المصرية للسيارات المعرض الاسوء فى مصر

**arch_msaid** · 15-05-2010 06:53 AM

ياجماعة أنا اللى أعرفه إن سمير ريان هو أخو صاحب شركة المصرية إسمه أحمد ريان أو حاجة كده.....يعنى هم إخوات..
أنا برضه رحت هناك ولقيتهم مققللين سعر العربية بس معليين الفايدة جدا يعنى قالولى 66500 بس الفايدة 9.9%
فجبتها عن طريق البنك العربى الأفريقى

**XXXMEMOXXX** · 15-05-2010 07:08 AM

الف مبروووك يا باشا على العربيه ,, وبصراحه انت طولت بالك عليهم جدا جدا ,,, عالم لا ليها في التجاره ولا يعرفوا اصول اي حاجه ,, والحمد لله ان حضرتك ماجبتش منهم لان ليهم تجارب مش تمام مع ناس اعرفهم اشتروا عربيات من عندهم ,, وماوصلوش لحد البيت والعربيه جابت مساعد ,,
سمير ريان معرض كويس ,, ومعاملتهم كانت جميله لما روحت عندهم مره مع صديق كان بيشتري منهم ,,وفعلا زي ما حضرتك قولت اخر سعر بتكون واصل ليه بره بيديك زيه او ممكن اقل منه كمان زي ما حصل معانا ,,,
بس خد بالك وانت بتستلم شيك على العربيه كويس جدااااااا ,, وشيك على العتب والاكصدامات من تحت ,, وطبعا باقي العربيه,,

مبروك تاني ياباشا وربنا يباركلك فيها

**XXXMEMOXXX** · 15-05-2010 07:12 AM

المشاركة الأصلية كتبت بواسطة arch_msaid

ياجماعة أنا اللى أعرفه إن سمير ريان هو أخو صاحب شركة المصرية إسمه أحمد ريان أو حاجة كده.....يعنى هم إخوات..

+1
انا سامع الكلام ده برضو بس مش عارف اذا كان صح ولا لا

**gebreel** · 15-05-2010 09:38 AM

بالنسبة لموضوع المعرض و التوكيل انا والدي كان شغال في فترة من الفترات مدير مبيعات في احدى شكرات الالكترونيات في السعودية و كان بيقعد يحكيلي على اللعب اللي التوكيلات بتعملوا بالمنظر ده و ده لأن "الوكيل لازم يحمي الموزع بتاعو علشان يضمنو معاه" ده كلام والدي فبلتالي ده مش بس في مصر لأ ده حتى في السعودية و اكيد باقي الخليج

**Galilioz** · 15-05-2010 10:01 AM

المشاركة الأصلية كتبت بواسطة kh_talaat

أولا الف مبروك على العربية وربنا يباركلك فيها

ثانيا بصراحه انا زعلان من موقفك مع مندوبي المصرية للسيارات لأنهم حقيقي ميستهلوش انهم يكسبوا منك قرش واحد اذا كانوا بالأسلوب السيئ دة في التعامل والصح انك كنت صرفت نظر عن الشراء منهم من اول موقف

وبالنسبة لكلامك عن معرض سمير ريان فهو فعلا معرض محترم جدا واهم ما يميزة هو احترام العميل والمصادقية في التعامل ومواعيد التسليم

وطبعا البيع بالقسط مكسبة اكتر عشان عمولة البنك اللي هياخدوها بالأضافة لمكسب العربية

والله يااخى انا كل يوم كنت بفكر اشتريها منهم كنت بصرف النظر عنها بس بقول يمكن يكون دى معامله واحد مندوب مبيعات غير محترم انما لما تتعامل مع اكثر من 5 ويكون كلهم اسلوبهم تطفيش
انت عارف لو قالولى 70 الف ثمن العربيه بهدف التطفيش كنت مشيت من الاول انما هما كانوا بيوهمونى بان العربيه مش موجوده فعشان كده كنت بانتظر

