الموضوع: مشكلة في نور الفرامل و الإشارة

اهلا بيك لانسراوى جديد

بالنسبه لمشكلتك كلها مشاكل لمبات
وممكن تقوم بالعمليه دى كلها بنفسك

بالنسبه لنور فرامل الفوانيس الخلفيه هتحتاج مفك صليبه فقط
هاتفتح الشنطه هتلاقى مسمارين للفانوس هاتفكهم وتشد الفانوس لبره بحذر لانه متثبت بكليبسين
هتلاقى اربع دوايا تشوف ايه اللى بايظ منهم وتفكها وتجيب زيها وتركبه تانى بحذر

اما عن الاشاره سرعه تنبيه الاشاره سريعه ياعنى فى لمبه مش شغاله
هاتشغل الانتظار وتلف على العربيه وتشوف انهى واحده وتغيرها

واغلى لمبه هى بتاعه الاشاره الخلفيه و الالمانى ب 11ج