الموضوع: المصرية للسيارات المعرض الاسوء فى مصر

أولا الف مبروك على العربية وربنا يباركلك فيها

ثانيا بصراحه انا زعلان من موقفك مع مندوبي المصرية للسيارات لأنهم حقيقي ميستهلوش انهم يكسبوا منك قرش واحد اذا كانوا بالأسلوب السيئ دة في التعامل والصح انك كنت صرفت نظر عن الشراء منهم من اول موقف

وبالنسبة لكلامك عن معرض سمير ريان فهو فعلا معرض محترم جدا واهم ما يميزة هو احترام العميل والمصادقية في التعامل ومواعيد التسليم

وطبعا البيع بالقسط مكسبة اكتر عشان عمولة البنك اللي هياخدوها بالأضافة لمكسب العربية

المشاركة الأصلية كتبت بواسطة zkralla

اولا :باحييك على صبرك وحلمك ده أنت جمل
ثانيا :الف مبروك يا باشا على العربيه ربنا يباركلك فيها والف مبروك كمان على انتهاء معاناه قرار الاخيتار الصعب
وطبعا السعر66500 ده ممتاز جدا أنا ايام ما اشتريت كان سعر التوكيل ب 67 الف ومحمد ذكى كان هو الوحيد تقريبا الى بيبيع بنفس السعر بدون زياده والاستلام كان بعد عشره ايام لكن مكنش فيه حد بيبيع اقل من كده وبصراحه هما ناس ممتازين جدا واول مره اعرف حاجه عن سمير ريان أنه بيبع ارخص من محمد ذكى لان محمد ذكى بيبيع دلوقتى ب 68000


كلامك كله مظبوط يا هاني
في سر في اختلاف الاسعار بس اعتقد ان العمليه زي تاجر الجمله والقطاعي بمعني
لو حضرتك رحت اشتريت كيلو سكر من سوبر ماركت هتلاقيه ب 4جنيه مع ان لو اشتريته من تاجر الجمله هتلاقيه ب 3.75 قرش ومع ذلك تاجر الجمله ميرضاش يبعلك بالسعر ده طول مانت هتاخد كيلو او اتنين لكن يدهولك بالسعر الاقل لو حضرتك اخدت باكته كامله وده لاسباب كتيره منها
انه لو باع بالسعر الاقل يبقي تجار القطاعي مش هيشتغلوا ويمكن يدوروا علي حد غيره يشتروا منه
في نفس الوقت اللي تاجر الجمله بيثبت سعره عند السعر المرتفع تلاقي تجار التجزئه عندهم مساحه اكبر للحركه هي هامش الربح اللي هو في حالتنا 25 قرش
في تاجر منهم عايز الربح كله وفيه غيره ممكن يرضي بربح اقل
نفس الكلام ممكن يطبق علي الوكيل والمعرض والعميل
فالوكيل يبيع للمعرض وللعميل ولكنه محكوم بان يبيع بالسعر الاعلي للعميل لانه سيشتري سياره فقط وان يقف في قوائم الانتظار بينما يبيع باسعار اقل للمعارض لانها تاخذ كميات كبيره والمعرض بدوره يبيع للعميل وتشجيعا لك يعدك بان تستلم فورا او في مده اقل من الوكيل

مكاسب الوكيل من هذه العمليه ما يلي
1- البيع بكميات للمعارض يحقق له
رواج السياره المكسب السريع سرعه تداول راس المال والتعامل مع جهه واحده هي المعرض عكس التعامل مع عملاء كثيرين
مع الاخذ في الاعتبار ان اوكيل مطالب بالاتي
أ- تخفيض سعر البيع للمعارض "اعطاء بونص"
ب- عدم البيع للجمهور بنفس سعر البيع للمعارض
ج- اولويه الاستلام للمعارض يليها العملاء الاخرين

2- البيع للمواطنين او العملاء له الكثير من المكاسب ايضا.
أ- بقاء اموال العملاء لدي الوكيل مده من 2 حتي 3 اشهر يجعلها عرضه لاسعار الفائده بالبنوك
ب- حتي في حاله عدم الرغبه في اتمام عمليه الشراء النقود ترجع بقيمتها وليست مضاف اليها سعر الفائده
ج- تاخر الاستلام والسعر المرتفع او الموازي لسعر المعارض هو نوع من انواع الدعايه الغير مباشره للمعرض وبالتالي فان العميل قد يطفح به الكيل من الانتظار فيذهب الي المعرض تاركا سعر الفائده وراء ظهره ومشتريا نفس السياره من المعارض المتعارف عليها وبالتالي العمليه في النمليه.

