الموضوع: الخوف الشديد من السواقة اعمل فية اية

المشاركة الأصلية كتبت بواسطة esraatefa

الdrift هو باللغة العربية معناه الانسياق او الانجراف
وهو زى رياضة كدا بتبقى محتاجة تحكم كويس فى العربية ودفع خلفى (غالبا) وهو انك بتشدى الهاند بريك مع الملف ويكون الدريكسيون مع نفس اتجاه الملف فبتاخدى الملف بالعرض
ملحوظة :انا عملت دريفت على قدى يعنى مش جامد اوى ودا لان اخويا كذا مرة يورينى فيديوز عن الدريفتات وازاى بتتعمل وهو بنفسه بيعملها لما اكون راكبه معاه فخلانى احب اجرب
انا مش عارفة اشرح اوى بس دا فيديو يوضحلك كلامى اكتر دا بعد اذن ساسو طبعا
YouTube - drift too fast

فعلا ال drift معناة كدة زى ما esraa شرحتة بالظبط والغرز هو انك تطلعى من عربية اواتنين زى الملاهى كدة ودة طبعا محتاج خبرة وممارسة وثقة طبعا
وبعدين يا esraa انتى مش محتاجة اذن لانك بمعلوماتك بتفدينا كلنا بجد ما شاء الله عليكى

المشاركة الأصلية كتبت بواسطة esraatefa

اولا انا لسه بردة بتعلم السواقة بس مش فى مركز تعليم السيارات بتعلم مع اخويا فى سوق السيارات..اول مرة كنت خايفة موووت وجسمى كله بيترعش تانى مرة كان السوق في ناس تانية بتتعلم بردة السواقة فشجعونى الصراحة وبقيت امشى بالعربية على التانى والدبرياج اتظبط معايا وبقت الحياة بمبى وفرحت اوى ساعتها ان رجلى اتظبطت بسرعة على الدبرياج لان اخويا كان بيقولى ان اصعب حاجة اللى بتواجه اللى بتعلموا عموما هى الدبرياج
أخر مرة دى بقى عمرى ما انساها مش هتصدقى والله عملت driftبيها ودا لما مبقتش مركزة اوى زى الاول يعنى انا كنت الاول قبل ما اعمل اى خطوة اقعد افكرهى كدا صح ولا لا وبالتالى العربية بتبطل منى بس المرة دى كنت فاتحة اغانى وعماله اتكلم مع اخويا ..
فأهم حاجة خليكى relaxxxxx وان شاء الله هتلاقى الدنيا زى الفل معاكى
بس بجد زى ما الكل قال الموضوع بس حكاية ممارسة مش اكتر
وان شاء الله ربنا معاكى يا ساسو ونشوفك قريب كمان فى الautocross ههههههه
اسفة انى طولت عليكى والف مبروك على العربية وان شاء الله ربنا يكفيكى شرها

يا نصاااااااابة دة كان حظ مبتدئين,وعمى كماااااان انها جت معاكى كدة

طبعا بعيداا عن علامات الدهشة والخضة والهلع الاغريقى الى كان حاصل ...حبيبت هارتى وننى قلبى من جوة يا غالية

لو على التعليم بسيطه شوفى اى حد يعرف سواق تاكسى امين و تروحى معاه انت و اخوكى او والدك او كده و الساعه معاه كانت بتبقا ب15 الة 20 جنيه و ممكن تتفقوا على الطلعه يعنى الطلعه مثلا ب20 جنيه و تقعد زى ما تاخد من وقت
اعتقد محدش يعرف خبايا الطرق غير التاكسى الى طول النهار على الطريق

بوص انا كنت كدا الاول بس انت خدها واحده واحده يعنى الاول تمشى بيها و الشوارع فاضيه مثالاً الصبح بدرى قبل ما العربيات تطلع و بعدين الساعه 5 فلا الظهر بيكون كولو نايم بس بتبقى فى نسبه عربيات صغيره و بعدين الساعه 2 الظهر و دى المرحله اللى صعبه اوى و خد لباللك انت المره الاولى دخلت فى راصيف بس ممكن المره اللى جاى متكونش انت اللى غلطان ممكن يكون غيرك زى ما انت عارف احنا فى مصر و احذر حذر شديد من السرفيش لى انو دول بيوقفو فى نص الطريق علشان الزبون و فى الاخر عاتتعود بس خدها واحده واحده

[QUOTE=saso2010;3872709914]

المشاركة الأصلية كتبت بواسطة lobna_yaseen

مرسى يالبنى على التوضيح دة لانى عاوزة اقولك انى بترعب لما يحصلى كدة بس عاوزة اقولك خبر حلو انا خرجت النهاردة بالعربية لوحدى طبعا دى اول مرة اكون لوحدى وكمان رحت بيها وسط البلد وساعة ذروة بس المهم اتكلت على اللة وطبعا كنت بترعش وحاسة ان روحى بتطلع وحياة ربنا المهم من كتر ماصوتى عالى جوة العربية وانا بقراء القران وبدعى الناس كانت بتسمعنى المهم مشيت براحة على الاول والتانى وعلى كوبرى اكتوبر وانا راجعة جبت التالت والحمد للة مشيت فى الزحمة وكنت مش مركزة مع الكلاكسات والكلام دة واستنى لو فية ميكروباص اوحاجة اقف معديش منة ولا حاجة بس طبعا مشكلتى الركنة واللى بعتمد فيها على حارس الجراج او اللى الراجل بتاع البارك اللى فى وسط البلد وبردة هو اللى طلعهالى بس عاوزة اقولك لما رجعت الجراج بيها كنت فرحانة وصليت ركعتين شكر بجد الحمد للة وبجد عاوزة اقولك ان الخطوة دى كنت خايفة منها ومرعوبة بس بعد ربنا بجد المنتدى دة فادنى بشكل رهيب وبشكرك جدا انتى والاستاذ حسين وسارة وكل الناس اللى بتشارك بجد ربنا يستر علينا ونكون سواقين جامدين ونتفوق على الرجالة انشاء اللة

