الموضوع: من فضلكم نصيحة من أصحاب البرافو

المشاركة الأصلية كتبت بواسطة normal

أنا مؤمن بأن الناس إن أجتمعوا على شىء عمره ميبقى غلط
فعلشان أقول لا دا الناس ماشيه بسياسه القطيع دا كلام قديم جدا جدا جدا
قدم الازل
الان الواحد قبل مبيشترى العربيه بيسأل 100 مره ويعرف بينافس مين وأيه حلو وأيه وحش وكلللللل دا
وفى الاخر بيشترى عربيه معينه
أذا قلنا دا طريقه تفكير وكده أعذرونى أحنا بندفن راسنا فى الرمل
وماشين فى درب أخر بعيدا عن العله الاساسيه
فى مبدأ معروف بره أسمه المستهلك دائما على حق
وفعلا القطيع دا على حق
والغلط على فيات إيطاليا وأومترا
وإن لم تتدارك فيات إيطاليا ما وضعت سوق فيات المصرى فيه
فستظل هكذا تجمع فتات ما يتركه الكورى واليابانى والاوروبى الغير إيطالى
فيات المصريه الان تبروز مقوله أحنا الاصل لولا الزمن!!
ومفيش خطوات حقيقيه نحو العلاج.

محدش قال الغلط على أوماترا أوماترا غلطانه بنسبة ٩٠٪ وال١٠٪ بقية العوامل

المشاركة الأصلية كتبت بواسطة ghamrawy

[/size]

بيسأل عن ايه ارخص سعر و احسن شكل و ده بنسبة اكثر من 90 % من المستهلكين انما امان و جودة و متانة لأ ما اظنش

[size=4]

فيات ايطاليا بتنزل الموديلات المناسبة للسوق المصرى و لكن بسعر يعتبر عالى بالنسبة للمنافسين اللى حواليها و لو كانت بتنزل اى عربيات كانت مثلا نزلت الكروما اللى ثمنها يعدى ال 190 الف ج و الابارث اللى ممكن تعدى ثمن جولف 6
و على فكرة ده شان كل العربيات الاوروبى ...الاوروبى الخالص ...هو كده غالى بسبب عملتنا العرة و اللى عايز و هاوى و بيقدر حاجات تانية مش واردة على ذهن معظم الناس من الاساس ..يدفع و يركب و بيشترى امان و جودة و اسم عريق و تميز و كل ده طبعا مش ببلاش زى ما قلت

انما لو الكلام على عدم و جود عربية سيدان من فيات للسوق المصرى من اكتر من 6 شهور فدى مش غلطة
ده جرم بشع
و لو الكلام عن عدم توافر هاتشباك كبير زى البرافو فبرضه ده جرم و كسل من الوكيل و ضعف موقف منه

هو ده الي عايز أقوله

المشاركة الأصلية كتبت بواسطة normal

أعذرنى أنا مش معاك فى الجمله دى
عمر محد بيشترى عربيه يقول قلولى أرخص حاجه وأحسن شكل
هى مكنه حلاقه ولا مكنسه
لايمكن
دى عربيه
عايز أقولك الى مش بيسأل على حاجه بيشتريها بيجى على العربيه ويسأل ويفصص
عندك قسم المقارات فى حد دخل قال أنا عايز أرخص عربييه وأحسن شكل
يا ساده علينا الاعتراف بالاتى
السيارات الايطاليه "فيات" هى الحصان الخاسر على الدوام وفى جميع الفئات
كحقيقه دا شىء كويس
بالطبع لا
ولا يجب أن يكون واحد من أعرق صناع السيارات فى العالم فى مكانة مثل مكانه فيات فى مصر
ولأن علشان نطلع الجبل لازم نآمن أننا لسه على السفح
لازم نعترف أن فيات فى حالها الان فى مصر تحت الصفر
لكل دا أسباب
والاسباب واضحه للعيان وأوضح من قرص الشمس
أومترا
أومترا لاهى بتعرف تبيع ولا تروج وحتى الى بيشترى فيات علشان عرقتها يعاقب بصيانه وقطع غيار أومترا المغاليه فى الثمن
أعذرونى لا أتفق مع أى رأى يرى أن المستهلك عبيط
ولاهو عارف أيه الى فايته يوم مركبش فيات ولا كلام الشعارات دا
المستهلك يريد مكوك فضاء, فقط إن وجد من يعرفه بمزاياه ومن يصونه له بضمير دون نصب
كلامك عن فيات إيطاليا صحيح لكنك فهمت كلامى أنا عنها غلط
فاحشه فيات إيطاليا فى مصر هى إعطائها التوكيل لأومترا والسكوت على المهازل فى المبيعات منه
أعود وأكرر المستهلك دائما على حق
لو أنا مخترع منتج بيعمل التنين ومحدش أشتراه ولا أنتشر أقول ناس هبل!!!!
لا لازم أشوف أيه الى وداهم هناك وبعدهم عنى!

بص يا على، احنا من زمان بنقول ان مبيعات اوماترا وحشة جدا ولا تناسب مكانة فيات بس كنا لازم نسمع من الجانب الاخر وده اللى عملناه انا ويوكو والناس هناك ليها وجهة نظر، تكلفة العربية بتتكون من حاجات كتير، اولها تمن العربية نفسها والتخليص هناك والنقل والتخليص هنا والجمارك والضمان (اللى فيه مفاجأة ان فيات مش ضامنة العربيات اللى بتنزل مصر والوكيل هو اللى ضامنها) ده بجانب الدعاية والمعارض.

