الموضوع: يا جماعه عايز رايكوا بس الي مجرب بجد عشان تعبان في الفلوس والله

المشاركة الأصلية كتبت بواسطة mrsailor

لو تعبان فى فلوسك و عايز عربية ما تتعبكش فى حياتك يبقى ابعد عن الرينو كله .. دور فى حاجة تانية حتى لو هيونداى

على فكره كلنا تعبانين في فلوسنا وجبنا ميجان عادي جداً المهم تشتري حاجه نضيفة وحالتها كويسه وعلى فكره برده أنت ممكن تشتري هيونداي ويطلع فيها مشاكل كتير وتصرف عليها أد تمنها، وأنا شفت الموضوع دا مع صديق ليا.
وعلشان تبقى عارف فعلاً أسعار قطع غيار رينو ممكن تكون غاليه شويه ودا بيرجع لان التوكيل أسعاره غاليه جداً ولعدم انتشارها زي الهيونداي مثلاً ودا بيخلى التجار تبيع بثلاث أرباع سعر الوكيل أو حتى نصف سعره وخلي بالك معظم قطع غيار الميجان أوربي يعني مثلاً يقولك في اصلي وفي تركي وفي أسباني وفي إيطالي (يعني مش زي هيونداي يقولك في تايواني وصيني ومصري ) ودا سبب ارتفاع أسعار قطع غيارها وتخيل أنت بقى لما تيجي تشتري قطعة غيار يقولك الأصلي ولا الإيطالي ولا الأسباني (يعني كله قطع غيار صنعت في بلاد اوربية محترمه وليها باع طويل في صناعة السيارات وقطع غيارها.
ويا ريت الأخ صاحب الموضوع يعرف إن كل إلي بيشتري عربيه مستعمله لازم يصرف عليها ماحدش بيبيع عربيه 10/10 انضف عربيه ممكن تلاقيها 9/10 ودي بتقبى نادره وخصوصاً في الميجان

المشاركة الأصلية كتبت بواسطة heshamzaky

ولا يهمك يا باشا انا كاتب فيبر بمعنى أدق بس بيستحمل الخبطات المعقولة لكن لو بتركن و خبط فى ماسورة او فى حائط وانت خارج من جراج مثلا لو الصدمة مباشرة مش جامدة اوى بتتكسر و لازم تتغير لان شكلها بيبقى عار بس العربية ما شاء اللة جميلة جدا بس المشكلة فى الصيانة عندك سينسور للمساحات و الفوانيس و حاجات كتير قوى صاحبى دة الى معاة الميجان و هو راجع مرة على الدائرى خد مطب محترم شوية العربية بطلت و هو غنى ظلموة لغاية ما دارت

وأنا اقدر اقولك من تجربتي مع الميجان إني وأنا راجع من العين السخنة الشهر إلي فات وكان معايا أصحابي يعني العربية فيها أربع أشخاص ماخدتش بالي ولبست ثلاث مطبات من الأربعة إلي موجودين في دخلة القاهرة بسرعة 140 كم في الساعة وكان لبسهم قبلي واحد معاه عربيه آسيوي لا داعي لذكر ماركتها وموديلها وهو كانت سرعتها اقل مني وركن على جنب بعد المطبات ويبص على إلي حصل لعربيته وأنا كملت عادي لان حسيت إن العربيه مافيهاش حاجه وحتى مافكرتش انزل ابص ومن ساعتها والعربيه زي الأول عادي ولا أكن في حاجه
فدا مش مقياس وبيرجع لثقتك في سيارتك واهتمامك بيها

المشاركة الأصلية كتبت بواسطة mrsailor

و الله انا ماشفتش حد معاه رينو و مرتاح .. هى مش مشكلة مطب و ثبات و بس لان فى عربيات فيها المواصفات دى و احسن من الرينو .. فايه اللى يخليك تختار الرينو و تسيب العربيات التانية .. و كمان لما تختار عربية اختار حاجة الصنايعية فهماها و السوق بيحبها .. لان العربية فى مصر مع غلو الاسعار ما ينفعش تاخدها بالشكل و الامكانيات و بس لازم تحسبها من كل النواحى .. توكيل - اعادة بيع - اعطال - صيانة .. ممكن تشوف المشاركات اللى على الرينو و تشوف مشاكلها ده بالنسبة لصاحب الموضوع .. و بالنسبة ليك ربنا يبارك لك فى عربيتك و يكفيك شرها

