الموضوع: اللي عنده نيو أكسنت يتفضل يقول رأيه فيها

المشاركة الأصلية كتبت بواسطة mtradwan

ليه مفيش حد عايز يرد عليا؟

أهو الراجل رد عليك أهو ... بس الموضوع بياخد وقت عشان الناس تشوفه برضه


لسه عندي أمل في مشاركات الملاك أكتر من كده يا شباب

بصراحه انا عجبانى العربيه جدا وركبتها فى المعرض وماشاء الله عليها والله بالنسبه لسعرها ده جميله جدا والصالون جميل والشنطه جميله وماتور وشكل بصراحه جميله جدا وان شاء الله ربنا يتمم بخير واستلم خلال الاسبوع ده

بالتوفيق واهم حاجه صلاة الاستخااره قبل كل شئ

هو زى ما هو واضح من الردود المشكله الرئيسيه عند الناس هى العفشه و الثبات و التنطيط ... انا معايا نيو اكسنت 2010 اوتو ماتيك عامله 15000 كم
العربيه ممتازه فى كل الجوانب معايا لحد دلوقتى (سحب, تقفيل بالنسبه لسعرها, عزل الصوت, التكييف, المساحه الداخليه)
بالنسبه للعفشه هى فعلا ناشفه, بس مش لدرجه لا تحتمل يعنى .. و زى ما الناس قالت فى عربيات كتير عفشتها ناشفه .. و ده عشان عفشه رياضيه و هيديك عمر اطول ليها

موضوع الثبات و التنطيط .. فعلا العربيه صعبه اوى فى الموضوع ده .. بس زى ما انا كنت كاتب موضوع عن الكلام ده قبل كده .. العربيه و الله محتاجه جنط 15 بس مش اكتر .. انا جبت الجنط و انا عارف انه هيحسن العربيه بس متخيلتش ابدا انه هيبقى للدرجه دى
العربيه تقلت جدا .. مسكت الارض اكتر بكتير و ده طبعا خلى الثبات ممتاز سواء على سرعات عاليه او فى الملفات ... الفرامل كمان بقت اقوى كتير و وقت ما بعوز العربيه تقف ببقى واثق من الفرامل .. و اخيرا التنطيط قل كتير جدا .. بقى فى بس تنطيط بسيط اوى مش اى حد يلاحظه و لو خدت مطب هوا جامد بسرعه عاليه شويه
و الاخ اللى كان بيقول لما بيركب مع عيلته مش بيعرفوا يشربوا ميه .. مش عارف كنت بتاخد بالك من ده و لا لا .. بس المفروض انك لو محمل العربيه تزود ضغط الهوا ل 33 .. انا كنت فاكر فى الاول ان الكلام ده مش بيفرق و انه تناكه اجانب .. بس فعلا فرقت كتير جدا جدا جدا

الخلاصه .. العربيه مش احسن عربيه فى الدنيا و ليها عيوبها .. بس انت تشوف اهتماماتك و لو العيوب دى تقدر تستحملها فاتكل على الله
العربيه ممتازه .. استهلاك بنزين كويس جدا .. كماليات معقوله .. بتجرى حلو .. شكلها جميل ... قطع غيار رخيصه عموما و ان كانت غاليه بالنسبه لمعظم سيارات هيونداى .. عيبها بس العفشه و الثبات و التنطيط, ليه كذا علاج يقللهم جدا و ممكن تتعايش معاهم بشكل كبير

و ربنا معاك بقى :)

اكسنت اوتوماتك 2010 زي الفل

عربية عملية و منتشرة و اكتر حاجة بتتباع اليومين دول بعد السيراتو

المشاركة الأصلية كتبت بواسطة karakero

هو زى ما هو واضح من الردود المشكله الرئيسيه عند الناس هى العفشه و الثبات و التنطيط ... انا معايا نيو اكسنت 2010 اوتو ماتيك عامله 15000 كم
العربيه ممتازه فى كل الجوانب معايا لحد دلوقتى (سحب, تقفيل بالنسبه لسعرها, عزل الصوت, التكييف, المساحه الداخليه)
بالنسبه للعفشه هى فعلا ناشفه, بس مش لدرجه لا تحتمل يعنى .. و زى ما الناس قالت فى عربيات كتير عفشتها ناشفه .. و ده عشان عفشه رياضيه و هيديك عمر اطول ليها

