الموضوع: خلاصة الكلام فى ظبط فيشة الاوكتان ( بالصور )

انا بجرب الفيشة فى وضعية 95 من 3 ايام و حتى الان النتيجة ممتازة

سحب العربية اتحسن كتير... الفرق باختصار هو انك بتسحب بالعربية بالتكييف شغال و استجابة العربية بتبقى اكنك طافى التكييف

التسارع اتحسن كتير و الوصول الى سرعات عالية بقى سهل جدا و تحس ان المكنة كانت مكتومة و فاقت مع الضبطة الجديدة

انا طبعا كل دة بجرب و التكييف شغال و الجو حر و دة بيخنق العربية اساسا... اعتقد لو عصام كان قال على الفكرة دى من الشتا كانت النتائج حتبقى مذهلة

المشكلة بقى انى مبصتش على استهلاك البنزين ولا فكرت اصلا ابص فيه... دى مشكلتى لانى فى الغالب ببحث عن الاداء على حساب اى حاجة تانية

عموما حتى لو طلعت الضبطة دى بتاكل بنزين (لو حد جرب يحسب الاستهلاك على الوضع دة) فا انا باكد تمام التاكيد (و ابصم بالعشرة كمان) ان فرق الاداء يستاهل فرق الاستهلاك

الله ينور عليك يا عصام و يباركلك فى اهل بيتك و يكتب الشفاء لهم جميعا

بقولك ايه... انا عايز اعمل رف خشب للسماعات و بما انك خبير اخشاب ما تقولنا على المقاسات و الخامات اللى حنحتاجها فى الموضوع دة (بس فى موضوع منفصل عشان منعجنش المواضيع فى بعض)

mmamdouh

اولاٌ الف مبروك على التوصيله الجديده وكمان على النتيجه

انا سعيد اوى ان النتيجه عجبتك

وسعيد اكتر انى قدرت اردلك حاجه من جمايل معلوماتك علينا

بالنسبه لحكاية خبير اخشاب فانا خبير اطقم صوت على مزاجك ( لانى دى كانت هوايتى الاولى قبل هواية العربيات )

بالنسبه لموضوع رف السماعات من عينى هعملك موضوع منفصل فى السريع عليه

بس معلومه كده على السريع

الرف لو حابب تعمله يتعمل من خامة اسمها mdf نوع ابلاكش مصنع ( افضل انواعه الاندونيسى الابيض ) وهو كاتم فعال اوى للصوت.

ولاكن لا انصحك بعمل رف للانوس عندى طريقه افضل من الرف واسهل واوفر وصوتها جبار

الطريقه دى .........................
...............................
.....................

البقيه فى الموضوع الجديد ( طريقة تركيب طقم صوت كامل للانوس بالصور )