كلام من الاخر و مافيهوش غلطة و شكرا لرجاحة العقل التى تتمتع بها ماشاء اللة بس احنا ساعات بنحب نجادل و بنبقى مش فاهمين الكلام مغزاة اية بس بندافع و السلام بتحيز وعدم مصداقية مع النفس مش شرط مع الغير وشكرا لك قلت كل الى كنت عاوز اوصلة

المشاركة الأصلية كتبت بواسطة mrsailor

و الله انا ماشفتش حد معاه رينو و مرتاح .. هى مش مشكلة مطب و ثبات و بس لان فى عربيات فيها المواصفات دى و احسن من الرينو .. فايه اللى يخليك تختار الرينو و تسيب العربيات التانية .. و كمان لما تختار عربية اختار حاجة الصنايعية فهماها و السوق بيحبها .. لان العربية فى مصر مع غلو الاسعار ما ينفعش تاخدها بالشكل و الامكانيات و بس لازم تحسبها من كل النواحى .. توكيل - اعادة بيع - اعطال - صيانة .. ممكن تشوف المشاركات اللى على الرينو و تشوف مشاكلها ده بالنسبة لصاحب الموضوع .. و بالنسبة ليك ربنا يبارك لك فى عربيتك و يكفيك شرها

ما الأعضاء هنا كلهم معاهم رينو والحمد لله مرتاحين ومبسوطين بيها جداً وعلى فكره انا بتكلم من واقع تجربه شخصية
يعني حضرتك أنا كان معايا هيونداي النترا 2006 من الزيرو وكنت بعمل صيانتها وكل حاجه في مواعيدها وبعدين شفت اللي بيحصل في الهيونداي من حوداث وعربيات مقلوبه والناس بتطلع منها متبهدله أد إيه دا بخلاف غبور الي سمعته سبقاه
شوف حضرتك هيونداي موديل 2006 ومافيهاش لا إي بي أس ولا اريباجه واحده حتى ولا طبعاً إي بي دي ولا أي سنسور من الموجود في الميجان والصاج بتعها ورق والله ورق دا مره واحد صاحبي بيهظر معايا وخبط الصاج بتاع الرفرف بايده الصاج دخل مطلعش وروحت لسمكري علشان يرده على البار ومرجعش زي الأول
انا مانكرش ان الهيونداي النترا كان ثباتها ممتاز لأني جبت بيها 210 كم/س على طريق اسكندريه الصحراوي بالليل قبل التعديلات اللي بيعملوها فيه الطريق بس فرمل بقى كده شوف هاتقف في ادي ايه وامتى!!!!!!!!!!
انا اول ما اشتريت الميجان ومتعود على فارمل الهيونداي بفرمل لاقيت العربية وقفت مرة واحده اتخضيت واخدت وقت على ما اتعودت على الفرامل بتاعة الميجان اللي بتشعرلها بتقف
وبالنسبة للثبات الميجان برغم إن التعليق الخلفي مش ازرع متعددة زي الالنترا بس الثبات واحد تقريباً وذلك برغم من ارتفاع الميجان بالنسبة للهيونداي عن الأرض
ميزة هوينداي طبعاً إن أي ميكانيكي بيعرف يشتغل فيها وقطع غياراها ارخص مش بكتير يعني بس أنت لو رحت تجيب الاوريجنال من التوكيل هاتعرف إن مافيش فرق بين أي توكيل وغيره لان كل التوكيلات غاليه
وبالنسبة الميجان اخدت وقت علشان اعرف الناس المتخصصة فيها وبعد ماعرفتهم بقت كل حاجه سهلة ولذيذة
وخلي بالك لما بتقيس تكاليف إصلاح مشاكل السيارة بتقيسها بممزاتها يعني ما ينفعش تقولي مثلاً (ودا على سبيل المثال فقط) إن شريط الاريباج عاوز يتغير ب 500 جنيه وهيونداي الي اصلاً مافيهاش ايرباج مش هاتدفع ال500 جنيه دول فكده انت جبت الأحسن والأرخص
فخلي بالك أنت بتدفع تمن الاوبشنز اللي في العربية مرتين مرة عند شراء العربية ومره عند شراء أو تصليح قطع الغيار ودا في كل العربيات يعني عربيه بتكييف تكلفة صيانتها أغلى من لما تكون عربيه من غير تكييف
وخلي بالك الجمارك على السيارات الاوربية بتنزل كل سنة بداية من 2010 ودا بينزل سعر المستعمل (الاستيراد) وقطع الغيار الجديدة كمان
وبعدين من الآخر وعن تجربه وبصراحه انا ماندمتش لحظه إني جبت الميجان وبعت الالنترا الي كانت معايا من الزيرو بالعكس ميجان دي ركوبه وكل اللي معاه ميجان يعرف معنى كلامي ده

