الموضوع: .::حصريا::.لنايل موتورز (تجربة قيادة تويوتا كورولا - ج.أفريقى-)2008 Toyota Corolla

المشاركة الأصلية كتبت بواسطة ahmad7610

:: تجربة قيادة الكورولا الجديدة الجنوب أفريقى :: حصريا :::
---------------------------------------------
الموديل اللى جربته هو 1.6 بالفتيس الجديد MMT professional
وده سعره الرسمى بالحجز 132000 والتسليم الفورى 135000 جنيه
----------------------------------------------------
الكماليات الاساسية ( professional )
-باور - 4 زجاج ك - تكييف بكرة مانوال - راديو CD مع 4 cd changer
- فرامل ABS
- ايرباج بعدد 4 مع زرار فصل الايرباج الخاص بالراكب الامامى
- عجل بقياس 16 _( بدون جنوط )
- تحكم فى الكاسيت من الدركسيون
- تحكم فى الفتيس من زراير خلف عجلة القيادة ( + و - )
- فرش اسود
-الفتيس الجديد MMT ( مانوال و اوتوماتيك )
-فوج لايت امامى
-------------------------------------------------------------


-------------------------------------------------------------
-العربية حجمها اكبر من الموديلات السابقة وتصل لحجم الاوكتافيا واللانسر الجديدة
-
بالتالى العربية فعلا واسعة من جوه وهى العربية الوحيدة اليابانى 2008 اللى تصل لحجم
السيفيك من الداخل ........
-
العربية تنقصها كماليات عن الموديل الأعلى وهو الموديل ADVANCED
يعنى تنقصها ( keyless start - xenon - بخاخات الكشافات - الجنوط الرياضى
- العدادات البلازمة ) وهى كماليات طبعا غير أساسية لكنها بتعطى فخامة .
--
صوت العربية هادى جدا حتى مع زيادة السرعة . ويمكنك نقل الفتيس بين مانوال واوتوماتيك
بزر جنب الفتيس .
-
مع الناقل الاوتوماتيك زيه زى اى عربية اوتوماتيك
-المتعة الحقيقية مع نظام نقل السرعات اليدوى حيث يتم النقل عن طريق الازرار خلف الدركسيون ( بجد تحس انك بتلعب اتارى مش سايق عربية ) :) بدوسة + تنقل السرعة
لاعلى و لو هديت شويه لما تدوس - تعمل نقل لوراء زى ال kick down
العربية تقيلة شويه فى الطلعة لكن السحب بسم الله ما شاء الله ممتاز بس ما حستش ان العربية
دى 140 حصان عادية والله زيها زى اى عربية 1600
( طبعا العربية بسوقها بالراحة لانها مش بتاعتى فاكيد لو قرصت عليها ممكن تجيب اكتر من كده )
-
بشكل عام العربية كورولا :) يعنى مريحة - سواقتها ناعمة جدا - صوت هادىء
-
الشنطة واسعة زيها زى الميجان تقريبا . والعربية عالية زيادة عن اللزوم بس حاجة حلوة طبعا علشان المطبات ......
-
اما بالنسبة للصناعة جنوب افريقى . فالتقفيل مفيش فرق واضح بينها وبين اليابانى
اكيد لو فيه فرق مش حيبان دلوقتى.
-
كنت جربت الكرسى قبل كده وشكيت انه مش ثابت . طلع ان صاحب المعرض مرجع الكرسى للاخر لما عدلت وضعيته مفيش مشكلة فيه ..
-
الكاسيت صوته حلو زيه زى اى كاسيت اصلى مفيش ال bass العالى لكن الصوت قوى وواضح ...

---------------------------------------------------------
بانطباع عام العربية ممتازة جدا فى السعر والحاجة الوحيدة اللى يخليك تفكر قبل ما تشتريها
هى الصناعة بتاعتها .......... غير كده روعة ..
-
المنافسين : اكيد الهوندا سيفيك واللانسر الجديدة والكورولا اعلاهم فى الكماليات
وارخصهم سعرا لكنها مش 100% يابانى ......... فالاختيار والله بينهم صعب ..:)



http://img252.imageshack.us/img252/1...ntoyotamx7.jpg


------------------------------------------------

تكييف بكرة مانوال - راديو CD مع 4 cd changer
- فرامل ABS
- ايرباج بعدد 4 مع زرار فصل الايرباج الخاص بالراكب الامامى
- عجل بقياس 16 _( بدون جنوط )
- تحكم فى الكاسيت من الدركسيون
- تحكم فى الفتيس من زراير خلف عجلة القيادة ( + و - )
- فرش اسود


هههههههههههههه
مبروك على التجربة مع انى كان فيه ناس كتير مشككة فى ده

المهم يا اخى فيه بعض التعقيبات لانى عربينى advanced 1600 جنوب افريقلى الجديدة

التكييف عندى تتش مش بكر - cd changer 6 اسطوانات مش 4 - فرامل abs ebd-
7 airbag - جنوط سبور - الفرش بيج مش اسود وده مضايقنى لانه بيتوسخ بسرعة

العربية حجمها اكبر من الموديلات السابقة وتصل لحجم الاوكتافيا واللانسر الجديدة
العربية اوسع من الانسر الجديده بكتير لانى ركبتها اما الاوكتافيا فالله اعلم لانى االانسر الكبوت بتاعها كبير شويه واكل من الصالون

ويمكنك نقل الفتيس بين مانوال واوتوماتيك[/SIZE]
بزر جنب الفتيس .
على فكرة النقل من مانيوال لاتوماتيك بيكون مباشر من الفتيس بتحويله من m الى e
اما الزرار اللى قدام الفتيس اللى مكتوب عليه ES MMT فده للقيادة الرياضية يعنى لما تكون بتسابق او موقف كده بتدوس عليه فى حاله ال E فقط وده بيخى العربية تسحب اسرع بس بتاكل بنزين


العربية تقيلة شويه فى الطلعة لكن السحب بسم الله ما شاء الله ممتاز بس ما حستش ان العربية
دى 140 حصان عادية والله زيها زى اى عربية

العربيه ممتازه جدا فى الطلعة وسحبها رائع جدا وانا مجربها فى زنقات فى الشوارع الزحمة

وشكرا على تققيمك

المشاركة الأصلية كتبت بواسطة magnooon

لعربية اوسع من الانسر الجديده بكتير لانى ركبتها اما الاوكتافيا فالله اعلم لانى االانسر الكبوت بتاعها كبير شويه واكل من الصالون

افتكر دة صعب شوية عشان قاعدة العجلات في اللانسر أكبر

corolla 2600mm
lancer ex 2635mm

دة غير اني بشوف مساحة أي عربية بطريقة بسيطة و هي اني بركب في كرسي السواق و أضبط الكرسي على طولي و بعدين أرجع ورا و أشوف إيه الأخبار

في اللانسر ركبي ماكانتش لامسة ضهر الكرسي، انما في ال corolla كانت لامسة شوية

أنا طولي 183

مش عملاق يعني بس شغال :D