الله ينور عليك يا دكتور و يجعله فيميزان حسناتك
الله ينور عليك يا دكتور و يجعله فيميزان حسناتك
الله ينور موضوع ممتاز .
:satelite::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]:
الف شكر ليك
موضوع اكثر من ممتاز
بارك الله فيك
ربنا يبارك فيك موضوع مميز جدا جزاك الله كل خير
قُمت بشراء العده مع الفريون وتم الشحن بنجاح
وفعلا يا جماعه لازم التيفلون ده عشان ميحصلش تسريب للفريون وده عند اي محل ادوات صحيه
شكرا لك وربنا يجعل مجهودك ده في ميزان حسناتك
انا شوفت موضوعك ده من 3 ايام تقريبا وتم التصويت وأجلت الرد لحين تنفيذ المهمه
بس لي سؤال بالنسبه للعدسه هل يظهر فيها جريان الفريون ام انها تظهر كأنها فارغه زي المياه النقيه بدون اي تحرك
وبالنسبه للتكيف اشتغل تمام والحمدلله عدت سليمه هو حصل تسريب بسيط اول ماربطت علبة الفريون بالمؤشر لكن فكيت وزودت تيفلون وانتهى التسريب
ما شاء الله... والله ربنا يبارك لكم على المواضيع دى...
شكرا لك و جزاك الله خيرا
جزيل الشكر ----- معلومات قيمة تغنينا عن السؤال
الف مليون شكر علي المعلومة الأكثر من رائعة ..انا كان نفسي من زمان اعرف المعلومة دي علشان انفذها وابعد من اشتغالة الصنيعية ...بس كان ليا كام سؤال ...منين نشتري الفريون ...العدسة موجودة في الدايو اللانوس وفين مكانها .....ضغط الفريون في اللانوس كام
وأخر حاجة العدة اللى فيها عدادين ما فائدته وكيفية توصيلة و استخدامة
وجزاك الله خيرا..
الف مليون شكر علي المعلومة الأكثر من رائعة ..انا كان نفسي من زمان اعرف المعلومة دي علشان انفذها وابعد من اشتغالة الصنيعية ...
لا شكر على واجب
بس كان ليا كام سؤال ...
اتفضل
منين نشتري الفريون ...
من عند بتوع قطع غيار التلاجات والغسالات زي ما قلنا...اللي انت هتجيب من عنده العدادات
العدسة موجودة في الدايو اللانوس وفين مكانها .....
العدسة موجودة في حاجة اسمها المجفف وده عامل زي البرطمان الالمونيوم وبتبقى موجودة في صدر العربية....ممكن ميكونش موجود فيه عدسة فانت هتمشي مع دورة التكييف وبالذات الماسورة اللي خارجة من السربنتينة وداخلة لصدر العربية واذا كانت موجودة هتشوفها
ضغط الفريون في اللانوس كام
اللي اعرفه عامة ان الضغط في المنطقة المنخفضة (الماسورة اللي طالعة من الصالون للكباس) في الاحوال الطبيعية ميزيدش عن
30 وده ينطبق على معظم العربيات
وأخر حاجة العدة اللى فيها عدادين ما فائدته وكيفية توصيلة و استخدامة
بص ده للشحن الاستاندارد ولتشخيص بعض المشاكل
التوصيل قبل كل حاجة لازم المحابس كلها مقفولة ونشغل المكيف
بيتوصل الخرطوم الازرق في الناحية اللي داخلة للكومبريسور زي ما عملنا
والاحمر في ناحية الضغط المرتفع المفروض الشحن الكامل عند 230 تقريبا
والاصفر في علبة الفريون....
وتبدأ الشحن زي ماقلنا قبل كده
لو الدايرة كانت فاضية خالص....زي ما مثلا الصنايعي عمل صيانه استدعت فك اي قطعة وبعد كده سحب الهوا من الدايرة باستخدام كباس خارجي...
في هذه الحالة اسلوب الشحن اللي احنا بنعمله مش هينفع لأنه هيبقى بطئ نسبيا لأنه للتزويد بس
الاسلوب بتاعنا ده اسمه الشحن في الحالة البخارية (Vapor Phase) لأننا بنخللي علبة الفريون واقفة رأسيا وبنشحن من ناحية الضغط المنخفض فالعلبة بيبقى بخار الفريون فوق والفريون السائل تحت.....بينما لو بنشحن من الفراغ خالص في الحالة دي بنقفل المحبس بتاع العداد الازرق ونبدأ نشحن بفتح المحبس الاحمر ونقلب علبة الفريون فالسائل جوه العلبه ناحية الفتحة والبخار لفوق
وده اسمه شحن (Liquid Phase)
وده مش بينصح بيه الا مع المحترفين وفي حالة فراغ الدورة
وجزاك الله خيرا..
