هل ده هو اداء عفشه السيراتو مع الجنط 15 ؟

**macdiv** · 16-05-2010 01:20 AM

المشاركة الأصلية كتبت بواسطة NoRmAl

فعلا كذا واحد نصحنى بنفس النصيحه
شكرا يا باشا ومنور قسم كيا :))
متحرمناش من وجودك

يا باشا العفو لا شكر على واجب ...قسم كيا ده بيتي التاني ده بعد ازنكم ...

المشاركة الأصلية كتبت بواسطة great_eagle

ممكن وصف الايطالي ده او صورته انا نزلت من فترة و موصلتش لحاجه
و منين بالتحديد

ادخل ش الجمهوريه من ناحيه ميدان رمسيس هتلاقي محلات على اليمين و على الشمال بعد الجامع ما يخلص ب١٠٠ م تقريبا و هتلاقي المحلات ديه حطه كومبروسورز كبيره ،،انت بس قوله عايز مقاس كاوتش نوع محترم هيطلعلعهولك و هتلاقي مكتوب على التدريج من جوه ٢ سكال واحد بالبار و احد بالبي اس آي و من تحت على التدريج مكتوب Made In Italy

**popoooo** · 17-05-2010 11:01 PM

المشاركة الأصلية كتبت بواسطة macdiv

نصيحه لوجه الله الي عايز يظبط الكاوتش يشتري مقاس من شارع الجمهوريه النوع الايطالي ب٣٠جنيه تقريبا ،،،عشان مشفتش لغايه دلوقتي حد ظبطلي هوا الكاوتش زي المقاس اللي معايه -غير التوكيل طبعا- ،،الجيج ميتر اللي عند بتوع الكوتش بيتعامل معامله العبيد و بالتالي بيفقد حساسيته ،، اللهم بلغت ،،اللهم فاشهد

كلامك مظبوط 100 % علشان انا بشتغل ب gauges وعارف الموضوع ده كويس جدا

بس يا جماعه انا اسف للتكرار انا عايز رأيكم فى موضوع العفشه الناشفه انا عاجبنى شكل السيراتو الشيك والاوبشن الكتير بس موضوع العفشه ده مقلق فعلا بصراحه وبدون تحيز مع العلم ان انا كان معايا لانوس وهى طبعا ناعمه جدا فمش عارف العفشه الناشفه دىمعقوله ولا ايه واسف على الاطاله

**macdiv** · 17-05-2010 11:14 PM

هي مش ناشفه قوي ،، و بعدين خد بالك اللي مصمم العربيه مش عبيط ... خليك في المقاس الوسط و ظبط هوا الكاوتش و هتلاقيها هتعجبك اوي ،،، و اسأل مجرب ،،،،الاخ نورمال ملك السيراتو لو موجود هيديك رايه برده

**NoRmAl** · 18-05-2010 02:20 AM

المشاركة الأصلية كتبت بواسطة popoooo

كلامك مظبوط 100 % علشان انا بشتغل ب gauges وعارف الموضوع ده كويس جدا

بس يا جماعه انا اسف للتكرار انا عايز رأيكم فى موضوع العفشه الناشفه انا عاجبنى شكل السيراتو الشيك والاوبشن الكتير بس موضوع العفشه ده مقلق فعلا بصراحه وبدون تحيز مع العلم ان انا كان معايا لانوس وهى طبعا ناعمه جدا فمش عارف العفشه الناشفه دىمعقوله ولا ايه واسف على الاطاله

بص العفشه ناشفه فعلا لكن لا تعد عيب كبير فى العربيه
هى عيب على فكره لأنها كانت تبقى أفضل لو كانت ناعمه
هى ناشفه لعده أسباب
مقاس الجنط الكبير
التعليق الخلفى المتصل
والمساعدين الغاز
الجنط والمساعدين منشفين العفشه لكن مدينها ثبات
والتعليق منشفها لكن دون شك مأثرعلى الثبات
القرار بأيدك
لو العربيه الناعمه لكن مش ثابته أفضلك من الثابته والناشفه..متفكرش فى السيراتو
بمعنى أخر لو هاوى جرى وشد يبقى أتكل على الله وهات السيراتو
لو بتمشى على مهلك ومش بتجرى ممكن تجيب أى عربيه أنت عايزها شايفها ناعمه وقد تكون أقل ثباتا من السيراتو
بردو قلى أنت بتفكر فى أيه تانى غير السيراتو علشان أقدر أساعدك
لأن ممكن تكون بتفكر فى عربيه ناعمه وثباتها مقبول بردو...

