For the frist time in Egypt hand made Power box(Inlet manifold) for Corsa B Twin Cam

**ahmednashaat** · 18-05-2010 01:09 PM

المشاركة الأصلية كتبت بواسطة ahmednashaat

ممكن أعرف الموتور أكلف كام بالضفيرة

**kar!m** · 18-05-2010 02:40 PM

ما شاء الله ربنا يبارك لك فيها .. دايما لما الواحد يخلص فى عمله يتحقق له اللى هو عايزه.
واضح انك تعبت جدا و ان شاء الله تلاقى ثمرة مجهودك.

**Ahmed_TuningGarage** · 18-05-2010 02:58 PM

المشاركة الأصلية كتبت بواسطة ahmednashaat

بص يا باشا بالنسبة للتكلفة الخاصة بالموتور و الكنترول والضفيرة من عند اى تاجر تتراوح بين 3500 إلى 4500 و حسب شطارتك بقى و طبعا بردو حسب حالة الموتور بس انت لو عاوز رأى احسن حاجة لو ناوى تعمل كدة إنك تدور على نص أمامى كامل سواء لكورسا او تيجرا يكون فيه موتور 1600 عشان انت هتحتاج كل مسمار فية و بعد كدة هتشترية بفلوس كتيير كمان عشان كل حاجة تكون مضمونة

انا عن نفسى معملتش كدة لانى استعجلت لما ملقتش نص كامل فيه الموتور اللى انا عاوزه لكن طبعا انا تعبت جدا جدا بالرغم من مصادرى و معرفتى بتجار كتيير و كنت باخد الحاجات باسعار غير الزباين العاديين إلا انى صرفت فلوس كتيير موت عشان اظبط العربية زى ما أنا عاوز يمكن 3 او 4 اضعاف الرقم بتاع الموتور و الكنترول والضفيرة دا طبعا فى موتور و عفشة و تعديلات بس ملهوش علاقة بتظبيط الشكل خالص دى مصاريف تانية خالص

المشاركة الأصلية كتبت بواسطة kareemz

ما شاء الله ربنا يبارك لك فيها .. دايما لما الواحد يخلص فى عمله يتحقق له اللى هو عايزه.
واضح انك تعبت جدا و ان شاء الله تلاقى ثمرة مجهودك.

متشكر جدا و الله يبارك فيك, وفعلا انا تعبت جدا بس الحمد لله ربنا يكمل على خير إن شاء الله

**ahmednashaat** · 19-05-2010 02:15 PM

[QUOTE=Ahmed_TuningGarage;3872669531]بص يا باشا بالنسبة للتكلفة الخاصة بالموتور و الكنترول والضفيرة من عند اى تاجر تتراوح بين 3500 إلى 4500 و حسب شطارتك بقى و طبعا بردو حسب حالة الموتور بس انت لو عاوز رأى احسن حاجة لو ناوى تعمل كدة إنك تدور على نص أمامى كامل سواء لكورسا او تيجرا يكون فيه موتور 1600 عشان انت هتحتاج كل مسمار فية و بعد كدة هتشترية بفلوس كتيير كمان عشان كل حاجة تكون مضمونة

انا عن نفسى معملتش كدة لانى استعجلت لما ملقتش نص كامل فيه الموتور اللى انا عاوزه لكن طبعا انا تعبت جدا جدا بالرغم من مصادرى و معرفتى بتجار كتيير و كنت باخد الحاجات باسعار غير الزباين العاديين إلا انى صرفت فلوس كتيير موت عشان اظبط العربية زى ما أنا عاوز يمكن 3 او 4 اضعاف الرقم بتاع الموتور و الكنترول والضفيرة دا طبعا فى موتور و عفشة و تعديلات بس ملهوش علاقة بتظبيط الشكل خالص دى مصاريف تانية

كلامك صح بس عشان الاقى كورسا نازلة بموتور 1600 صعب اقصى حاجة هيبقى الماتور 1400 بتاع التيجرا
ثانيا هو تسقيط الماتور والعفشة بتاعتة و الفرامل دوول اقصى تعديل تعديل .

**Ahmed_TuningGarage** · 22-12-2010 11:47 AM

السلام عليكم يا شباب العصابة... أنا عارض عربيتى الكورسا للبيع حاليا و هيا زى ما انا كاتب فى الموضوع ده انى عملت فيها تعديلات كتيير جدا و صرفت عليها مبالغ كتييرة جدا لحد ما وصلت للحالة و الشكل اللى هيا فيه حاليا,انا كنت بعمل الكلام ده كله لنفسى و لمزاجى الشخصى لانى بلاقى متعة فى كده,بس للأسف حاليا محتاج عربية كبيرة بشنطة لان زى ما انتو عارفين شنطة الكورسا بالرغم انها من احسن الشنط فى العربيات الهاتشباك لكنها بردوا صغيرة.

مواصفات السيارة :
السيارة Opel Corsa 94 معدلة بالكامل GSI,موتور cc1600 16V كامل بالباور والتكييف ودورة التبريد بالإضافة الى بعض التعديلات فى الموتور زى ال Power Box, Headers,Exhaust Syestem ,Simota Carbon cold air Intake حوالى 130HP ,عفشة سبور كاملة جنوط و كاوتش 17 جديدة,إكصدامGSI امامى اصلى بالفوجات الاصلية ,فوانيس بروجيكتور زينون بالرينجات أصلية,تكييف تلاجة, باور, زجاج ومرايات كهرباء, فتحة سقف, سنتر و إنذار و وحدات رفع,كاسيت و سماعات Kenwood

فابريكة جوة و لسه عامل سمكرة و دوكو برة من 5 شهور فقط بعد ما خلصت كل التعديلات الداخلية.

العربية ليها جدول صيانة انا عاملة و ماشى عليه لانى تقريبا غيرت كل حاجة فيها.

أنا عندى مخزن كامل لقطع غيار و حاجات كتيير للعربية لانى تقريبا اشتريت 2 موتور وكنت باخد منهم الحاجات,كل الحساسات عندى منها 1 او 2 إحتياطى و عموما كل الحاجات دى موجودة بردو عند بتوع الاستيراد و كمان فى حاجات كتيير جديدة من حاجات الاسترا 1.6 و فيكترا 1.6 ECO-TEC و عموما الى هياخدها إن شاء الله مش هيحتاج اى حاجة من برة خالص ,ده إن إحتاج اساسا

أنا طبعا عارف ان ساعة البيع عمر الواحد ما هيجيب اللى مصروف فى العربية لكن انا كل الى يهمنى ان الى يشترى العربية منى إن شاء الله يكون حد فاهم و يقدر و يكون عارفة قيمة العربية و اللى اتعمل فيها دى لانى بحبها جدا و يصعب عليا إنى ابيعها, لكن انا هاحاول اصبر إن شاء الله لحد لما الاقى حد عاوز كورسا متعدلة أو عاوز يجيب كورسا تعبانة و يشدها هو دة الشخص اللى ممكن يقدر و يعرف أنة هيكون كسبان 1000000% لو خد عربيتى جاهزة هيوفر فلوس و وقت وخبرة و تعب لانى التعديلات اخدت منى اكتر من سنة و حوالى 20000 جنية مصاريف.
أنا عارض العربية للبيع ب 44000 جنية هو طبعا كتيير على كورسا بس الحمد لله مش كتيير على عربيتى الى مكلفة تقريبا 55000 جنية و يارب الاقى اللى يقدر و كمان هيكون ساعتها فى إمكانية للتفاوض بردوا إن شاء الله.