وإياك
الف شكر يا بروفيسور......كدة الموضوع بقي متكامل
بجد اللة ينور وربنا يكرمك يا دكتور
احمد شعراوى
من نادى سموحة بالاسكندرية 0122929721
في ناس بتقول ان الضغط يبقي 35 او 40 وانت 27 انت عرفت ازي واية الصح وهل بتختلف من عربية لاخري
ولك جزيل الشكر والعرفان
في ناس بتقول ان الضغط يبقي 35 او 40 وانت 27 انت عرفت ازي واية الصح وهل بتختلف من عربية لاخري
ولك جزيل الشكر والعرفان
ياباشا لا شكر على واجب
وانا حطيت المصدر في الموضوع...بعد صورة بلف 134
من كتالوج الصيانة ومن البحث على النت عرفت ان الضغط المثالي بيبقى 27psi وده لمعظم العربيات
كتالوج صيانة السويفت ومن مواضيع مشابهه...بس ده ميمنعش ان فيه مكيفات مختلفه....انا مثلا ركبت دودج تشارجر في السعودية بموتور 5700 سي سي وكان فيها وحدتين تكييف منفصلتين تماما واحدة للسائق وواحدة للراكب جنبه...فهل ده الزام انه برضه 27؟؟؟..
وعشان كده انا كاتب لمعظم العربيات وليس كل العربيات
الهيونداي اكسيل مثلا بيبقى 28.3p.s.i. انا باحاول اتحرى الدقة قدرالامكان في الالفاظ....
وهل تعلم ان الضغط اصلا لو قرصت بنزين ممكن ينزل ل15 ولو بطلت التكييف بيعلى ويعدي 60
العملية تختلف من سيارة لأخرى واي استفسار انا في الخدمة...
استاذ والله ودكتور ورئس قسم كمان فى كل كلمة بس انا بحب ازود حاجة بسيطة فى موضوع الضغط 27 ولا 28 ولا 30 دة بيختلف فية حالة الجو يعنى ظروف الشحن والجو نفسة يعنى مثلا لو شحنت على 30 ورشيت مية على السربنتينة اية اللى هايحصل السربنتينة هاتبرد والضغط هاينزل ويكون مثلا 25 ولو الجو حر اوى حايديك قرائة عالية ولو قريت اى كتالوج حايقولك كلمة مهمة اوى (ان الضغط مثلا28 فى الاحوال الجو العادية) علشان كدة اهم من الضغط هو العدسة اللى فى المبخرة او على الماسورة هى دة الاساس + الضغط
ياباشا لا شكر على واجب
وانا حطيت المصدر في الموضوع...بعد صورة بلف 134
من كتالوج الصيانة ومن البحث على النت عرفت ان الضغط المثالي بيبقى 27psi وده لمعظم العربيات
كتالوج صيانة السويفت ومن مواضيع مشابهه...بس ده ميمنعش ان فيه مكيفات مختلفه....انا مثلا ركبت دودج تشارجر في السعودية بموتور 5700 سي سي وكان فيها وحدتين تكييف منفصلتين تماما واحدة للسائق وواحدة للراكب جنبه...فهل ده الزام انه برضه 27؟؟؟..
وعشان كده انا كاتب لمعظم العربيات وليس كل العربيات
الهيونداي اكسيل مثلا بيبقى 28.3p.s.i. انا باحاول اتحرى الدقة قدرالامكان في الالفاظ....
وهل تعلم ان الضغط اصلا لو قرصت بنزين ممكن ينزل ل15 ولو بطلت التكييف بيعلى ويعدي 60
العملية تختلف من سيارة لأخرى واي استفسار انا في الخدمة...
استاذ والله ودكتور ورئس قسم كمان فى كل كلمة بس انا بحب ازود حاجة بسيطة فى موضوع الضغط 27 ولا 28 ولا 30 دة بيختلف فية حالة الجو يعنى ظروف الشحن والجو نفسة يعنى مثلا لو شحنت على 30 ورشيت مية على السربنتينة اية اللى هايحصل السربنتينة هاتبرد والضغط هاينزل ويكون مثلا 25 ولو الجو حر اوى حايديك قرائة عالية ولو قريت اى كتالوج حايقولك كلمة مهمة اوى (ان الضغط مثلا28 فى الاحوال الجو العادية) علشان كدة اهم من الضغط هو العدسة اللى فى المبخرة او على الماسورة هى دة الاساس + الضغط
ربنا يحفظكم انتو الاثتين
التكيف عندي مش حلو ورحت اقيس الشحن اول لما ركب لاقيتوا ٦٠ قلتلو كدا كتير قالي استنا لما ادوس بنزين ولما كان RBM٣٠٠٠ نزل الضغط ل ٤٠ مع تفريغ الفريون قلت له فضي كمان وعلي مسؤليتي وخلاه ٣٥ وقلي كفايه كدة .
المهم التكيف اتحسن شويه بس مش هوه
مش عارف افضيه انا ولا ايه...طب افضية وهوا مطفي ولا شغال ؟
وينفع افضية من بلف الضغط المرتفع ؟
مع العلم اني معنديش نافذة زجاجية.
