنا من جانب التجار اللي بيغالوا في أسعار الأكسيسوريز و خاصة ان الجهاز جديد و العربية كمان جديدة ، و انا رأيي - و ده عن تجربة شخصية و انا نقلتلكم التجربة دي خطوة بخطوة من أول الاتصالات بالشركة مرورا بتحويل الفلوس و متابعة الشحن علي الـ dhl إلي الحمد لله رب العالمين الاستلام و التركيب و كل ده بفضل الله تم في 3 أو 4 أيام - إن اللي عاوز ، انصحه يشتري من بره ، و يركب في مصر و الله هتفرق في السعر مش أقل من 1500 جنيه و كمان ممكن تكلموا الشركة و تعملوا أوردر لجروب وممكن ساعتها نطالبهم بدسكاونت محترم و ساعتها هتفرق في السعر أكتر من كده .. و ربنا يوفقنا يا رب دايما للي فيه الخير ، بإذن الله ..

**Amr A.salam** · 27-07-2010 02:20 PM

المشاركة الأصلية كتبت بواسطة EhabNoor

صباح الفل علي أحلي رجالة ، معلش أنا كنت وعدتكم أرفع الصور امبارح بلليل بس كنت راجع مش شايف قدامي .. المهم يا رجالة مش هطول عليكم و أسيبكم مع الصور .. و تحت أمركم في أي استفسارات ..

أولاً ألف مبرووووووووووك .....جامد أوي ماشاء الله

الفلاشر شكله راكب في مكانه ومية مية أهه .....أمال ايه المشكلة ؟؟؟

1- ايه السلك اللي على اليمين دة موصله بأيه

2- الشاشة رخمة في اللمس ولا شغالة كويس (تقيلة يعني ؟؟؟)

3- فيه مكان لفلاشة ؟؟؟ علشان مش واخد بالي

4- أخبار ال DVD Player ايه ؟؟؟؟

5- كلفك كام اجمالي لحد بيتك ؟؟؟؟؟؟؟

متشكر جداً ليك ....وألف مبروك مرة تانية