الموضوع: واخيرا تم تركيب كاست السيراتو الgps

المشاركة الأصلية كتبت بواسطة mshawky

مردتش ياباشا على سوالى ؟ هل هو اشتغل على الملتى فنكشن ولا لا ؟

باشا هو ان معقوله كلامى مش واضح للدرجادى انا ملاحظ كل مارد فى موضوع محدش يعلق اصلا

يكون حبر الكيبورد خلص وانا مش واخد بالى

المشاركة الأصلية كتبت بواسطة ehabnoor

و الله يا باشا رديت عليك بس انت ما خدتش بالك ، و ده كان ردي في المشاركة الخاصة بأسئلة امبارح :

مردتش ياباشا على سوالى ؟ هل هو اشتغل على الملتى فنكشن ولا لا ؟
زراير الملتي فنكشن شغالة و في أوبشن بيحدد وظيفة الزراير في الجهاز مرسوم عليه دركسيون كده

اسف ياباشا معلبش العنب على الجزر ههههههه

طب قولى صحيح هو ليه الفلاشه مش شغاله عليه بتاعت العربيه وهل فعلا الفريم شكل وجوده الخامات نضيفه ولا باينه انها تركيب ودخيله على العربيه ؟

وهل فعلا الامبليفير مضخم الصوت فيه قوى زى ماكاتبين ولا صوته ونقاءه اى كلام ؟

المشاركة الأصلية كتبت بواسطة ehabnoor

الحقيقة للأسف ما أعرفش ليه مكان الفلاش اللي في العربية مش شغال بس إن شاء الله أنا هروح بيها التوكيل بكره بإذن الله عشان أشوف موضوع الفلاشر ده و بالمرة بإذن الله أحاول أعرف السبب

الفريم نضيف الحمد لله بس هو طبعا في أي شئ الأصلي جودته أحسن من التجاري ، و انت عارف ان الفريم ده تجاري لأن الأصلي لسة ما نزلش في السوق ، و علي فكرة ماشي مع تابلوه العربية و زي الفل الحمد لله و مش باين انه تركيب و لا حاجة و متهيألي الصور واضحة ، هو الاختلاف بس في اللون (لون الفابريكه فضي غامق و لون الفريم الجديد ده اسود بس مش غامق اسود لون التابلوه ولون فتحات التكييف) يعني باسم الله ما شاء الله ماشي مع ألوان العربية و متناسق معاها ..

بالنسبة بقي لنقاء الصوت انا كنت جوبت علي السؤال ده قبل كده و قلت ان الجهاز ما شاء الله صوته حلو وقوي و انا حتي ما قدرتش اعليه علي الآخر زي ما كنت بعمل مع بتاعها الأصلي ، لأني بصراحة خفت علي السماعات حاسس إنه عاوز سماعات أقوي ..

و أي استفسارات تانية أنا تحات أمرك يا باشا

ربنا يجازيك خير ياباشا ومنتحرمش منك دايما

انا ان شاء الله هعمل حواله واجيب الجهاز بالكاميرا

بس قولى صحيح هو الانتنينا بتاعت التلفزيون شغاله منين و زازاى او بتركب فين ؟

المشاركة الأصلية كتبت بواسطة ehabnoor

قبل ما تعمل أي حاجة يا ريت تقول لمدير المبيعات علي المواصفات اللي انت عاوزها للجهاز و الخرايط وكل التفاصيل لازم تأكد عليه ، و خلي بالك الانجليزي بتاعهم مش أد كده فلازم تكون بسيط وواضح عشان يفهموا بالظبط انت عاوز ايه .. وربنا يوفقك بإذن الله ..

بالنسبة للأنتينا بتاعة التليفزيون في كيبل قوله يبعتهولك لأن الجهاز مش بييجي معاه الكيبل ده ، أو ممكن تجيبه من مصر بس طالما إن شاء الله هتجيب من بره يبقي كله بالمرة و خلاص بس اتفق علي السعر الأول و حاول تضغط عليه في السعر قوله ان أنا لسة واخد منهم و هو عارفني بالإسم علي فكره و كمان في ناس ممكن تاخد منه بعد كده (هو اسمه fish lee) و ربنا يوفقك إن شاء الله

طب ممكن ياايهاب على الخاص الميل بتاعه علشان اعرف اكلمه

وواحد قلقلنى الصراحه من الكاميرا اللى بتركب ورا وقالى توصيلها رخم وهيقطع اسلاك وبتاع الكلام ده صحيح ؟