الموضوع: خلاصة الكلام فى ظبط فيشة الاوكتان ( بالصور )

انا وصتلها فى عربيتى امبارح ... الموضوع بسيط جدا :

فكيت العتب الفبر و رجعت الكرسى للخلف و مديت ايدى تحت الموكيت و لقيتها و سحبتها لبره

و لقيت مكتوب عليها 87

انا شلتها خالص يعنى عملتها على ظبطت 91 و العربيه من ساعه ما جبتها و انا بحط بنزين 92

و كانت المفاجأه :


1- صوت العربيه بقى انعم و اهدأ كتيييييييييييييييييير عن الأول

2- سحب العربيه بقى غير طبيعى و لما بدوس بنزين ببقى حاسس ان العربيه عايزه تطير من على الأرض

3- لما شغلت التكييف مبقاش بياخد من عزم الموتور زى الأول ... العربيه بقت خفيفه بوجه عام

بصراحه الناس اللى مجربتش لازم تجرب .... انا كنت حاسس انى سايق عربيه ثانيه مش عربيتى هههههههه

عصام باشا مش عارف أقولك إيه .. روح يا شيخ ربنا يعمر بيتك .
أنا عملت الظبطة الأخيرة بتاعة الـ 92 لسة من حوالى 3 ساعات وعملت أيديل ليرن وقولت أطلع اجرب وكانت المفاجأة ......
بدوس بنزين مع الغيار الأول زى ما رجلى متعودة على الدوسة لقيت العربية فركت على الأرض وفعلاً كانت عايزة تطير زى ما أستاذ محمد ما بيقول .. طبعاً إنبهرت بالنتيجة وقولت أطلع على الدائرى وأجرب .. فعلاً سحب أكتر من ممتاز وصوت الموتور تحفة ولاحظت حاجة غريبة كمان إن عداد الار بى إم بقت عدد لفاته أقل شوية على نفس السرعة يعنى وأنا ماشى على سرعة 100 كيلو كان على 3.5 ..أنا كنت حاسس إنى بسوق العربية الاول وأنا شادد الهاند بريك يا جماعة من فضلكوا جربوا الموضوع ده وفى الحتة دى بالذات سيبكوا من كلام الكاتالوجات وإستمتعوا شويه بالفرق إللى هاتشفوه فى العربية قبل ما بنزين 92 يغلى ونرجع تانى لمشى السلاحف .. بس ربنا يستر على إستهلاك البنزين مش عارف ها يبقى طبيعى ولا هاتبقى حريقه ؟ بجد أنا بشكرك جداً على الموضوع ده وربنا يباركلك فى عملك وبيتك .