مبروك يا ساسو انتى ماشاء الله عليكى أحسن منى فى حكاية وسط البلد أنا لسه مانزلتش وسط البلد بس ده علشان أغلب حياتى بعيده عنها بس أنا ان شاء الله عاوزه ضرورى أنزل علشان ده بيتهيألى الإختبار الأهم فى السواقه مادام عديتى منه يبقى خلاص بقيتى سواقه ماهره بس إوعى ترجعى فى كلامك تانى وتكسلى و بكده يبقى إن شاء الله شهرين بالكتير وتتعودى خلاص عالسواقه مادام بتسوقى طبيعى فى وسط البلد ربنا معاكى بس الشهرين دول خليهم سواقه هاديه جدا لغاية مايعدوا وادعى لى بقى أنزل وسط البلد أنا كمان وأول مايحصل هقولك على تجربتى وأخبارها إيه

ازيك يا لبنى اخبارك ايه؟
الحمد لله انا كويسه
وعلى فكره انا احسن كتير بعد اخر كورس مع المدرب الجديد يعني التنشنه راحت والقفشه على الدركسيون ماعدا في بعض الحالات زي الدائري او لو طريق زحمه جدا وكله ميكروباصات
انا فعلا اتأخرت في النزول بالعربيه لوحدي وكنت ناويه اعمل كده بعد آخر حصه في الكورس انزل لوحدي يوم الجمعه الصبح بدري
بس والدي رفض وكان قلقان وفي الأول اتضايقت بس تقدري تقولي الموضوع جه على هوايا وبعد ماكنت متحمسه انزل بها لوحدي بدري ماحاولتش اقنعه تاني


ماهو ده الخوف بعينه اللى بقولك عليه إنك من جواكى ماصدقتى إنه قالك لأ
هو يمكن خايف لأن المنيل شوارعه كلها صغيره واتجاهين والخروج لوحدي منه هي المشكله

هو عنده حق لأن المنيل صعب شويه أو أى مكان شوارع صغيره واتجاهين بس كده وضحت الرؤيا وكده عندك حق تخافى أنا لو مكانك أخاف برضه بس حاولى تنزلى مع حد وخلاص زى مابتعملى لغاية ماتتعودى

بعد كده بدأت انزل بيها معاه كل فتره يعني مرتين في الإسبوع تقريباً
بس اكتر حاجه بتخوفني اني اتخطى عربيه حتى لو تاكسي ركن امامي غالبا بستنى وراه لغاية مايمشي لأن الشارع بيكون اتجاهين وبخاف اكون قريبه جدا من اللي جاي من الناحيه التانيه
انا بفكر اعزل في مدينه جديده ايه رأيكم[/QUOTE]

أنا ماكنتش أعرف إنك ساكنه فى مكان زحمه أنا بقى اللى بقولك خليكى شويه ده أنا خوفت وحسيت إنى بسوق عندكم إترعبت أنا رجعت فى كلامى تانى بس بصى حاولى تتحايلى على كل واحد فى العيله فاضى شويه لو ساعه كل يوم وبكده تتطمنى أسرع ولا أقولك انتى عزلى فى مدينه جديده أحسن وشوفيلى شقه جنبك عشان أسوق براحتى أنا كمان ههههههههههه ربنا معانا جميعا

المشاركة الأصلية كتبت بواسطة saso2010

اولا مرسى جدا لرد حضرتك ثانيا انا حاسة انى الفترة دى بقيت اسوق كويس كبداية طبعا بس هو عمال يخوفنى ويقولى لا متخرجيش بيها لوحدك كل دة طبعا عشان العداد وعشان ازود عدد الحصص انا بقالى شهر بتعلم دة انا حتى زهقت من روحى يمين وروحى شمال ودوسى فرامل ياة دة انا بدعى ربنا انى اخلص منة لانة بيقعد يتعصب عليا لدرجة واللة انى فى مرة عيطت منة ولما صعبت علية قالى اصل انا متخانق مع مراتى طب انا زنبى اية
وفعلا زى ماحضرتك بتقول كلنا بنغلط فى السواقة دة امر طبيعى

بجد ضحكتنى اوى متخانق مع مراته دى ...
انا على فكره برضه تقريبا فى نفس مستواكى فى السواقه بخاف كده و اخرى التالت و مره مشيت على المحور كنت ماشيه على 60 و كل العربيات اللى بيزمر و اللى بيشتم
و ما كملتش والله ركنت و انهرت تماما
و على فكره انا مره اللى بيعلمنى جاب مرات اخوه يعلمها معايا فى نفس الحصه بتاعتى اللى دافعه تمنها من حر مالى يا عالم و اصلا بقى كان عامل فيها زامبيوطه على رأى نشوى مصطفى و يقعد يقولى انا باسوق على طول على 140 و ايه اللى انتى فيه ده ... انا مش متخيل انى باعلم واحده طموحها تمشى على 60 و الا 70 لحد ما عقدنى والله و قولت انا عمرى ما هاسوق و فى الاخر قولت انا هاتعلم لوحدى
بس لسه مش قادره اتحكم فى الرعب اللى عايشاه من السواقه ..
والله باحلم بيها بالليل تخيلى ..