اناعندي انتفاخ كبيير من الالومنيوم داخل فية الماسورة القادمة من الصالون وهيا قطرها اكبر من الماسورة الداخله للصالون !... ويوجد في هذا الانتفاخ بلف اللي دائما بيشحنوا منه ومتركب عليه سينسور داخل فيه فرده كهربا وخارج منه فردة للكباس.
قلولي اعمل ايه
ولكم مني منتهي الشكر والعرفان.
ربنا يحفظكم انتو الاثتين
التكيف عندي مش حلو ورحت اقيس الشحن اول لما ركب لاقيتوا ٦٠ قلتلو كدا كتير قالي استنا لما ادوس بنزين ولما كان rbm٣٠٠٠ نزل الضغط ل ٤٠ مع تفريغ الفريون قلت له فضي كمان وعلي مسؤليتي وخلاه ٣٥ وقلي كفايه كدة .
المهم التكيف اتحسن شويه بس مش هوه
مش عارف افضيه انا ولا ايه...طب افضية وهوا مطفي ولا شغال ؟
وينفع افضية من بلف الضغط المرتفع ؟
مع العلم اني معنديش نافذة زجاجية.
اناعندي انتفاخ كبيير من الالومنيوم داخل فية الماسورة القادمة من الصالون وهيا قطرها اكبر من الماسورة الداخله للصالون !... ويوجد في هذا الانتفاخ بلف اللي دائما بيشحنوا منه ومتركب عليه سينسور داخل فيه فرده كهربا وخارج منه فردة للكباس.
قلولي اعمل ايه
ولكم مني منتهي الشكر والعرفان.
موضوع أكثر من رائع جدا تشكر على الموضوع ده
مجهود مينفعش اتكلم عليه بجد تسلم ايدك
واكثر الله من امثالك
حلو جدااااا
وعايزين من ده كتيير هاهاها
بجد الله ينور عليك
بس 134 بقى اصعب شوية عشان البلف بتاعه بمشبك
يا جماعة حد عنده فكرة في اعطال التكييف المنزلي
انا كان تكييفي بايز في اول الصيف وجبت واحد حسب نصيحة ناس في المنتدى ( ربنا يسامحهم بقى) وكان الفريون مضبوط في كل حاجة من اول ما ركبناه من سنين لكن الشخص اللي جه الفني صمم يأخذه وما يصلحوش في المكان
المهم جابه بعد كام يوم و ركبه وهو ناقص غطاءات المحبس وكسر الريشة وده اللي اكتشفته
مفيش شهرين وقف تاني
والفريون اتسرب
جبتهم تاني ومالوا فريون لكن التبريد مش قوي
فيه نقط ميه بتنزل على خفيف من الوحدة الداخلية برغم ان الصرف مفيهوش مشاكل
وفيه نقط بتنزل من الوحدة الخارجية خاصة من ناحية المحبس
هل ده تسريب فريون؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟
:stink[1]::stink[1]::stink[1]:
موضوع جميل و ربنا يجازى تعبك
تسلم إيد حضرتك!!!!!!!!
ما شاء الله ربنا يبارك فيك أخوك لسه متعور طاظه فى كمبروسر و أكسبنشن وشحن مرتين 850جند ومنه لله الاسطى الأوالانى هوا الى حرق الكمبروسر وسد الاكسبنشن
بارك الله فيك ........معلومات مهمه فعلا وان شاء الله هجرب ...علشان الصنايعيه مزودينها أوى...وجزاك الله خيرا
مجهود رائع جزاك الله خير
موضوع أكتر من رائع ربنا يجازيك خير
جزاك الله كل خير يا دكتور و عيد سعيد عليك و على المسلمين اجمعين انشاء الله
موضوع بجد جامد قوى، بارك الله فيك
:3mla::3mla:
الله ينور يا دكتور خساره انك مدرستش هندسه كل اجابتك تنم عن فهم للموضوع
وبالمناسبه ما فائدة المياه التي ترش على الرادياتير اثناء الشحن؟
هي مش بتترش عالرادياتير...دي بتترش على سربنتينة المكيف ومش شرط انك تعملها
لها بعض الفوائد..ودي معتقد شخصي بحت..انها بتنزل الحرارة فتخللي الوضع وانت بتشحن كأنك ماشي عالطريق السريع...فتدي بعض البرودة...وبعدين انا بالاحظ انه اثناء الشحن حرارتها بتزيد اكتر مما بتكون عليه اثناء التشغيل...فباحس ان عداد الشحن بيديك قرايه مش مظبوطة
و ياسيدي لو معملتش حاجة اهه اضعف الايمان هتنضف السربنتينة من التراب
السلام عليكم
موضوع مميز ومجهود مشكور من حضرتك
الله ينور عليك
موضوع رائع الف شكر يادكتور انا كنت مستنى الموضوع ده