الموضوع: نصيحه ...ازاي تحافظ علي كمبرسور التكيف بتاعك

المشاركة الأصلية كتبت بواسطة samirayad

أأقول لسعاتك ....وعلى فكره تناولنا الموضوع ده من قبل فى أحد المواضيع


1- التعشيق فعلا حينفع مع سرعه أو غير سرعه

بس أحنا بتحدث عن الصح والأفيد لمالك السياره

وهو تعشيق الضاغط على سرعات منخفضه وياريت يتم التشغيل قبل التحرك بالسياره ونسيب التكييف يشتغل ويفصل براحته

طيب ................ليه أنا بأقول كده

- طنبورة الضاغط دائما فى حالة دوران وحركة على بلية الضاغط سواء التكييف شغال أو لا

بس غير محمله بحمل الضاغط وأنت فاصل التكييف
والعكس صحيح وأنت مشغل التكييف

يبقى أول نقطه فنيه ومهمه أنه مش صح أبقى على سرعه وأروح محمل البليه فجائيا وهى كانت نايمه الى حد ما ( لأن الحمل كان عليها خفيف )

وأروح واخد منها حمل عالى جدا على سرعات عاليه للغايه

سورى فى اللفظ ....أروح صاعقها بحمل كبير على سرعه عاليه وخاضضها مره واحده

أظن مش حتستحمل الخضه كتير بالشكل ده

_ التشعيق الفجائى لكلاتش الضاغط ( على سرعه برضه ) بيولد سخونه عاليه جدا وممكن يفرك الأسطح

الأحتكاكيه لكلاتش الضاغط وممكن يفوت ويتعب مع التعود على هذا النظام فى التشغيل

كأننى عملت عليه صدمه فجائيه وخضيته مره واحده


__________________________________


حروح معاك لتشبيه بلدى شويه من أجل تقريب الأمور ...لأن فعلا الوضع حساس

لو جبنا لاعب كره ( زى أبو تريكه )

وخلناه دخل الملعب وجرى على سرعه عاليه مره واحده ولعب بدون مايسخن

تفتكر حيؤدى فى الملعب زى مايكون مسخن قثبل النزول لأرض الملعب

أعتقد وبشده لا

_ هو حيؤدى فعلا .......بس حيتعب وممكن يجيله شد عضلى وسكته فجائيه ( زى تعشيق الضاغط الفجائى )

أما لو كان سخن كويس من البدايه .....حيقدر يكمل ال 90 دقيقه بأمان تام


________________________________


أذا القلق كله فى أول حمل بدائى على البليه أو الكلاتش

والله فاهمك يا بشمهندس و فاهم انت بتتكلم عن ايه كويس جدا ..بس اللي انا عايز اوصله لحضرتك ان اللي صمم و صنع العربيه اساسا مش فارق ده معا اساسا لانه مصمم دايره الكلتش انها تشتغل و تفصل بشكل آلي و بدون اي تدخل منا الا في البدايه بس و بعد كده احنا بخرج بره اللعبه و هوه بيمنج الفصل و الوصل لوحده .... و شكرا لمتابعه حضرتك ...و بعدين انا كنت مستني ردك عل الموضوع اللي انا عمله و خاص بالسيينا اللي بتسخن عشان ان حاسس انه موضوع ميكانيكا و انت شاطر في الميكانيكا ياريت تقولي رايك

...و بعدين انا كنت مستني ردك عل الموضوع اللي انا عمله و خاص بالسيينا اللي بتسخن عشان ان حاسس انه موضوع ميكانيكا

فى أى قسم يوجد الموضوع

المشاركة الأصلية كتبت بواسطة samirayad

فى أى قسم يوجد الموضوع

في فيات العام يا ريس http://www.nilemotors.net/Nile/15001...post3872666175
حد عنده حل للسينا ١٤٠٠

المشاركة الأصلية كتبت بواسطة aftam

بصوا يا رجاله
اللى انا اعرفه من مهندسى السيارات انك علشان تحافظ على التكييف لازم تعملوا اللى انا اتعود عليه:
1- افتح زجاج السياره لو راكن فى الشمس للتهويه.
2- دور العربيه وشغل المروحه بتاعة التكييف من غير ما تشغل الكومبريسور وخلى الهوا موجه للارض علشان الهوا السخن المخزن كثافته قليله وبيطلع الى الاعلى فيخرج من العربيه بسرعه.
3- اخرج فورا من السياره وسيبها تسخن شويه.
4- ادخل واطفى المروحه واركب وامشى لغاية لما العربيه تبقى سخنت وتمام (المؤشر على 90 لمواتير wv).
5 اجرى او امشى بالعربيه زى مانت عاوز بس مور او دوس دبرياج علشان تفصل التروس وشغل الكومبريسور.
6 قبل ما تركن او تقف ب 5 دقائق اطفى الكمبريسور علشان الفيريون يرجع مكانه.
7- ممنوع تشغيل الكومبريسور مره اخرى قبل مرور 10 دقائق يعنى لو هاتشترى حاجه مثلا ماتبطلش العربيه او استحمل شويه علشان ما تشحنش فيريون مرتين تلاته فى الصيف ويعد معاك سنين.

انا باعمل نص الكلام ده

الف شكر على المعلومة فى واحد قالى فعلا ان المكيف بيتعب على السرعات العاليه بس ماوضحش اعمل ايه انت كده وضحت مليون شكر ليك