فيديو روعة لسحب العربيات

**hobaz** · 21-05-2010 05:37 PM

تمام كده يادكتور أنا كده بقيت مع حضرتك على الخط وفهمت قصد حضرتك ايه بالظبط......
الف شكر لحضرتك على الأضافة....

**ahmedzizo131** · 24-05-2010 09:11 AM

بسم الله الرحمن الرحيم
الواحد قلبة اتقطع من المناظر دى
ربنا يسترها معانا جميعا يا رب

**janjaah** · 24-05-2010 11:15 PM

بما ان الفيديو يسمح بمشاهدته لمن هم 18 + فأنا جبت اخواتى اللى اصغر منى وفيهم 10 سنين عشان يتفرج عليه
بجد بجد فيديو مرعب جدا
واللهى الواحد يتمنى ان الحكومة زاى ما بتعمل اعلانات خاصة بالسكك الحديد وترشيد اسهلاك المياه تعمل لنا برضو اعلانات خاصة بأخطار السواقة الجنونية اللى بنشوفها اليومين دول سواء من سواقين الميكروباصات والشباب الروش اللى طالع لنا اليومين دول

**hobaz** · 25-05-2010 12:10 AM

هو المفروض فعلا يبقى فيه اعلانات على قنواتنا كده خاصة ان احنا لابنلتزم بحارات ولاباشارات ولا لوحات ولا افراد المرور ولا............................... الخ

ربنا يحفظنا جميعا ويسترنا دنيا واخره...........

**Queue** · 25-05-2010 01:35 AM

يا رب سترك
فيديو مؤثر جداُ , ارجوا من الادارة اضافه تنبيه قبل الفيديو للتنبيه بمحتوى الفيلم لعدم الاضرار باصحاب القلوب الضعيفة ,
شكرا على الفيديو و يا رب سلم طريقنا اجمعين

**khaled_sabry** · 25-05-2010 08:41 AM

على فكره انا وريت الفيديو ده لمراتى قبل كده . علشان اخليها تشيل من دماغها انها تتعلم السواقه على عربيتي

**Eng_Mostafa_89** · 25-05-2010 01:41 PM

فيديو مؤثر جدا جدا

**mr_vampire** · 25-05-2010 05:01 PM

الله يسامحك بقي يا ( صاحب الموضوع ) انا قولت هتفرج بقي علي شد وسحب وتخميس اول ماشوفت موت الاطفال الصغيرة في اول الفيديو كنت هقفل بس افتكرتك لما قولت ياريت تكملوه للاخر. وفعلا يخلي الواحد يفكر الف مرة قبل مايفكر يدوس بنزين لو مكنش خايف علي نفسه يخاف علي الناس اللي معاه ولو هو عاش يفكر في الحزن والالم اللي هيتسبب فيهم لو ناس معاه توفت. الحمد لله وربنا يستر طريقنا جميعنا ونرجع نقول لا محالة من قضاء الله وقدره ولكن ( اعقلها وتوكل ).

**hobaz** · 25-05-2010 05:17 PM

معلش ياباشا انا عارف والله اني صدمتك بس لو كتبت فيديو حوادث او اخرة السرعة بتهيألي مكنش حد دخل واتفرج وبقولك تاني مرة انا اسف ليك ولكل واحد بوظتله اعصابه وخليته في موود مش تمام وياريت تسامحوني ومتدعوش عليا انا بس كان نفسي اوصل حاجة مش اكتر......
تقبلوا مروري...........

**hazemhassan** · 26-05-2010 09:49 AM

والله الواحد قلبة واجعة لوحدة
بس الموقف بتاع المتوسيكل مرة حصل عندنا فى الشارع
كانو جاين فى وش بعض وبسرعة وكل واحد مستنى التانى اللى يوسعلة راحو لبسو فى بعض

الموضوع: فيديو روعة لسحب العربيات

LinkBack

أدوات الموضوع

عرض

-

-

-

-

-

المواضيع المتشابهه

الحل النهائي لسحب الماتور القليل و زيادة استهلاك البنزين في الاوبترا

دعوة لسحب التوكيل من منصور

طريقة مبتكرة لسحب العربيات بالونش ....!!!!

عايز اعرف تقييمكوا لسحب اللوجان وكمان اتزانها

افكار مقترحة لأفضل اداء لسحب السيارة

الكلمات الدلالية لهذا الموضوع

المفضلات

المفضلات

ضوابط المشاركة