الموضوع: اللوجان اتخبطت وهية واقفة ومحتاج رايكم ياوحوش

ياشباب حصل خير
انا خلاص استعوضت ربنا وقلت (اللهم اجرنى فى مصيبتى واخلفنى خيرا منها)
وانا مكلمتش الراجل تانى من ساعتها وقلت هسيبها تاخد العين شوية ولما ابقى افضالها ابقة اشوفلها حل ولو رحت القاهرة هزور سيادة العقيد
وعلى فكرة ياباشا انا لما كلمت الراجل كلمتة بكل ذوق واحترام وشكرتة انة وقف واهتم وادى السايس رقمة ومقولتلوش غير جملة واحدة بس ان ((حضرتك مسلم وعارف ان من اتلف شيئا فعلية اصلاحة )) وكان ردة عليا انا تحت امرك فى اى حاجة والموضوع خلص على كدة
انا حاليا بحاول لما انزل مبصش على مكان الخبطة علشان متضايقش واعكنن على نفسى
بس من الواضح كدة ان اى عربية زيرو لازم حد يمضيلك عليها

المشاركة الأصلية كتبت بواسطة gazzar91

لأ لأ
أوعى تفهمني غلط.... أنا مش قصدي إنك ممكن تكون رخمت عليه ولّا حاجة... أنا بس غلشان إتحطيت مكان الراجل ده قبل كدة و عارف ممكن يقابل إيه فبحاول أنبه
و أحسن حاجة عملتها إنك سبتها الشوية اللي في الأول دول لأن أنا بشوف عربيات كتير زيرو و متعورة
ماتحملش هم.. طالما عفيت عن الراجل ربنا هيسهلهالك... و متخافش أنا و يوكو مش بنتخانق، ده مجرد خلاف ودي بين البشمهندزين .... ولّا إيه يا حضرة الزميل؟؟؟؟

لا انا مفهمتش غلط ولا حاجة انا بس حبيت اوضح اللى حصل بالظبط علشان اهدى لهجة الحوار بينك وبين يوكو
مكنتش عايز ابقى سبب فى خلاف بينكم بس كويس انك وضحتلى ان مفيش خلاف ولا حاجة وعموما كلنا بشمهندزين زى بعضينا (اخوك فى رابعة مدنى ومزنوق فى الامتحانات ادعيلى اعديها على خير ) وانا سعيد جدا بمشاركتكم دى وبمشاركة العقيد خالد

المشاركة الأصلية كتبت بواسطة yoko

طبعا يا جزار وإن شاء الله عربيت حضرتك اللوجان ترجع أحسن من الأول ولو شوفت عربيتي هتحمد ربنا!!! ولسه واخد خبطة جديدة من واحد راكن بالطول وأنا في الشارع والشارع واقف وبيرجع من غير ميبص وقعدت أزمرله لحد ما لبس في الباب عندي ولولا الظروف (مش هقدر أحكيها علني) كنت نزلت عملتلة محضر بالذات إننا كنا جمب القسم!!!! وده عشان هو بيرجع ومش بيبص عارف لو كان مثلا إتزنق ولا معرفش يتصرف لكن ده راجع ومش همة وأنا بزمر والأشارجي جري قدامة بيقوله أقف وهو ولا معبر حد!!!!!!
بس الحمد لله الباب ممرن فدخل ورجع تاني وخدش بسيط

قلبى معاك ياهندسة انا حاسس بيك لا ن بجد الناس مبقاش عندها اى احساس بالمسئولية والاستهتار بقى دلوقتى القاعدة والالتزام دة بقى معناة ان انت يامة لسة جديد فى السواقة او ملكش ضهر فبتخاف تخالف مع ان المفروض الناس تعرف ان العربيات دى امانة فى الشارع واللى هيعملة دلوقتى فى عربيات الناس ممكن يحصلة فى عربيتة او هتردلة فى حاجة تانية على العموم ربنا يسترها معانا جميعا وربنا يهدى