ياريت حد يقولى مكان اقدر اشترى منه الفريون و العده يكون قريب من عين شمس او فى مدينه نصر
لإنى دايخ على حد بيبيع الحجات دى و مش لاقى
ياريت حد يقولى مكان اقدر اشترى منه الفريون و العده يكون قريب من عين شمس او فى مدينه نصر
لإنى دايخ على حد بيبيع الحجات دى و مش لاقى
موضوع جميل بارك الله فيك السوال هنا العده دي اجبها منين
وهل انا لو الشحنه فرغت مني عشان كان في تسريب من البلف
هل لازم اضيف زيت كمان ( بيطير مع الفريون) زيت الكمبريسور
انا جربت الموضوع بس لاحظت حاجه
لما قيست الضغط على السلانسيه كان فوق ال 120 تقريبا و كنت كل لما ازود بنزين الضغط يقل (و ده شئ منطقى )
فالمفروض انى اظبط ضغط الفريون مع rpm قد ايه ؟؟؟
لإن انا دلوقتى لما جربت الموضوع سربت فريون كتير و انا بوصل الخراطيم فى الاول و لما شحنت برضه كتير بس معرفشى هل شحنت بالمقدار اللى فقد و لا لسه ناقص عندى
ملحوظة
الضغوط فى الفريون 12 تختلف عن الضغوط فى فريون 134 و كلاهما يعتمد على حرارة الجو
يا جماعه ارجوكم ساعدونى التكييف عندى هيجننى كورسا 2005
روحت لاتنين فنيين مختلفين يكبسوا مفيش حاجه وبعملوا شفط وبعدين يشحنه يشتغل كويس و بعدين يضعف
لحد امبارح عملت نفس القصه و انا ماشى انهارده على الدائرى مشوار طويل فى نص الطريق التكيف ضعف والهواء ضعف بعد ما نزلت من عليه قولت اجرب افصل التكييف واشغله الهواء رجع كويش تانى وبدا يبرد
حد يقلى اعمل
موضوع في غاية الروعة
تسلم ايدك
و جزاك الله كل خيرا و جعله في ميزان حسناتك
يعنى انا لو عملت فاكيوم لازم احط زيت
هوانا لو حبيت ازود شوية فريون لازم العدادت دى
ياجماعه انا جربت الموضوع ده والحمد لله التكيف ميه ميه
العدة جبتها من شارع نجيب الريحانى بوسط البلد كلهم محلات تكيف هناك
العداد المفرد ب 35 ج او اللى عاوز العدادات كامله بالخراطيم ب100 جنيه
الخراطيم لوحدها ب25 ج وهنحتاج لطقم كابلر ب 25 ج
البلف هناك ب 3 جنيه والفريون ال500 جرام وده يكغى عربيه لو فاضيه خالص ب 35 جنيه ماركة اخوان رزق وده مصرى بس الكل بيشكر فيه وانا جربته تمام ذى الفل
الموضوع سهل والاحسن نشترى كمان الترمرمتر عشان نقيس الحرارة اللى خارجه من فتحات التكيف وهناك بيتباع الديجيتال ب 20ج
والحمد لله كانت حرارة الجو يوم ما شحنت التكيف حوالى 35 مئويه ولما قست فتحات التكيف كانت 5 مئويه
كله يجرب الموضوع سهل واوفر كتير يعنى تكلفة علبة الفريون 35 ج بندفع بره اقل حاجه 150 وفيه 200 جنيه كمان
بس فيه معلومه عاوز اضيفها ان طرف الخراطيب اللى متنى ده اللى بيركب فى الكابلر فى العربيه ةكمان بيركب فى علبة الفريون
انا جربت الموضوع ده فى عربية صاحبى اللى كانت مسربه فريون بس بعد الشحن بالطريقه دى بئت ممتازه ولكن ياريت ناخد بالنا من الكميه المطلوبه ونزودش عشان الزياده ممكن تدمر اى حاجه ذى السربنتينه او لاقدر الله الكمبريسور نفسه عشان كده هتلائى استيكر على الكبوت غالبا مكتوب عليه كمية الفريون المطلوبه ذى(R134 450 gram to 550 g) فلو العربيه فاضيه خالص هنحط عبوة 500 جرام اما لو ناقصه وهنزود هيبئى صعب نحسبها بالذات فى الكمبريسور الجديد
مشكور على مجهودك يا دكتور وبعد اذنك كان ليا استفسار
انا معايا لانوس 1 وبحاول اشحنها وبلاحظ انى لما ببدأ اول خطوة بتفريغ الهواء من الخراطيم بفتح المحبس مش بسمع اى صوت ولا كأنى فاتح المحبس فى الهواء ولما حاولت اتجاهل الخطوة دى واشحن بلاقى ان قراية العداد مش بتتغير من ساعة ما ركبت الانبوبة عليها وانها قراية عالية لا بتطلع ولا بتنزل مع انى بحس ان الانبوبة بتسقع وحاولت اصبر عليها واتابع الاداء مش ملاحظ اى تغيير فى درجة حرارة الهواء الخارج من البلاور داخل الصالون
انا مش عارف انا بعمل حاجة غلط ولا العدة او العربية فيهم حاجة مش مظبوطة
على فكره انا وقعت فى نفس مشكلتك لان تكيف عربيتك من النوع الحديث Variable displacement Compressor وده مشكلته انه دائما بيحاول يحافظ على الضغط المنخفض بتاعه عن طريق تغير من قوه الكباس والمشكله انه لما بتقيس الضغط الواطى وانت بتشحن العداد مبيزدش ولا يتحرك والتبريد ثابت ولكن انت بتشحن والضغط على الكمبرسور بيزيد ويبان فى عداد الضغط المرتفع وممكن لما يزيد اوى يخلى صمام الامان يفصل الكمبرسور ودا حصل معايا و لما عرفت السبب فضيت الشحن الزياده بس من غير محسبها طبعا لحد ماحسيت ان كفايه كده.