المشاركة الأصلية كتبت بواسطة heshamzaky

كلام من الاخر و مافيهوش غلطة و شكرا لرجاحة العقل التى تتمتع بها ماشاء اللة بس احنا ساعات بنحب نجادل و بنبقى مش فاهمين الكلام مغزاة اية بس بندافع و السلام بتحيز وعدم مصداقية مع النفس مش شرط مع الغير وشكرا لك قلت كل الى كنت عاوز اوصلة

حضرتك واضح ان معاك عربية 127 وشاهين وأحب اسأل حضرتك على قطع غيارها عاملة أزاي والفرق بين الأصلي الإيطالي والتركي وبين التقليد الي مصري وصيني وغيره وأكيد برده حضرتك عارف أد إيه العربية دي (الـ 127) مازلت بتتباع في مصر برغم مرور أكثر من 35 سنة عليها ودا بيأكد كلامي إن الأوربي أفضل من الآسيوي في حاجات كتير
وأكيد حضرتك اتعرضت لمواقف وعرفت ان عربيتك أقوى وأحسن من عربيات حديثة كتير رغم إنها قديمة جداً وماكنش في ساعتها مواصفات الأمان إلي موجوده دلوقت

وعلى فكره انا لما قولت وجهة نري ورأيي قولته عن تجربة للعربيتين هيونداي النترا ورينو ميجان يعني الكلام عن تجربه شخصيه ومش كلام مرسل
واعتقد اللي يقدر يتكلم ويحكم اكتر عن الميجان هما اصحابها عن اي حد تاني ممكن يكون سمع فقط
واحنا هنا علشان الراجل دخل يسأل أهل العلم الي عندهم العربيه واحنا بنرد عليه بحياديه تامة
وعلى فكره انا اول ما فكرت في الميجان ناس كتير قالتلي لا بلاش اوعى وانا دخلت على النت وقريت وفهمت وسألت أصحابها واستفدت منهم وربنا يسر وجبتها ومبسوط الحمد لله بيها وطلع كل اللي كان بيتقال عليها مش صح وفي مبالغة جامده جداً

المشاركة الأصلية كتبت بواسطة mrsailor

و الله انا ماشفتش حد معاه رينو و مرتاح .. هى مش مشكلة مطب و ثبات و بس لان فى عربيات فيها المواصفات دى و احسن من الرينو .. فايه اللى يخليك تختار الرينو و تسيب العربيات التانية .. و كمان لما تختار عربية اختار حاجة الصنايعية فهماها و السوق بيحبها .. لان العربية فى مصر مع غلو الاسعار ما ينفعش تاخدها بالشكل و الامكانيات و بس لازم تحسبها من كل النواحى .. توكيل - اعادة بيع - اعطال - صيانة .. ممكن تشوف المشاركات اللى على الرينو و تشوف مشاكلها ده بالنسبة لصاحب الموضوع .. و بالنسبة ليك ربنا يبارك لك فى عربيتك و يكفيك شرها

عندك هنا فى المنتدى لا يقل عن 25 عضو معاهم ميجان و كلهم و الحمد لله مبسوطين و مرتاحين مع الميجان من حكم تجربة و امتلاك لعدة سنوات مش كلام و سمع !