اللوجان اتخبطت وهية واقفة ومحتاج رايكم ياوحوش

**attosaroka** · 24-05-2010 11:01 PM

السلام عليكم جميعا
العربية بتاعتى اتخبطت وهية واقفة ودى مش المرة الاولى رغم ان العربية لسة بشوكها ولسة عاملة يادوب 1000 كيلو
المهم ان السايس اللى فى المنطقة اتعامل مع اللى خبطها واخد رقمة وانا كلمتة وبصراحة الراجل طلع ذوق وهيتكفل بتصليحها
هية الخبطة مش جامدة تقدروا تقولوا كدة انة ريح عليها والنتيجة كانت حكة فى الاكصدام الخلفى ونقرة فى المنطقة اللى بين الاكصدام الخلفى والرفرف هية نقرة صغيرة بصراحة بس شوهت شكل العربية خاصة وان الجنب دة كام واخد خابطة تانية قبل كدة وهية واقفة برضة مش عارف لية حاسس ان الجنب دة نحس!!!
المهم انا اتفقت مع اللى خبطها انة ييجى معايا عند السمكرى ونرد الخبطة دى
المشكلة ان انا مش عارف هل دخول العربية عند السمكرى دة ممكن يهين العربية لاحظوا ان العربية لسة زيروا ومعملتش اول صيانة وانا بعاملها احسن من مبعامل خطيبتى اساسا وانا خايف ان السمكرى بدل ما يكحلها يعميها يعنى بدل ما يدارى النقرة يشوة المنطقة كلها لان زى مانتوا عارفين داير الرفرف مع لمعان البوية فى الاضاءة اى خربوش ولو صغير بيبان فية
وياترى بالنسبة لحكة الاكصدام هل ممكن تتعالج بالبوليش خاصة ان والحمد لله البوية مطلعتش هية يادوب بهتت
انا بصراحة محتار مش عارف اسامحة وخلاص واسيبها كدة لانى خايف اوى من موضوع السمكرية دة ومن اهانة العربية
ولا اوديها وهية ونصيبها
ياريت تقولولى رايكم وخبراتكم

**M.Radwan** · 24-05-2010 11:11 PM

عليك وعلى العقيد خالد:
http://www.nilemotors.net/Nile/118993-a.html
وعلى فكرة عندي برضه الجنب اليمين متشلفط
بس مش هعمله دلوقتي خليه ياخد العين أحسن

**attosaroka** · 24-05-2010 11:14 PM

ياريتى ياباشا كنت فى القاهرة كنت روحت لسيادة العقيد من غير تفكير بس انا من اسكندرية

**M.Radwan** · 24-05-2010 11:15 PM

طب حضرتك قول انت منين وان شاء الله الشباب يساعدوك،

**د.محمود صلاح** · 24-05-2010 11:18 PM

قدر الله وما شاء فعل .. حضرتك واخد عين أكيد ..

**bishoy02010** · 24-05-2010 11:42 PM

مش لازم تعملها ولو نويت وديها التوكيل طالما هوه كده كده متكفل بتصلحها ولو مش مستهله انصحك تسيبها كده

**drahmd** · 25-05-2010 08:58 AM

انا عندي نفس الموضوع هسيبها شويه لحد مايبقى فيها حاجه تستاهل وابقى اوديها تتسمكر عند العقيد خالد ان شاء الله

**attosaroka** · 25-05-2010 04:25 PM

خلاص انا هسيبها دلوقتى وابقى اعملها مع صيانة ال5000

**DR/WAFEK** · 26-05-2010 02:53 PM

لسه من يومين كنت فى مصر وركنت العربيه جنب وزارة االصحه شويه ورجعت ختها وروحت تانى يوم ببص على الجنب اليمين الاقى خربوش عميق واخد الرفرف اليمين كله ونصف الباب القدمانى اتعكننت اخر عكننه ومش عارف لحد دلوقتى ايه السبب الناس قالتلى سيبها متعملهاش ولو حتى بقلم علشان لما تيجى تتباع طبعا فكرت فى الموضوع قلت مش عايزها تتباع انا اصلحها احسن ما اتغم كل ما اشوفها رحت لسمكرى فك الفبر اللى فوق العجله ورد الرفرف على البارد وبعدين فك الفرش بتاع الباب اليمين بحرص وبعدين رد الباب وبعد كده عملتها بقلم هى مختفتش ولكن قلت بنسبه 75 فى الميه والحمد لله

الموضوع: اللوجان اتخبطت وهية واقفة ومحتاج رايكم ياوحوش

LinkBack

أدوات الموضوع

عرض

-

-

-

-

المواضيع المتشابهه

العربية اتخبطت و هى واقفة

لا حول ولا قوة الا بالله-اتخبطت وهى واقفة

الحمد لله علي كل شيء , العربية اتخبطت وهي واقفة , ارجو الرأي خصوصا من المهندس طارق

محتاج مساعدة السيريون اتخبطت و هي واقفة ( تاني ! لأ تالت .. مبقتش أعد ! )

العربية اتخبطت انهارده وهيه واقفة ممكن مساعدة؟

الكلمات الدلالية لهذا الموضوع

المفضلات

المفضلات

ضوابط المشاركة