المشكله انه مينفعش تحسبها صح مع النوع الحديث ده من الكمبرسور والافضل انك تعمل فاكيوم وتشحن الفريون طبقا للوزن المطلوب مش بقياس الضغط وربنا يستر
هل موتور تلاجه 1/5 حصان كويس للكبس والفاكيوم
ازاى احط زيت فى الكباس والدوره فاضيه خالص
ياجماعة الخير ... دلوقتي كيلو الغاز 134 اخوان رزق ب 50 جنيه .... والصنايعية يقولك خصم خاص وشحن فريون ب 120-150 !!!! ليه مصنعية 100 جنيه .... بفضل الله جبت العدة وشحنت العربية وخدت نص كيلو يعني 25 جنيه !! اللي بيعملوه الصنايعية استغﻻل رسمي
يا جماعة انا قررت اخوض التجربة
انا عربيتى دايو ماتيز موديل 2001
عايز اعرف بتاخد نوع فريون ايه والضغط كام
العفو الشكر لله...حضرتك لو تابعت مواسير التكييف حتﻻقي فلتر زي اللي ف اللينك ده...ممكن يكون عليه عدسة توضيح شفافة او ﻻ حسب موديل العربية او الفلتر ... وده لما بيتسد بيتغير عادي
http://www.google.com.eg/search?q=ca...ed=0CAYQ_AUoAQ
ازاى نعمل عمليه شفط للهوا داخل دائره التبريد عن طريق ماتور ثلاجه
لو كلامى صحيح فى ماسورتين فى الماتور واحده سحب وواجده طرد بيتهيئلى نحط الخرطوم الخارج من العداد على ماسوره السحب ولكن العداد الواحد ينفع للموضوع ده علشان نوصل لضعط -30
انا كبست التكييف عندى هوا لقيت تسريب فى المكثف الى قدام الرداتير فى طبه جلد من تحت خارج منها الهوا فياريت لو حد عنده معلومه ازاى نفك المكثف ونغير الجلده للمعلومه عربيتى افيو 2007
ازاى نعمل عمليه شفط للهوا داخل دائره التبريد عن طريق ماتور ثلاجه
لو كلامى صحيح فى ماسورتين فى الماتور واحده سحب وواجده طرد بيتهيئلى نحط الخرطوم الخارج من العداد على ماسوره السحب ولكن العداد الواحد ينفع للموضوع ده علشان نوصل لضعط -30
انا كبست التكييف عندى هوا لقيت تسريب فى المكثف الى قدام الرداتير فى طبه جلد من تحت خارج منها الهوا فياريت لو حد عنده معلومه ازاى نفك المكثف ونغير الجلده للمعلومه عربيتى افيو 2007
انا دلوقتى فكيت المكثف وطلعته بره العربيه ووديته ورشه علشان الحمه لان الجديد سالت عليه 700 جنيه ان شاء الله لو الموضوع تم بحمد الله هعمل موضوع ازاى نكشف على دوره التبريد ولو كان فيها تسريب نعمله ازاى وكيفيه عمل فالكوم ثم شحن التكييف دعائكم معايا
حد يعرف الاسعار دلوقتى ايه
لان واحد بيقولى العداد بقى ب 500 جنيه
؟؟؟
العداد فرده واحده جبته 35 و2 خرطوم وسكس بلف بيركب فى انبوبه الفريون كلهم كلفو 50 جنيهhttp://nileup.com/up/uploads/nilemotors_14348498381.jpg
جزاك الله خيرا ، ولكن تمنيت لو انك نزلت المراحل بالصور وحدة وحدة
ليا استفسار في الجزء دهاقتباس:
.وعلى طول هنلاقي العداد طلع قراءة...المفروض انها حسب عربيتي لو التكييف مشحون مظبوط متزيدش عن 27psi...
المفروض ده قبل تشغيل التكييف القراءة تبقى 27 ولا والتكييف شغال
سؤال انا البالف فى العربيه نتايه اى عكس الى فى الصوره يعنى مش زى بالف العجل يعنى الصاموله من الداخل
وشكرا