الموضوع: يا جماعه عايز رايكوا بس الي مجرب بجد عشان تعبان في الفلوس والله

المشاركة الأصلية كتبت بواسطة elsarrawy

حضرتك واضح ان معاك عربية 127 وشاهين وأحب اسأل حضرتك على قطع غيارها عاملة أزاي والفرق بين الأصلي الإيطالي والتركي وبين التقليد الي مصري وصيني وغيره وأكيد برده حضرتك عارف أد إيه العربية دي (الـ 127) مازلت بتتباع في مصر برغم مرور أكثر من 35 سنة عليها ودا بيأكد كلامي إن الأوربي أفضل من الآسيوي في حاجات كتير

وأكيد حضرتك اتعرضت لمواقف وعرفت ان عربيتك أقوى وأحسن من عربيات حديثة كتير رغم إنها قديمة جداً وماكنش في ساعتها مواصفات الأمان إلي موجوده دلوقت

وعلى فكره انا لما قولت وجهة نري ورأيي قولته عن تجربة للعربيتين هيونداي النترا ورينو ميجان يعني الكلام عن تجربه شخصيه ومش كلام مرسل
واعتقد اللي يقدر يتكلم ويحكم اكتر عن الميجان هما اصحابها عن اي حد تاني ممكن يكون سمع فقط
واحنا هنا علشان الراجل دخل يسأل أهل العلم الي عندهم العربيه واحنا بنرد عليه بحياديه تامة

وعلى فكره انا اول ما فكرت في الميجان ناس كتير قالتلي لا بلاش اوعى وانا دخلت على النت وقريت وفهمت وسألت أصحابها واستفدت منهم وربنا يسر وجبتها ومبسوط الحمد لله بيها وطلع كل اللي كان بيتقال عليها مش صح وفي مبالغة جامده جداً

ازيك يا سيدى العزيز معلش و اعذرنى لما سوف اقولة ولا تأجذة بمحمل شخصى لان دى اول مشاركة بينى و بينك بص للتوضيح اولا انا لاحظت ان الموضوعات لا تقرأ بتانى و يكون الرد سريع جدا لو حضرتك قرأت ما كتبتة انا من البداية زميل اخر فى المندى كان بيرد على مشاركاتى فى الموضوع مش عارف هو بقرأها كويس ولا بيرد عليا و بس كتبت ان الرفارف فيبر فرجع يقول لى ان الرفارف فيبر و بعدين قلت ان العربية بها سينسور كتير للنور و المساحات فرد يقول انا مسمعتش ان حد اشتكى من السينسور انا و الله مش عارف هل كلامى مش واضح ولا الناس مش فاهمة قصدى و بترد للمشاركة و بس و اخيرا حضرتك كاتب ان انا معى 127 و شاهين لو حضرتك قرأت بياناتى الواضحة حتلاقى مكتوب 127 و تمبرا و صورة التوقيع تمبرا مش هو دة المهم ما اقصدة ان الناس بتكون متعجلة للمشاركو و كتلبة الرد قبل ما تستوعب المغزى الحقيقى و عموما بس للعلم التمبرا اللى معاي نسخة خاصة شوية يعنى بها سينسورز لكل حاجة و فرامل abs و ايرباج و فتحة سقف و حساسات على السيور و الشكمان و الزيت يعنى مش عربية من السبعينات ولما قلت ان الوبشنز الزيادة ساعات بتكون نقمة و ليست نعمة و عموما محصلش حاجة و اختلاف وجهات النظلر لا يفسد للود قضية