**Galilioz** · 15-05-2010 10:05 AM

انا بتفق معاك يااستاذ عمرو دياب فى حكايه ان الاسعار هتنزل فى رمضان وده اكيد بس بختلف معاك فى السبب مش موسم التخفيضات السنويه لا السبب ان مع شهر 8 و 9 موديل 2011 بينزل فلازم يبقى فيه تصفيه لموديل 2010 بتخفيض للسعر عشان التخلص من الموديل اللى بيكون قديم

**Galilioz** · 15-05-2010 10:06 AM

المشاركة الأصلية كتبت بواسطة mr_3m

بصراحة اول مرة اركز في حكاية عروض رمضان

كلها شهر و يبداء سيل العروض

محمود بك مشكور كتير معاليك على مشاركاتك الرائعة

و مشكور اكتر على انك لسه بتشارك معانا فى قسم اللوجان و لو اتأخرت علينا حروح قسم الأوبل و اعاتبك عتاب شديد

لا باقى 3 شهور

**Galilioz** · 15-05-2010 10:12 AM

المشاركة الأصلية كتبت بواسطة ahmedbakr50

ربنا يباركلك فيها
بس خد بالك إن كل حاجه لازم تبقى موجودة فى العربية وراجع على كل حاجه وشوف إذا فيه أى خدش
عشان السعر دى مخلينى قلقان إن فيه حاجه فى العربية عشان كان أخويا هيجيبها من المصرية وقالولو 70000 لما كانت لسه بـ 67 فنزول السعر للدرجة دى يقلق مع إحترامى لسمير ريان

بص انت بتقول المصريه بصراحه انا مش عايز اسم االاسم ده
انا بقولك هما بتوع تطفيش فعلا وانا بقولك كانوا كاتبين على العربيه فى المصريه 66500 ج بعد الخصم وقبل الخصم 68000ج بس طبعا لو عربت تاخدها كاش يبقى ليك الحق انا كان نفسى يقولولى 70 الف على الاقل كنت طفشت من عنيهم وعلى فكره الراجل فى معرض سمير ريان عرض عليه كذه عربيه يعنى مش موضوع ان فيه عربيه بايظه بيلبسهانى
طيب سوال لحضرتك هو الواحد ايه اللى ممكن يتضحك عليه فيه وأنا بيشترى العربيه يعنى اراجع ايه بالظبط ؟؟؟؟

**Galilioz** · 15-05-2010 10:14 AM

المشاركة الأصلية كتبت بواسطة XXXMEMOXXX

الف مبروووك يا باشا على العربيه ,, وبصراحه انت طولت بالك عليهم جدا جدا ,,, عالم لا ليها في التجاره ولا يعرفوا اصول اي حاجه ,, والحمد لله ان حضرتك ماجبتش منهم لان ليهم تجارب مش تمام مع ناس اعرفهم اشتروا عربيات من عندهم ,, وماوصلوش لحد البيت والعربيه جابت مساعد ,,
سمير ريان معرض كويس ,, ومعاملتهم كانت جميله لما روحت عندهم مره مع صديق كان بيشتري منهم ,,وفعلا زي ما حضرتك قولت اخر سعر بتكون واصل ليه بره بيديك زيه او ممكن اقل منه كمان زي ما حصل معانا ,,,
بس خد بالك وانت بتستلم شيك على العربيه كويس جدااااااا ,, وشيك على العتب والاكصدامات من تحت ,, وطبعا باقي العربيه,,

مبروك تاني ياباشا وربنا يباركلك فيها

الله يبارك فيك يااباشا وفعلا انا طولت باللى جدا عليهم

-

الموضوع: المصرية للسيارات المعرض الاسوء فى مصر

LinkBack

أدوات الموضوع

عرض

-

-

-

-

المواضيع المتشابهه

تجربتى مع المعرض الدولى للسيارات محمد جميل

سعر الايفو فى المصرية للسيارات زاد فقط 2000جم بعد المعرض

زيارتى لسوق المصرية للسيارات للسيارات المستعملة

الكلمات الدلالية لهذا الموضوع

المفضلات

المفضلات

ضوابط المشاركة