يا جماعه عايز رايكوا بس الي مجرب بجد عشان تعبان في الفلوس والله

**yalahwy2010** · 22-05-2010 03:47 AM

الميجان عربية محترمة جدا
وانا هديلك التفاصيل بكرة ...عشان هنام بقى
معلش
بس الخلاصة انها عربية 100 100

**saeed85** · 22-05-2010 04:03 AM

يا جماعه انا شفت العربيه انهارضه و جربتها بس في صوت كده نحيه الي جنب السواق بالظبط عند حزام المان كده زي صوت تزييقه الحاجه الوحيده الي لفتت نظري لما سمعتها بس العربيه كلها ماشاء الله فابريكه و عامله 80000 كم بس صاحبها ماسك في 67000 و موافق علي اني ارفعها في التوكيل و لو فيها اي حاجه يعملهالي هو بيتعامل مع الميكانيكيون العرب هو ده معتمد ولا ايه ؟
و الكصدام من قدام فاكك سنه من اللمين بيقولي دي كلبسات بتركب فيه و الرفف الي جنبه مقطوع قطعه كده من تحت !
قولولي اعمل ايه ؟ معلش متقل عليكوا بس انتوا راكبين الميجان فعارفينها

**behman** · 22-05-2010 04:51 AM

انا مش راكب فرنساوي يا باشا بس بشوف هنا و مع اصحابي الدنيا فيها ايه
بصراحه توكيل بيجو في مصر هنا زباله ... انا رحت الرئيسي و كانو عايزين يشغلوني معاهم بس انا مارضيتش
الرئيسي ده اقرب الي ان يكون ورشه ... و المشكله في الحلاقه و اسعار قطع الغيار ده غير ان في حاجات كتير مش موجوده
اما توكيل رينو بصراحه عرفت من هنا انه في وحش و في مراكز كويسه و مريحين في المعامله ( و ممكن تشوف رأي الناس )
يعني ال 307 او الميجان .... قطع غيارهم قريبه من بعض و الاتنين نفس مستوي الاداء و الرفاهيه و قطع الغيار تقريبا
... بس لو انت ناوي تتعامل مع الوكيل ..... هاتفرق معاك .... و ربنا يوفقك يا معلم في اختيارك

**abasse** · 22-05-2010 11:58 AM

المشاركة الأصلية كتبت بواسطة saeed85

انا سئلت اصحابي الي معاهم ميجان عقدوني منها و قالولي قطع غيارها مولعه و التوكيل اسعاروا نار مع العلم ان الي انا سئلته كان جيب ميجان 2006 بانوراما الهاي لاين بردوا كسر الزيروا في 2007 ب 98500 جنيه و كانت عامله 15000 كم و باعها من فتره ب 78000 جنيه و قالي لازم تتصلح في التوكيل و لو ظهر علامه الصيانه لازم تتطلع علي التوكيل عالطول متستناش عشان لو سبقتها هتقف منك انتوا قولولي ايه رايكوا في العربيه و هل ده صح و اكشف عليها فين و لو فيها ايه مشتريهاش و هل الكشف بتاع التوكيل الشامل هيجيب كل حاجه ممكن تكون بتشاور عقلها و عايزه تتغير ولا ايه ؟

بص ياباشا على اللنك ده

http://www.nilemotors.net/Nile/133307-a.html

**heshamzaky** · 22-05-2010 12:13 PM

على فكرة الرفارف بلاستيك مش صاج فيبر بمعنى ادق

**د.محمود صلاح** · 22-05-2010 12:50 PM

الميكانيكيون العرب معتمد ...

**Sharky** · 22-05-2010 07:39 PM

المشاركة الأصلية كتبت بواسطة saeed85

يا جماعه انا شفت العربيه انهارضه و جربتها بس في صوت كده نحيه الي جنب السواق بالظبط عند حزام المان كده زي صوت تزييقه الحاجه الوحيده الي لفتت نظري لما سمعتها بس العربيه كلها ماشاء الله فابريكه و عامله 80000 كم بس صاحبها ماسك في 67000 و موافق علي اني ارفعها في التوكيل و لو فيها اي حاجه يعملهالي هو بيتعامل مع الميكانيكيون العرب هو ده معتمد ولا ايه ؟

لو عايز تكشف عليها ابعد عن الميكانيكيون العرب لإنه بيتعامل معاهم
روح وديها على التوكيل فرع العبور أحسن

المشاركة الأصلية كتبت بواسطة saeed85

و الكصدام من قدام فاكك سنه من اللمين بيقولي دي كلبسات بتركب فيه و الرفف الي جنبه مقطوع قطعه كده من تحت !

يبقى كان فيه خبطة فى الحتة دى

**eng_ahmedryad** · 22-05-2010 07:52 PM

نصيحة لوجه الله

لو تعبان في الفلوس أبعد عن الميجان 2

ومايغركش الثبات والوسع والكلام ده

لكن لو معاك فلوس تصرف عليها ، يبقى براحتك

ولو جبتها ، بكره هاتفتكر كلامي

**gazzar91** · 22-05-2010 08:16 PM

المشاركة الأصلية كتبت بواسطة eng_ahmedryad

نصيحة لوجه الله

لو تعبان في الفلوس أبعد عن الميجان 2

ومايغركش الثبات والوسع والكلام ده

لكن لو معاك فلوس تصرف عليها ، يبقى براحتك

ولو جبتها ، بكره هاتفتكر كلامي

+111111
أنا معاك
و على فكرة أنا مش بقول كدة من فراغ
و الصورة اللي في التوقيع أكبر دليل!!!