المشاركة الأصلية كتبت بواسطة mrsailor

اولا العربية زى ما قولت مش طلعتها و جبت بيها كام و الكلام ده .. ثانيا الاوكتافيا معروفة انها جعانة جرى يعنى سعرانة .. و ثبات غير عادى .. و انا مش باقول ان الرينو بطيئة (راجع اللى قولته على السينيك) .. انما انت عجباك الرينو و راكبها .. بس لو واحد لسه حايشتريها اول مرة من واجبنا اننا نقوله راينا بصراحة .. يعنى انت بتتكلم من وجهة نظرك اللى هى مواصفات موتور و شد و تجميع .. و انا بتكلم من وجهة نظر واحد شارى عربية و حايقعدها معاه و ممكن يحب يبيعها فى اى وقت يعنى من جميع النواحى .. انت مشكور اجتهدت و قولت رايك .. و انا اجتهدت و قولت رايئ .. و الاخ صاحب الموضوع يوزن الكلام و يحدد .. انا ماليش مصلحة انه يشترى اوكتافيا او اى ماركة تانية .. و حضرتك ماليكش مصلحة انه يشترى رينو .. و مافيش ضرر حايقع عليك لو ما اشتراش رينو .. هى اراء و خبرات .. انا يمكن ما اشتريتش رينو قبل كده بس بقالى 22 سنة باركب عربيات و اشتغلت فيهم فترة .. علشان كده باتكلم و بابص للعربية بنظرة اعم من تجميع و كماليات و الحاجات دى .. فى حاجات الواحد بيبصلها كانها check list .. لما عربية بتكون قدامه .. و بيقيمها مبدئيا .. و لو التقييم فى صالح العربية يعنى عدت الاختبار المبدئى بيبدا يبص على الحاجات التانية .. حتى الصناع قالوا عليها كماليات (يعنى مش اساسيات) .. يعنى اعتمادية الموتور مثلا و عمره الافتراضى اهم 1000 مرة من تجميعه و الهورس باور بتاعة .. ثبات العربية على الطريق و احتمالها لظروف التشغيل المختلفة اهم 1000 مرة من نعوميتها فى المطبات .. الاير باج و البارات الحديد و تصفيح الكابينة .. اهم الف مرة من وسع الصالون و الساوند سيستم و شوية الليدات و الالوان اللى موجوده فى بعض العربيات اللى بتنزل .. انا مش بعارض حضرتك .. و سبق و قولت لك انا معجب بالميجان و كلمتك على اعجابى بالسينيك .. بس زى ما قولت لك .. حضرتك ممكن تكون صح فى نواحى معينة انما انا شايف انى صح لو حا نتكلم فى العربية من جميع النواحى .. عموما عايز اسجل اعجابى بالنقاش معاك .. و زى ماقولت لك ان لا انت و لا انا لينا مصلحة شخصية او ضرر لو الاخ صاحب الموضوع اشترى ميجان او حتى جيلى

ياباشا مافيش مصالح لا ليا ولا ليك والخلاف في الرأي لا يفسد للود قضيه زي ما بيقولوا احنا بنقول وجهة نظرنا حضرتك من الي سعمته او قابلته من مواقف للرينو عموماً وانا من تجربتي الشخصية للميجان وبرده تجربة غيري
بس احب انصح الاستاذ الي عاوز يشتري العربية انه مايسمعش كلام أي حد غير اللي مجربنها وبرده يسأل كذا شخص ويجمع الآراء وبعدين يقرر هو محتاج ايه لان الاشاعت عن العربيه دي خلتني اتأخرت سنة في شرائها وكل شيء في الدنيا وله مقابل المهم تقدر تستفاد باكبر استفادة باقل تكلفة ممكنه وكل قصدنا نفيد ونستفيد مع بعض وانا سعيد بالنقاش مع حضرتك وكلنا هنا اخوات واشكرك على المناقشة المثمرة

الاستاذ elsarrawy اشكر لك سعة صدرك و يا جماعة احنا مش بنقول اهلى و زمالك احنا بنستفيد من الكلام مع بعض و مفيش مشاكل خالص و يا رب تشترى الميجان دى

المشاركة الأصلية كتبت بواسطة heshamzaky

ازيك يا سيدى العزيز معلش و اعذرنى لما سوف اقولة ولا تأجذة بمحمل شخصى لان دى اول مشاركة بينى و بينك بص للتوضيح اولا انا لاحظت ان الموضوعات لا تقرأ بتانى و يكون الرد سريع جدا لو حضرتك قرأت ما كتبتة انا من البداية زميل اخر فى المندى كان بيرد على مشاركاتى فى الموضوع مش عارف هو بقرأها كويس ولا بيرد عليا و بس كتبت ان الرفارف فيبر فرجع يقول لى ان الرفارف فيبر و بعدين قلت ان العربية بها سينسور كتير للنور و المساحات فرد يقول انا مسمعتش ان حد اشتكى من السينسور انا و الله مش عارف هل كلامى مش واضح ولا الناس مش فاهمة قصدى و بترد للمشاركة و بس و اخيرا حضرتك كاتب ان انا معى 127 و شاهين لو حضرتك قرأت بياناتى الواضحة حتلاقى مكتوب 127 و تمبرا و صورة التوقيع تمبرا مش هو دة المهم ما اقصدة ان الناس بتكون متعجلة للمشاركو و كتلبة الرد قبل ما تستوعب المغزى الحقيقى و عموما بس للعلم التمبرا اللى معاي نسخة خاصة شوية يعنى بها سينسورز لكل حاجة و فرامل abs و ايرباج و فتحة سقف و حساسات على السيور و الشكمان و الزيت يعنى مش عربية من السبعينات ولما قلت ان الوبشنز الزيادة ساعات بتكون نقمة و ليست نعمة و عموما محصلش حاجة و اختلاف وجهات النظلر لا يفسد للود قضية