كل التكلفة دى مجتمعة بتتقسم على عدد السيارات فى كل رسالة وبالتالى تلاقى سعر العربية عالى وفى نفس الوقت مش قادرين يرفعوا تمن العربية ومعلش اللينيا اللى الكل بيحلف بيها وانها افضل من عربيات تانية كتير اغلى منها، كانوا فين ومحدش اشتراها ليه لما كان سعرها غالى واول ما سعرها نزل الناس خطفتها والاستوك كله خلص، طبعا ده بيأكد وجهة النظر ان المستهلك بيدور على الرخيص مش الغالى والا كان اشتراها لما كانت بالسعر الاول.

ده بجانب ان للاسف فيات بتتعامل مع التوكيل باليورو فقط وطبعا انت عارف اليورو طالع ونازل وبيحصل ان فى رسالة اشتروها بسعر غالي وبعديها على طول الاسعار قلت، طبعا ملهمش دعوة وفيات مش ها تخفض لهم السعر، هما خلاص دفعوا، بجانب ان فيات نفسها مغلية العربيات ومش بتبيع بسعر قليل.

وانا معاك فى حاجة، ان التوكيل مش عايز ينزل اللينيا الا لما تنزل اوتو.

شوف هو فيه تفاصيل كتير وان شاء الله انا ويوكو ها نعمل موضوع مفصل عن الزيارة.

المشاركة الأصلية كتبت بواسطة normal

بردو عايز أناقش حته ان الناس جابوها لأنها رخيصه
يعنى يا محمد لو أى بى إم نزل سعرها ل100 ألف مثلا مش هتتخطف والاستوك هيخلص
أكيد دا هيحصل
هل دا لأن الناس بتجيب الرخيص
بالطبع لأ...ودى النقطه الى عايز أوضحلكوا
الناس أذكيه جدا جدا بس والله أنتوا مواخدين بالكوا
الناس بتشوف إيه الى متقدملها قصاد الى هتدفعه
يعنى لما أشترى بى إم ب100 ألف أبقى بدور على الرخيص...دا أنا أبقى أذكى من على البسيطه
ودا الى حاصل ودا الى مخلى عربيه زى السيراتو منتشره لأن قارن انت دافع فيها أد أيه وواخد منها أيه
الناس مش بتجيب الرخيص...الناس بتقارن بتحقق معادله فاليو فور مانى
بخصوص مبرارت التوكيل...الكلام الى أنت قلته كله إش دراك أنه مش حادث مع أى توكيل أخر مما نشهد لهم بالكفائه
الله أعلم
ولا أومترا عايزه تقول أنا مش قادها
لو مش قادها ترحل ويجى توكيل محترم يرفع فيات لمكانتها الحقيقيه
وهو التوكيل عايز يفهمنا أنه ياعينى غلبان ومبيكسبش
أو أنه أرباحه فتات من وراء وحوش الجمارك وجشع فيات إيطاليا وتذبذب اليورو
إن شاء الله أصدقهم لما أفقد عقلى
أمترا مثلها مثل أى توكيل سيارات فى مصر الجشع هو عنوان التعامل
لكن أومترا مزوداها حبتين تلاته أربعه وعامله غلبانه
من الاخر
أسأل نفسك سؤال يا محمد لو نصير مثلا ولا حتى غبور يا سيدى ماسك فيات دى كانت بقيت كده
لو جوابك كان لأ
يبقى حط أيدك فى أيدى نجيب على أمترا واطيها
لكن لو شايف أن التوكيل غلبان وملوش ذنب واليورو والمافيه وأصل وفصل والكلام دا
ويبقى الحال على ماهو عليه
يبقى بالنسبالى ننصب العزا لفيات من الان

شوف حتة ان الناس بتدور على الصح مش الارخص صدقنى مش كله، ناس كتير بدور على الرخيص مش الجودة، اما مصال البى ام فا طبعا ها تنتشر جدا، وده عشان البى ام عربية محبوبة وليها شعبية كبيرة، فلما سعرها ينزل اكيد الكل ها يشتريها، لكن الفيات بتواجه سمعة قديمة ناتجة عن توكيلات سابقة محسنتش سمعة فيات فى مصر والكل بيفكتر فيات هى العربيات ال128.

ومفيش توكيل مش بيكسب وطبعا الكل بيقول انه غلبان ومش كسبان بس تعالى احسبها بطريقة تانية، مبيعات فيات قليلة، يعنى لو فكر يعمل دعاية ضخمة مش ها يبيع كتير وفى الاخر ها يكون فيه خساير، واى توكيل بيكون شغال بيمزانية محددة، والميزانية دى طبعا مقسمة على كل الماركات اللى عنده عشان كده الدعاية لفيات اقل شويتين، بجانب انهم بيتبعوا اساليب تانية للدعاية غير التسويق المباشر ومحدش ينكر ان سيارات الفيات ابتدت تنتشر (طبعا مش قوى بس فيه تحسن)

اما نقطة عدم نزول اللينيا فى مصر فهى غلطة من التوكيل واللى ماسك الدعاية (واصلا اللى قايم على اعمال الدعاية هو اللى ماسك المبيعات) عشان كان لازم يحافظوا على النجاح اللى وصلت ليه السيارة فى مصر مش انهم يستنوا لشهر نوفمبر تكون الناس نسيت العربية خالص ويكون نزل منافسين تانيين.

اخر حاجة بقى لموضوع نصير، تعالى كده فكر معايا، نصير ايه مصلحته فى ان فيات تنتشر؟؟ اللينيا ها توقف السيراتو بشكل قاطع (خصوصا مع نزول الجير الاوتو) البرافو ها توقف الكوب والجراند ها تمحى البيكانتو، تقدر تقنعنى بقى انه ها يعوز التحسن لسيارات فيات ويوقف مبيعات الكيا؟؟؟؟