ارجو ان لا يفهمني الساده المدافعين فهما خاطئا فهذه هي السياسه السوقيه في مصر فلا تلومن الا.....

ولكل المقبلين علي شراء سياره استنوا شويه رمضان داخل والتخفيضات هتشتغل
وسلملي ع الاوكازيون


_____________________________

قول مأثور (3)
العنزه اذا عشقت جمالها قالت
حرام كل الجمال ده يروح لتيس

____________________________

انا متفق معالك يا محمود
بس حته التوكيل الى بيضرب نفسه ديه مش مقتنع بيها رغم عارف انها حقيقه لكن مش عارف لها سبب منطقى
بالمثل كان ابن خالتى من سنتين بيشتغل مهندس فى i2 احد وكلاء نوكيا وقلبله عاوز محمول قالى هجبلك بالسعر بعد الخصم الى بيدوه للى شغالين قلته يعنى اقل من ش عبد العزيز (المشهور بالموبيلات )قالى لأ عبد العزيز هتلاقيه اقل برضه وبضمان i2

المشاركة الأصلية كتبت بواسطة zkralla

انا متفق معالك يا محمود
بس حته التوكيل الى بيضرب نفسه ديه مش مقتنع بيها رغم عارف انها حقيقه لكن مش عارف لها سبب منطقى
بالمثل كان ابن خالتى من سنتين بيشتغل مهندس فى i2 احد وكلاء نوكيا وقلبله عاوز محمول قالى هجبلك بالسعر بعد الخصم الى بيدوه للى شغالين قلته يعنى اقل من ش عبد العزيز (المشهور بالموبيلات )قالى لأ عبد العزيز هتلاقيه اقل برضه وبضمان i2



مين قال يا هن ان التوكيل بيضرب نفسه بالعكس التوكيل زي لمؤاخذه المنشار
من المعارض واكل ومن العملاء العاديين واكل واهو كله مكسب سواء باع للمعرض او للعميل

حصل معايا نفس الشيئ كنت فكرت اشتري تليفزيون عقبال املتك LCD وقلت احسن تليفزيون هو LG حاجه فخمه وعليها القيمه ومن حسن الحظ فرع للتوكيل كان لسه فاتح في اسيوط في شارع النميس فذهبت مشمرا عاقدا العزم شاريا ففوجئت بان السعر ازيد من تجار الجمله ب 400 جنيه فقلت للموظف ازاي ده في شركه فؤاد والشعله والمعله بكذا وانت ازيد ب 400 لحلوح قالي انا هنا للعرض مش لمنافسه زبايني الاصليين

اوبــــــــــــــــــــــ ــــــــا جوه الجــــــــــــــــــــــ ـــــــــون
_________________________________
قول مأثور(4)
اذا قال لك احدهم احنا اللي بهيظنا الفهايص
فكن حذرا للفهايص تتبهيظ
_________________________________

المشاركة الأصلية كتبت بواسطة mr_3m

بصراحة اول مرة اركز في حكاية عروض رمضان كلها شهر و يبداء سيل العروض
محمود بك مشكور كتير معاليك على مشاركاتك الرائعة
و مشكور اكتر على انك لسه بتشارك معانا فى قسم اللوجان و لو اتأخرت علينا حروح قسم الأوبل و اعاتبك عتاب شديد

اولا كل سنه وانت طيب وكل الاخوه طيبين بشاير رمضان بدائت تهل
ثانيا ياغالي انا عمري ما انسي اني واحد منكم وللعلم اول مكان بدخله هو قسم رينو ولوجان تحديدا
وده ميمنعش انك تتفضل عندنا وانا ادبحلك دكر بصاره محترم

_________________________________

قول مأثور(5)
الضربه التي لا تقتلك تسيبلك عاهه مستديمه

_________________________________