حضرتك الاستاذ شاركي من اعمدة المنتدى وقسم رينو بالذات وهو من الناس اللي حببتني في العربيه اثناء البحث عنها وهو لما حضرتك قوت بلاستك او فيبر حب يوضح لحضرتك ان في فرق كبير بينهم ولما حضرتك اشرت إلى الحساسات الي في العربية زي النور والمساحات كان بيوضح لحضرتك ان دا عمره ما كان عيب في العربيه ولا يأثر على أداءها وخاصة ان ماحدش اشتكى منها قبل كده
بالنسبة لموضوع الشاهين فعلاً انا بعتذرك لاني لما كنت بكتب المشاركة كانت الصورة الى في دماغي انها شاهين لكن زي ما حضرتك قولت مش هو دا محور المناقشة وعلى فكره لو حضرتك قرأت المشاركة كويس هاتعرف اني ماقولش على التمبرا (الشاهين زي ما انا قولت بالخطأ) انها موديل السبعينات انا كان كلامي في النقطة دي مخصص لل 127 وانا برده معاك ان ساعات الاوبشنز ساعات بتكون نقمة وليست نعمه وده للي مش بيهتم بعربيته ولكن ساعة الخطر بتحمد ربنا عليها وهو دا ميزة التطور والتكنولجيا وإلا كان زمنا بنستخدم البريد بدل الايميل وكان زمانا ماتعرفناش على بعض واتكلمنا هنا عن طريق النت والكمبيوتر ودايماً التكنولوجا الجديدة بتكون مكلفة وخاصة في بلد زي بلدنا كل الناس بتستسهل وتقول اللي نعرفه احسن من اللي مانعرفوش
وانا بشكرك على مشاركتك وانا فاهم طبعاً ان الموضوع مش شخصي ابداً لا ليا ولا لحضرتك ولأي شخص آخر وبرده انا فاهم ان الموضوع الغرض منه افادة صاحب الموضوع ورأي حضرتك في جميع الاحوال يجب يحترم حتى لو في اختلاف مننا عليه

المشاركة الأصلية كتبت بواسطة heshamzaky

الاستاذ elsarrawy اشكر لك سعة صدرك و يا جماعة احنا مش بنقول اهلى و زمالك احنا بنستفيد من الكلام مع بعض و مفيش مشاكل خالص و يا رب تشترى الميجان دى

يا سيدى الف شكر وربنا يرزقك بيها قبلي او يرزقك بالي تتمناه واخنا كلنا اخوات ومافيش حاجه دا مجرد نقاش الغرض منه اننا كلنا نستفاد ونفيد صاحب الموضوع واكيد برده انا استفدت من النقاش معاك ومع باقي الزملاء
بس صحيح دي ديزل ولا بنزين؟؟ههههههههههه

المشاركة الأصلية كتبت بواسطة elsarrawy

يا سيدى الف شكر وربنا يرزقك بيها قبلي او يرزقك بالي تتمناه واخنا كلنا اخوات ومافيش حاجه دا مجرد نقاش الغرض منه اننا كلنا نستفاد ونفيد صاحب الموضوع واكيد برده انا استفدت من النقاش معاك ومع باقي الزملاء
بس صحيح دي ديزل ولا بنزين؟؟ههههههههههه

شكلها كدة بنزين طيارة مش خسارة فيها ابدا

المشاركة الأصلية كتبت بواسطة elsarrawy

حضرتك الاستاذ شاركي من اعمدة المنتدى وقسم رينو بالذات وهو من الناس اللي حببتني في العربيه اثناء البحث عنها وهو لما حضرتك قوت بلاستك او فيبر حب يوضح لحضرتك ان في فرق كبير بينهم ولما حضرتك اشرت إلى الحساسات الي في العربية زي النور والمساحات كان بيوضح لحضرتك ان دا عمره ما كان عيب في العربيه ولا يأثر على أداءها وخاصة ان ماحدش اشتكى منها قبل كده

الله ينور عليك
و الحمد لله ان كلامى واضح و فيه ناس بتفهمه

مش الكلام الغريب اللى من عينة انك تخبط على الموتور العربية تشتغل !!!

استاذ هشام كلام حضرتك واضح

على فكرة الرفارف بلاستيك مش صاج فيبر بمعنى ادق

يعنى لما اقول لحضرتك انهم فيبر يبقى بصحح معلومة حضرتك

بس المشكلة فى الصيانة عندك سينسور للمساحات و الفوانيس و حاجات كتير قوى

حضرتك بتقوا ان المشكلة فى الصيانة لإن فيه سينسور للمساحات و الفوانيس و حاجات اخرى !!!

لا تعليق