الموضوع: For the frist time in Egypt hand made Power box(Inlet manifold) for Corsa B Twin Cam

أنا متشكر جدا يا جماعة على شعوركم الجميل و على الردود المشجعة.

كمان فى حاجة عاوز أقولها إن الموضوع بتاعى ممكن يكون طويل كمان فى تفاصييل كتيير قوى فممكن حد يقول عليا فاضى عشان اعمل كل دة قبل ما أعدل عربيتى و إن الموضوع مش مستاهل ده كله مكنت جبت حاجة تانية أحسن دى ممكن تكون وجة نظر بعض الأشخاص لكن أكيد انا مش واحد منهم أنا عاشق لموضوع التعديلات و صرفت مبالغ كتيير على عربيتى كانت ممكن تجيب واحدة تانية أو أبيعها و اجيب حاجة أحسن بس أنا بحب العربية دى.
أنا أصلا بشتغل فى مجال الإتصالات فى إحدى شركات الإنترنت كمان من حبى فى التعديلات عملت مشروع محل و مكان للتعديلات عشان أمارس فيه هوايتى ,بس أنا قلت أعمل الموضوع دة عشان أنقل خبرتى من خلال تجربتى مع الأوبل عشان الكل يستفاد منها كمان عشان تقريبا كل الناس الى عرفتهم او حتى هنا فى المنتدى معاها نفس عربيتى و ممكن يكونوا بردوا مسقطين مواتيير..اعتقد ميعرفوش اغلب الكلام اللى هقوله فى الموضوع دة.

نيجى بقى للتفاصيل...الموضوع من البداية زى ما قلت قبل كدة إنى عملت دراسة على تعديل عربيتى و هيا Corsa B mod 94 1.2 و عرفت كل موديلات المواتيير اللى ممكن تركب عليها و عرفت عيوب و مميزات كل موتور منهم عشان اعرف اخد القرار الصحيح و أبدأ فى مشروع التعديل الكامل للسيارة,أحسن حاجات توصلت ليها و كنت باختار بينها هى موتور 2.0 و 1.6 Twin Cam بس للأسف c20xe 2000 CC مش هينفع هنا فى مصر عشان ملهوش قطع غيار جديدة و أهمها السييور الاصلية و كمان قطع الغيار الإستيراد قليلة نتيجة لندرة الموتور دة عند التجار كمان كان هيحتاج منى تعديل كتيير فى قواعد الموتور فى حوض العربية بس أنا لو كنت ركبتة كنت هبعت اجيب القواعد متعدلة جاهزة من برة هيا متوفرة فى أوروبا عشان ناس كتيير قوى معدلة هناك نفس الموتور فعشان كدة شركات تعديلات كتيير عاملة القواعد اللى تقدر من خلالها تسقط الموتور على طول من غير ما تحتاج تعمل أى حاجة عمولة.
بعد كدة قلت مفيش غير 1.6 Eco-Tech Twin Cam 16v و كان فى 3 موديلات ليهم نفس السعة اللترية(101 C16xe 109 HP,X16xe 106 HP,X16xel) و كمان تقريبا نفس الشكل و عند التجار بيعتبروهم موتور واحد ...التاجر يقولك موتور تيجرا يا بيه.
دة كل الى يعرفوه عنهم بس الحقيقة غير كدة و هى إن كل موتور من 3 قدرتة الحصانية و عزمة مختلف كمان الكونترول و الضفيرة مختلفيين, كمان نزل فى عربيات مختلفة غير الكورسا و التيجرا...يعنى X16xel نزل فى الاسترا و الفيكترا فى أوروبا فى بعض موديلات من 1997 الى 2000 تقريبا

أما X16xe دة فعلا بتاع تيجرا كمان Corsa GSI موديل 1995و 1996

نيجى بقى ل C16xe و دة نزل فى Corsa GSI موديل 1993 و1994 و كمان بيركب على عربيتى بدون تعديل فى الضفيرة بتاعت التابلوة يعنى يركب بالكونترول بالضفيرة Plug & Play و الحاجة بقى اللى خلتنى اختاره هو أن الموتور دة أقوى واحد فيهم 109 Stock Hp
كمان هو ميعتبرش Eco-Tech صريح هو Pre Eco-Tech يعبى أبسط تكنولوجيا شوية و اقل حساسات عشان هو النسخة الاولى من محركات Eco-Tech و المحركات دى اصلا اللى صممها لشركة أوبل هيا شركة لوتس طبعا كلنا أكيد عرفينها هيا شركة متخصصة فى السيارات الرياضية و بتصنع و تطور فى محركات السيارات لبعض الشركات.

و لما لوتس صممت المحركات دى(ُEco-Tech) كانت النتيجة محرك 1600 CC شوفوا بقى المفاجأة الكبيرة بيطلع 150 HP بدون اى شواحن يعنى بدون تيربو ولا سوبر تشارجر,طبعا شركة أوبل كانت مبهورة بالمحرك دة بس مكنش ينفع ينزلوة فى سيارتهم عشان فى الوقت دة كانوا بينتجوا محركات 1800و2000 cc مفيش حاجة فيهم بتطلع نفس القوة الرهيبة دى يعنى 2000 cc أخرة تقريبا HP 130 او اكتر حاجة بسيطة و محركات تانية 2000 cc اخرها 150 HP بالعافية, فكان مستحيل الموتور دة ينزل فى عربيات لأن ده طبعا هيأثر على بيع السيارات 1800و2000 الموجودة عندهم
عشان كدة تم عمل Restrict على الموتور دة عشان يتم تقليل القوة الناتجة عنه عشان يكون مناسب للسوق و كانت النسخة الاولى منه هيا C16xe

أسف يا جماعة هكمل الموضوع بعدين عشان عندى شغل كتيير.

المشاركة الأصلية كتبت بواسطة tananybasha

يعنى هيتحط حساسات غير الأصلية فى حوار التعديل ده

لا يا طناني انا بيتهيألي قصد الراجل انه بيلغي حساسات موتور كتيره عشان يظبطها مع الكونترول ,,,,الكونترول بيطلع اشارات معينه لحساسات معينه في الموتور المناسب ليه ,,,,ولما تعدل موتور تاني أحدث مثلا ,,,,فيه حساسات كتيره بتتلغي عشان يوفق الموتور مع الكونترول
انا شوفت قريب استرا 94 حاطت فيها إكيوتيك 1400 سي سي ,,,سألته ركبها إزاى ,.,,جاب سيره الحساسات اللى لاغاها عشان يوفقها مع الكونترول