موضوع الثبات و التنطيط .. فعلا العربيه صعبه اوى فى الموضوع ده .. بس زى ما انا كنت كاتب موضوع عن الكلام ده قبل كده .. العربيه و الله محتاجه جنط 15 بس مش اكتر .. انا جبت الجنط و انا عارف انه هيحسن العربيه بس متخيلتش ابدا انه هيبقى للدرجه دى
العربيه تقلت جدا .. مسكت الارض اكتر بكتير و ده طبعا خلى الثبات ممتاز سواء على سرعات عاليه او فى الملفات ... الفرامل كمان بقت اقوى كتير و وقت ما بعوز العربيه تقف ببقى واثق من الفرامل .. و اخيرا التنطيط قل كتير جدا .. بقى فى بس تنطيط بسيط اوى مش اى حد يلاحظه و لو خدت مطب هوا جامد بسرعه عاليه شويه
و الاخ اللى كان بيقول لما بيركب مع عيلته مش بيعرفوا يشربوا ميه .. مش عارف كنت بتاخد بالك من ده و لا لا .. بس المفروض انك لو محمل العربيه تزود ضغط الهوا ل 33 .. انا كنت فاكر فى الاول ان الكلام ده مش بيفرق و انه تناكه اجانب .. بس فعلا فرقت كتير جدا جدا جدا

الخلاصه .. العربيه مش احسن عربيه فى الدنيا و ليها عيوبها .. بس انت تشوف اهتماماتك و لو العيوب دى تقدر تستحملها فاتكل على الله
العربيه ممتازه .. استهلاك بنزين كويس جدا .. كماليات معقوله .. بتجرى حلو .. شكلها جميل ... قطع غيار رخيصه عموما و ان كانت غاليه بالنسبه لمعظم سيارات هيونداى .. عيبها بس العفشه و الثبات و التنطيط, ليه كذا علاج يقللهم جدا و ممكن تتعايش معاهم بشكل كبير

و ربنا معاك بقى :)

جزاكم الله خيرا علي ردك المجمل ده
هي فعلا عربية كويسة و أنا عاجبني شكلها و امكانياتها و سعرها
وعاجبني أكتر انها 1600 و بتستهلك بنزين قليل عن الفئة دي ... يعني أسمع ان استهلاكها أفضل كتير من الصني و الجن2

كل اللي مضايقني هو التنطيط ده و موضوع العفشة ... جايز يكون تغيير الجنط بيفرق بس ياتري تمنهم لو حطيتوا علي تمن العربية أصلا و فكرت في صني مثلا يبقي أحسن؟

يعني هل العربية تستاهل اني أشتريها زيرو و أصرف عليها تمن 4 جنوط عشان أحسن من الأداء؟

المشاركة الأصلية كتبت بواسطة attaromar

اكسنت اوتوماتك 2010 زي الفل

الله يطمنك لأني حاطط في دماغي اجيب أوتوماتيك.

المشاركة الأصلية كتبت بواسطة chicobon

عربية عملية و منتشرة و اكتر حاجة بتتباع اليومين دول بعد السيراتو

معاك حق و انتشارها ده نقطة مهمة في صالحها ...

المشاركة الأصلية كتبت بواسطة egycars

بس ياتري تمنهم لو حطيتوا علي تمن العربية أصلا و فكرت في صني مثلا يبقي أحسن؟

يعني هل العربية تستاهل اني أشتريها زيرو و أصرف عليها تمن 4 جنوط عشان أحسن من الأداء؟

الفكره مش تستاهل و لا لا .. الفكره انك تقارنها بالاختيارات التانيه ..
يعنى الصنى مثلا زى ما انت بتقول بالنسبه لى شكلها مش حلو (دى ازواق) .. و كان فيها مشكله ان المساعدين ورا متوصلين بقايم مره واحده و ده كان بيقلل عمرهم فى المطبات (مش عارف لسه كده فى الموديلات الجديده و لا لا, بس لحد 2008 مثلا كانت كده)
و الاهم من ده كله سعر قطع الغيار .. يعنى النيو اكسنت قطع غيارها غاليه نسبيا بالنسبه لقيه عربيات هيونداى لكنها ارخص بكتير من غيرها .. يعنى انا بحب الجين 2 جدا, و شايف انها عربيه تحفه .. بس قطع غيارها غاليه اوىىىىىىىىى, يعنى حرام اجيب عربيه و يوم ما احتاج اغير فيها حاجه ادفع اد كده (و متقوليش عربيه زيرو مش هتصرف, لانها لازم هتصرف) .. الصنى مش عارف اسعار قطع غيارها, بس دى يابانى يعنى غالبا غاليه جدا برضه