**amr_shn** · 18-05-2010 03:46 PM

المشاركة الأصلية كتبت بواسطة normal

ظبته على حسب الى مكتوب على القائم
أنا مش فاكر دلوقتى هو كان كام
بس مكنش 28
كان يا 30 يا 32
أنا 16 يعنى المفروض أنشف منك
وحاطط نيتروجين على 32
ومبسوط بيها كده والحمد لله
ياريت تظبط الهوا
حط نيتروجين
وياريت تقلى أنت كنت راكب أيه قبل السيراتو

أنا كنت راكب لانوس و مركب فيها مساعدين مونرو و كانت ناشفه بس ممكن كنت احس برزعه فى المطب الحاد بلعكس فى السيراتو مش بعحس برزعه بس على سرعه 100 مثلا العربيه بتتنطط و ده بيدى احساس بعدم الثبات على الطريق الغير مستوى , على القائم مكتوب 32 للضغط , اناانشاء الله اروح اضبط و اجرب

**popoooo** · 19-05-2010 05:33 AM

المشاركة الأصلية كتبت بواسطة normal

بص العفشه ناشفه فعلا لكن لا تعد عيب كبير فى العربيه
هى عيب على فكره لأنها كانت تبقى أفضل لو كانت ناعمه
هى ناشفه لعده أسباب
مقاس الجنط الكبير
التعليق الخلفى المتصل
والمساعدين الغاز
الجنط والمساعدين منشفين العفشه لكن مدينها ثبات
والتعليق منشفها لكن دون شك مأثرعلى الثبات
القرار بأيدك
لو العربيه الناعمه لكن مش ثابته أفضلك من الثابته والناشفه..متفكرش فى السيراتو
بمعنى أخر لو هاوى جرى وشد يبقى أتكل على الله وهات السيراتو
لو بتمشى على مهلك ومش بتجرى ممكن تجيب أى عربيه أنت عايزها شايفها ناعمه وقد تكون أقل ثباتا من السيراتو
بردو قلى أنت بتفكر فى أيه تانى غير السيراتو علشان أقدر أساعدك
لأن ممكن تكون بتفكر فى عربيه ناعمه وثباتها مقبول بردو...

يا استاذ نورمال أولا شكرا على اهتمامك ودى فرصه ذهبية انى اتعرفت عليك علشان انا ملاحظ انك راجل موضوعى و هادف للغايه
ثانيا: خلينا نتكلم بمنطقيه مش لازم العفشه تكون ناشفه علشان تكون كويسه بدليل اليابانى عفشته كويسه ولكن مش ناشفه ولكن من المتعارف عليه ان الكورى عموما عفشته ومساعدينه شويه ناعمين لكن مش عمليه اوى لأن الانوس عفشتها تعبتى ولذلك بعتها
ثالثا: انا لا غاوى جرى بجنون ولاغاوى ملل بالتالى انا متوسط والحمد لله عقلانى بنسبه كبيره بجرى بردو ولكن الدنيا مش جرى وخلاص يعنى فلذلك محتاج عربيه ثباتها عالى اكيد(كنت بجيب ب الانوس 170 كم كانت 100% 2002 تقفيل كورى) انا بفكر فى النترا والسيراتو انا عاجبنى جدا السيراتو وده اللى مخلينى متردد شياكه واوبشن بس موضوع العفشه اللى بتدب اكيد مش لذيذ مع انى ممكن اجيب جنط 15 او 16 عادى يعنى ولكن النترا انا ركبتها وجبت بيها 180 عربيه كويسه وثابته وحنينه فى المطبات فانت رأيك ايه؟؟ واسف لللاطاله